香港爭奪戰

由去年5月16日休博日,我己經講過,一年內局勢變化迅速,依家上海貨櫃港罷工仲未收科,成班廠佬鬼晒咁嘈,搞到要侷住翻牆睇大紀元接收資訊(成件事好膠,但真係無計),大家都應該知道,中國己經去到一個咩嘢地步,臨界點己經到咗。

正因為臨界點到咗,香港爭奪戰亦隨即爆發,依家基本上,唔少中共子弟,以及同中共合作嘅賣港賊(首賊一定係唐英年),加速中共黨員吞噬香港嘅步伐,希望喺香港同樣達到臨界點前,有幾多中共人嚟到香港人,資金等等避到嚟就避到嚟,完全唔顧港民生死。

另一方面,有一班希望爭取一個自主、非共的香港,呢個亦係大部分中道力量嘅意願,所以至有反蝗運動等出現,以至大家對《打擂台》拎到香港電影金像獎興奪雀躍,全部都係基於香港爭奪戰之下嘅背景。

香港局勢山雨欲來,早講過大事勿用,餘下事情,留待歷史。

20 則迴響

Filed under 香港政治

20 responses to “香港爭奪戰

  1. TC

    如果中共倒台,建立新政府(無論係獨立,或由英國托管),一定要將一班90年代中至依家中共派去香港搞搞震班人(當然包膠年,中共太子黨)踢番大陸。至於中國大肚娑生完仔走數,新香港政治都要將佢地香港居留權revoke。

  2. Dick Ma

    香港會獨立又或者交還英國管治,我覺得是好的,但想得太過樂觀了。我預期是中共最終會勝利。
    昨日我在Regent Street看著一班剛果民主共和國的人示威,茅頭直指David Cameron完全忽略了他們。他們和其他所謂民主國家去攻打利比亞,卻完全忽略其他非民主國家的長期內戰的問題。好明顯,最簡單分析,所有的行動都是經濟和利益掛帥。

    我覺得香港已經被殺雞取卵,現在只剩空殼一個。英國及其他民主國家我預期他們只會在新聞發佈嗌兩聲表示抗議無奈。香港人的素質也不會有能力統治香港。這樣即使中共倒台或否,我覺得點解唔食埋香港?

    我覺得有時要睇睇現實。

  3. Dick: 要組班子,而家就係時候了。

  4. Dick Ma

    但問題在於香港人有幾多擅長搞政治從政?二十多年了,本身中英兩國為香港設計的政治架構會令香港出現一位出色的領袖?如果我問你們現在除了中方欽點的熱門人士,邊一個會有能力去管治香港。(我只可以講是陳方安生,但講真我覺得佢唔會再出黎玩。)

    我是希望香港獨立,我是希望香港交回英國管治,但現實卻是很殘酷。

  5. TTTK

    若果中共倒台, 英國再次管治香港應該有著數
    一來香港有戰略價值
    二來香港仲係國際金融中心, 香港仍然係年年膁大錢, 只不過官商勾結搞到D 錢去哂D 有錢佬度

    希望快D 有呢一日

  6. v

    如果香港係空殼,我唔知用乜來形容大陸啱。

  7. TC

    Dick,

    我認為香港由英國管番好,因為依家有唔少制度同英國非常接近。再加上英國係香港前宗主國,道意同經濟考慮上,英國有責任睇住香港。

    至於Regent Street,我平時行過都唔會留心。因為英國係WWII之後都無係非洲做所謂殖民主子平均成四,五十年。好似剛果同非洲國家都有唔少天然資源,依家搞成咁窮,佢地應該檢討自己ge system有乜問題。

  8. Dick Ma

    我其實不想大撥冷水。我重申我希望香港獨立或交回英國管治。但是也不要太一廂情願。要英國負道義責任?九七年前一早就做左。

  9. Bankers' Arms

    “本身中英兩國為香港設計的政治架構會令香港出現一位出色的領袖?"

    冇既話唔通大家坐係度等死? 一個平庸但本土既民選領袖及政府, 一定遠比港共掠奪政權為好! 這點本人十分肯定!

  10. Bankers' Arms

    當李光耀係1948年在倫敦果時, 已經暗自立志自己人管理新加坡一定比英國人出色, 為何港人仍要龜縮? 仍要渴求返回九七前食英國人既殘廢餐? 英國人, 係任何情況, 都唔會接管香港! 佢地D性格, 住過英國本土既都會有此認識!

  11. Bankers' Arms

    一個本土民選領袖, 錯事百出都好, 唔係列根級戴夫人級政治家都好, 只要唔係賣港, 都會得到所有理智既選民既包容!

  12. TTTK

    港人治港當然好, 但新政府成立初期須要一個李光耀咁既 強人去對付D 土共…我諗來諗去都諗唔到香港有邊個夠強…

  13. Bankers' Arms

    唔緊要, 愈做就愈強, 亦唔見得土共強到唔可以收買, 你估佢地係衛立煌? 郭汝瑰? die-hard commie?

  14. S

    What about a self-governing dominion?

  15. TC

    Bankers’ Arms,

    我不太完全認同英國無興趣接管番香港,最起碼英國曾經想到"主權換治權"。

    以做土木工程為例,唔計下下過幾千萬至億construction contracts,仲有唔少consultancy contracts。英國當年都搵唔少。如果你上香港幾個乜乜工程處websites,你就會見d合約(尤甚其consultancy contracts)由英資公司接左。

    我做間英國公司依家都不知幾回味係香港ge歷史。係90年代英國recession,香港又係90’s乜都起,我公司當年俾香港ge projects救左唔少。公司四十幾五十歲英國同事係以前香港經驗,幫依家公司係中東同美國接唔少projects。

    至於英國要洗幾多$去管香港,我就唔應為要好多。係WWII之後,香港差唔多係半自治,英國又只係派少量陸軍同海軍係香港。再加上財政上又獨立,香港好少依賴英國。

    星架坡好唔好,要睇李光耀仙遊後十至三十年,星架坡仲可以係一黨專政下保持廉潔先可以叩成功。而有一樣係唔可以唔留意,李光耀係南洋華人,唔係中國人。兩批人ge文化,成長背景係唔同。

  16. Dick Ma

    一個香港反抗運動可能是這樣開始。

    在塗鴉要求釋放艾未未的塗鴉活動慘被打壓的時候,我提議發起「誰害怕曾特首?」「誰害怕唐英年?」等一眾塗鴉活動。等香港政府抺走塗鴉又不是,不抺走又篤眼篤鼻!

    「因為我不怕,所以我塗鴉曾蔭權!」

  17. Bankers' Arms

    主權換治權已經係82-3年既事, 當年戴卓爾的確極不願意將香港交出, 尤其係當年剛開放而又劣行彪柄既中共政權, 但今時今日? 睇唔出英國政界及民間對香港有極大興趣, 玩下手連chinese同honkies都唔會/亦冇興趣分得太清 (你要證實呢點, 當然唔會係大陸人跡處處既Regent Street, 而係街頭巷尾D Arms/Inns同D local飲下酒聽番黎); 當然個別上左年紀又同香港有過關係既人例外, 呢D人有conflict of interest, 唔可以代表英國主流意識就係想要番香港, 即係話港隊運動員支持申辦亞運又能否代表主流港人支持申辦?!

    即使假設英國有興趣要番, 我地都冇理由將自己既命運交付他人! 別忘記英國(打從六十年代起)經常有人提出以香港利益交換與中共關係, 係咪到左我地呢一代人都仍然任由香港備受呢D利益群體左右而無say可言?!

    如果香港作為英聯邦自治領, 如加拿大/澳洲一樣, 當然應該贊成! 咁樣可以將九七前既法統承傳得更好, 但如果還原為殖民地, 莫講話佢地冇興趣, 港人亦不應考慮呢種自己利益任由別人掌控既過時政體, 唔通, 港人與東南亞華裔性格不同, 就成為香港要低一級非做別人殖民地不可既原因?

  18. S

    HK can be another NZ (unlike Canada and Australia, NZ is basically unitary.., not federal).., or be something like Gibraltar or Bermuda. Of course another option would be something like Scotland or Wales.. (that’s what Malta had discussed…, and i don’t think that would be possible.. given the Maltese experience.)

    TC: As a matter of fact the HK Govt did pay HM Govt for military expenses.

  19. King John

    「中國己經去到一個咩嘢地步,臨界點己經到咗。」無錯,中共正"力挽狂難",捉艾未未,劉曉波,趙連海…

    而將此臨界點再推前便是江澤民之死。

  20. TC

    Bankers’ Arms ,

    呢個世界係無真正conflict of interest呢回事。年紀大小亦同conflict of interest無直接關係。係03-04年,有唔少美英公司係中東接左唔少reconstruction projects去做。有份參與都有唔少年青人。最起碼我未見過,因為有鬼仔以道德為理由唔去take up呢一d projects。只要有利益,關係就會建立。

    以我認識,只要對自己國家有利,可以幫自己國家財團接多d生意,間接保住就業,有利下次嬴大選。又唔洗出兵死好多人,有邊個會唔做。呢方面,李光耀就最理解。

    英國所謂主流意識,只會理英兵有無人死同軍費支出。要成個國家上下一心支持出兵去(羅)一個地方番黍,二次大戰時日本同納粹德國就可能有;相反我又唔多聽過英國政府有乜野全國公投去支持自己出去羅殖民地。

    香港人搞自治,都幾難搞到乜野出樣。一個有”做慣乞兒,懶做皇帝”心態同唔鍾意理性辯論ge民族,都幾難建立公民意識去自治。

    香港人要自治,唔俾人托管番三,四十年,自己從中偷師,同時再將公民ge質素提升,唔係只會失敗收場。唔同單靠李柱銘,何進仁(or民主派)再加土共組成聯合政府就可以長治久安?

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s