我國大婚

威廉王子嘅婚禮,喺香港都有人談論,本來兩個香港電視台,小弟懷疑側側膊唔多覺唔想直播,但無線同亞視英文台,最後可能喺香港眾多人壓力下直播,無線應該直頭用BBC訊號,但中間斷咗新聞。(如果唔想斷新聞,就自已用UK VPN上BBC,但BBC iPlayer同VPN可能果日都會塞爆)。亞視就唔知,或者大家可以睇Youtube直播(小弟深信Youtube技術應付到)。

威廉王子呢次大婚之所以注目,一嚟佢係戴安娜王妃個仔,戴安娜係引領我國進入Passion年代嘅人,佢娶平民做王妃,大家都唔希望重演佢阿媽嘅悲劇故事(但應該唔會)。另一方面,佢好可能成為英國國王,呢樣都好重要。

唔理你認唔認同英國王室都好,一個無法否認事件係,英國國王係我國、紐西蘭、澳洲、加拿大等國嘅共同君主,佢呢次大婚同之後嘅表現,會影響呢堆國家對立憲制度嘅睇法。

還好威廉王子唔係天主教徒,或者好似貝理雅咁,卸下首相一職後即刻改信天主教。因為英國憲制上,有一個同BNA 1981一樣,隨時同ECHR撞鋪勁嘅計時炸彈,就係法律唔容許天主教徒做君主。依家一直無case出現,所以應該好多年後都唔會撞,但呢個世界嘅嘢好難講。偏偏依家我國嘅憲制基礎,仲有成堆呢挺活化石喺背後。

所以皇室大婚,唔會係八卦新聞咁簡單。尤其英國國王,孭起十幾個國家共同君主,加一個國家最高部族首領嘅責任。

5 則迴響

Filed under 英國與歐洲

5 responses to “我國大婚

  1. nightingalelin

    公事煩忙都好,記得清君惻,唔好俾d香港的領導班子賣港。佢地賣港成功之後,實會叫女皇找數。

  2. 學術性提問:
    英國憲制唔比君主係天主教徒?請問黃兄知唔知點解呢?

  3. 飛蚊導彈

    @鬼:

    於十六世紀中葉,信奉天主教的英皇亨利八世要休妻再娶,結果與羅馬教廷決裂,
    另立英國教會(即聖公會),並自立為英國教會的領袖.

    隨後由於英國與羅馬教廷長期不和,為了防止天主教徒領導英國教會,
    所以在十八世紀初便立法禁止天主教徒及其配偶繼承皇位.

  4. @導彈:

    謝了,"為了防止天主教徒領導英國教會" 說的應該是英國國會吧。

  5. sammike

    RE:鬼
    板主冇錯,係英國教會
    因為政教合一既原故,英國君主係英國國教會(聖公會)既領袖,國王自從大憲章就能力控制國會了。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s