靳民知,呢鋪老蕭多得你唔少。

小弟一向都唔聽蕭生啲節目,因為都幾係浪費時間。只不過,今日靳民知條無知友,講講吓新移民問題,就喺度話我係乜港獨之父,就搞搞吓,搞到老蕭自己露埋底,真係多得靳民知唔少。

1. 小弟一向唔隱暪自己嘅政治取向,即係支持港獨,對我嚟講,港獨唔係帽子嚟。但林忌嘅政治認同,同我係一個掉轉,要屈人做吓research先。靳民知一嘢,搞到蕭生果啲投共言論,好似「解放前」、香港人出生率唔夠就要大陸嚟補就浮晒上水,蕭生多得你唔少。

2. 老蕭唔知一樣嘢,依家係得美國至會阿水喺當地出生係美國公民。歐洲大部分國家,都修改晒國籍法,包括本來最鬆嘅愛爾蘭。2004年愛爾蘭公投修改憲法,規定只有永久居民、英國國民或愛爾蘭公民喺愛爾蘭出生嘅仔女有愛爾蘭公民權(英國獲特別優待同北愛爾蘭嘅特殊情況有關)。老蕭一味只講美國,咁其他歐洲國家?

3. 老蕭成段節目基本上係無貨,除咗斷章取義,話主張反移民理論都係港獨,或者野蠻同垃圾,之後乜都無。事實上,任何歡迎新移民嘅國家,移民嚟香港前都要審批,同埋要做當地國民或者永久居民,要考試同再做歸化審查,否則點確保新移民係認同當地社會。

4. 當然,我主張喺捍衛香港自治權問題上,靳生同蕭生都講到我地係港獨,咁佢地有乜資格鬧民主黨啫。依家佢地雙手奉送應該係香港有嘅管制新移民權力,呢個係內政自治權嘅問題,佢地唔去捍衛仲走去鬧我地港獨。人民力量再鬧民主黨,我建議佢地睇吓自己個貓樣先。

8 則迴響

Filed under 香港政治

8 responses to “靳民知,呢鋪老蕭多得你唔少。

  1. XX力量?這只是民建聯B隊吧。

  2. 凌天羽

    就算是美國, 美國官方也會禁止孕婦游客的情況, 3月9日,洛杉磯官方關閉了一家孕婦中心, 這家孕婦中心是由一名華裔運營, 里面的孕婦游客都來自中國, 據悉, 這些中國媽媽為了來到美國生育已經支付了好幾萬美元.
    另外, 己經有議員提出收緊公民條件, 甚至美國移民局亦在調查是否游客孕婦已經形成產業化鏈條。

    “國會4名共和黨參議員維特(David Vitter)、保羅(Rand Paul)、李(Mike Lee)和莫然(Jerry Moran) 4 月 5日提出議案,要求修改“移民與國籍法”,將在美出生即自動成為美國公民的孩子限定為父母至少有一方必須是美國公民、永久居民或正在服役的美軍成員。"

    現在很多國家都己對當地中國人有嚴重反感, 連美國都對旅遊產子問題感到不安, 日後, 不排除日後會出現全球反華人浪潮.

  3. TC

    凌天羽,

    Chineses一字近年越來越係身份同文化上成負資產。以前係Croydon時,成日見有個中國人係大街叫賣番版DVD,所以依家都有d鬼仔見到樣貌似東亞人時,大叫DVD。

    日本同韓國人都被人拖落水….

  4. 凌天羽

    TC
    西方國家基於人道立場, 一直給予中國人不少寬容, 但這種寬容, 並不代表可以隨意拿來ABUSE 的.

    但可惜, 近二三十年的中國移民沒有這樣的一種思維, 好似去年諾貝爾和平獎領獎時, 挪威竟然有一大堆當地的華人拎住一支支中國國旗在挪威反對和平獎. 挪威給中國人過去, 但中國人竟然反對挪威人的價值觀, 請問這又是文明的表現嗎?

    別國給中國移民, 並不代表容許中國人可以把別國給漢化(說直接一點, 是腐化). 相反, 移民人士往往需要尊重並接受所到之地的價值觀, 這是必須要的.

  5. TC: Manchester 也是,我以前都做過外賣店樓面,有D客都會問有冇老翻DVD買的。

  6. TC

    Martin,

    你知唔知立法會議員有無諗過立法去解決問題?

  7. KLUST

    TC,要修改《基本法》啊。

  8. 不留名

    在美國出生就有美國國籍好似係憲法第十四條條正案明文規定, 要改就要改美國憲法, 同香港要改基本法同中英聯合聲明一樣, 即係等等於冇得搞。

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s