遲早搞出雞蛋仔革命

蘋果日報:10日 3度掃檔拉人撐雞蛋仔伯伯  70街坊圍食環

我講明先,食環署班福祿壽唔知自己衰乜嘅嘢,香港市民集體幫呢棚人開年係遲早問題。

呢班食環署嘅廢人,電訊公司街霸唔拉,老翻唔拉,就係專拉呢啲走唔郁嘅阿公阿婆。小弟喺博客講過n次,呢班茂利根本全部浪費公帑。

黃世澤:香港小販管理隊

去年都有呢類包圍事件,我都講過,有一年差啲成棚市民,包括小弟在內喺旺角幫呢班友開年。如果大坑小販再被拉,市民直頭包圍小販管理隊駐紮地點唔俾佢地出嚟算。呢班友有破壞無建設,收咁多公帑不如攞出嚟派都無咁嬲。

13 則迴響

Filed under 香港政治

13 responses to “遲早搞出雞蛋仔革命

  1. nightingalelin

    政府講到佢地點樣為香港好都無用,生活過就知,依一個就係中國文化啦。

  2. Vw

    根本就係成管所為,勁鄙視D人話"人地都係打份工姐"

    They will pay.

  3. 在網上看完蘋果的報導, 真是怒氣衝天!

  4. dbdb

    色戒蛋蛋都唔洗捉啦,更可況雞蛋仔,阿伯是半個香港旅遊大使泥喎。

  5. 飛蚊導彈

    無牌小販售賣的食物,安全没有保證。
    當大家在同情雞蛋仔阿伯的時候,
    又有誰同情吃了不潔的雞蛋仔,肚痛入院的小孩?

    無牌小販佔用公眾地方,又四處流動,
    很容易受不良分子控制,影響治安。
    當大家為趕走小販管理隊而歡呼的時候,
    又有誰留意到,黑道中人正在虎視眈眈?

    小販在現時的確是對抗地產霸權的辦法之一,
    但是也是長久以來部分社會問題的根源。
    在有完善的小販管理政策之前,
    為了公眾健康和社會秩序,
    取締無牌小販仍然是必須的。

  6. martinoei 黃世澤

    To 飛蚊導彈:

    我對你呢種論調忍咗好耐,乜依家有牌食肆叫乾淨咩?

    仲有,街頭小販唔係有一啲合理嘅管理辦法?電訊公司街霸點解可以係咁擺?黑幫控制嘅小販,食環署捉過咩?

    唔好同我重覆呢啲似是而非嘅陳腔濫調,好唔好?

  7. KLUST

    「電訊公司街霸唔拉」
    這些檔位不收現金,食環署冇符。
    「老翻唔拉」
    這是海關職責,食環署不理。

    黃先生,你是否贊成當局重發熟食小販牌照?

  8. 凌天羽

    政論只不過是"說明" 革命,

    但民生困苦才是真正能導致革命的元素.

    大法國大革命的出現, 並非是盧梭等思想家對法國皇室的挑戰, 伏爾泰足足挑戰了當時法國天主教數十年, 也不能令其退卻, 但一場大饑荒, 一班婦女買不到麵包, 卻足以令法國改變了過來.

    正如苿莉花革命的出現, 也不是一些什麼抱著革命情懷的人如何精心策劃推翩政府, 只不過是因為一個大學生, 因為生活困苦要販賣, 還上政府的壓迫而自焚, 結果卻點起了全民一股反政府的情緒.

    同樣, 當數十街坊會圍食環署職員, 支持炭爐伯伯, 同樣的情緒, 同樣的問題也會出現….

  9. 凌天羽

    正如每年農曆新年, 年初一二三都會有大量小販賣熟食
    以前慣例係初一二三唔捉的, 而小食店/茶餐廳就初一二三停業

    但今年我就見到捉, 而且係"主動咁追" 果d 小販車, 同時連鎖食肆就連初一二三都做埋.

    我今年響深水埗, 旺角都見到呢d 場面, 時勢越來越險惡了.

  10. martinoei 黃世澤

    1. 我贊成重發熟食小販牌照。事實上,連新加坡都不敢全禁街邊流動攤檔這南洋特色。管理,與禁絕是兩回事,這方面,人民行動黨人很清楚界限所在,我在《明報》世紀版寫過新加坡怎樣搞。(日後領匯冬菇亭,就是新加坡模式抄過來,我覺得不錯)

    2. To 凌天羽:這次大家留意圍食環署事件在大坑這個己經是港島半中產區發生,附近更是名校皇仁書院,證明那股反抗情緒明顯蔓延到中產。

  11. Alienz Thame

    係紐約,成日有人推住檔冬甩架啡周街賣,仲有熱狗、Halal飯等等,甚至去到唐人街,你仲會搵到雞蛋仔、炒粉麵同腸粉。世界第一金融中心都可以俾佢地生存,有人D仲靠呢D車仔買車買樓供書教學,香港成日話自己係乜乜金融中心,學下人地先再講啦。

  12. 飛蚊導彈

    Re: Alienz Thame

    因為香港有一班本來出身寒微,後來卻一朝得志的"中產",
    包括很多高官,企業家和專業人士.
    他們認為不能向他們一樣,做高官,企業家和專業人士的人
    都是失敗者,應該從香港社會淘汰出來.

    由於他們"懶係受過高等教育,出入又懶係上流社會"
    他們的"懶係學識"認為整整齊齊的大集團,連鎖店才是質素的保證,
    就像政府經常宣傳,街上的的小販就是"賣野食壞人"和"俾人收陀地"的一樣.

    所以就算連鎖店賣垃圾食物他們一樣去吃,
    小販對他們沒有影響,他們一樣去食環署投訴.

    如果能夠令"中產"們反轉這個概念,就能讓小販成為基層自力更生的途徑.
    食環署高官就是未能擺脫傳統觀念,所以就造成"雞蛋仔阿伯"這樣的場面了.

  13. Jacky Lim

    http://www.cnngo.com/hong-kong/eat/hong-kong-egg-waffles-885080?hpt=C2
    乜柒都唔駛講!
    雞蛋仔唔係香港特色, 做乜春會有外國網站咁好心機做介紹呀
    仲有今次出事的伯伯份呀!

    扯遠少少講
    新加坡、檳城, 台灣的旅遊業興旺, 多少都係呢D街邊嘢食有關架

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s