亂講膠嘢係會出事

Today (Singapore): A ‘rainbow coalition’ or no?

喺新加坡報紙出現呢篇公然抽部長水抽到乾塘嘅讀者來函,都算得上罕見。只不過,呢次維文醫生真係應該受吓一啲教訓。(雖然呢封抽水信,有啲行動黨人嘅味道)

維文醫生本來想藉377A爭議,爭取一啲反同性戀嘅保守選票,因為喺新加坡係有市場,只不過,有啲議題唔係可以係又抽,唔係又抽,當中包括377A,喺新加坡越嚟越重視外來精英嘅今日,維文醫生用網上短片抽水,結果抽出硬膠出嚟,至少益咗新加坡民主黨唔少。

所以呢次新加坡大選,有可能出現近年罕見,除咗丹絨巴葛區(即係李光耀嘅選區,老實講,邊個想去打呢個一等難打戰區?)全部都有人打嘅局面。而且唔少反對黨候選人係前高級公務員,或者讀書叻果啲精英(最顯著例子係工人黨陳碩茂),呢次選舉對行動黨啲新人係有好處,大家見維文醫生咁搞法,如果鋪鋪都不戰而勝,你俾我係新加坡行動黨中人,都會驚日後班友會唔會講咗膠嘢,闖咗大禍都唔知。

後話:睇行動黨攻擊陳碩茂果啲做法,小弟無眼睇,太耐無打過仗,後果好大鑊。

Advertisements

3 則迴響

Filed under 南洋政治

3 responses to “亂講膠嘢係會出事

  1. Sam

    講起新加玻選舉,我又想知道多d. 新加玻議會有所謂既NCMP議席,但呢d議員既權力係比一般當選既議員為少.其實點解班新加玻反對黨既人,寧願去做二等議員去endorse個唔公平既政治制度,都唔願意去抗爭呢?

  2. 飛蚊導彈

    S:
    抗爭都要有人支持才行,李光耀從新加坡立國開始就不斷宣揚
    “以鐵腕統治保持種族和諧"的概念,所以人們大多都因為害怕
    “真民主導致種族衝突"而對李光耀的假民主逆來順受.

    況且新加坡人對政府的依賴遠高於香港,自然不敢去抗爭,
    害怕被政府報復而失去政府給予的福利,甚至身敗名裂,
    一如新加坡一眾反對黨人士一直以來所受的逼害一樣.

    所以做人有時候很矛盾,
    一方面想政府多做事幫助大眾,一方面又怕政府做得太多,
    會像新加坡一樣對政府依賴,人人當政府是神,民主就不能發展.

  3. martinoei 黃世澤

    To all:

    新加坡反對黨曾經拒絕接受NCMP,但問題係你唔接受仲大鑊,就係任由行動黨喺國會自把自為,你有人喺議會,至少新加坡仲按規矩做嘢,有文件,有發言紀錄。

    新加坡人己經比以往勇敢,今次好多反對黨候選人係政府獎學金得主,甚至係前總理私人秘書。

    (當然有另一個講法係,有精英入反對黨,有暗地實踐所謂嘅「行動黨Team B」計劃,劉程強個士啤軚理論,亦都未免太有呢挺味道)

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s