政治核事故

劉兆佳做手術後放病假
2011-04-06
中央政策組首席顧問劉兆佳於今早上在沙田威爾斯親王醫院接受一項預防性手術,手術進行順利。

醫生囑咐劉兆佳接受手術後需要有充分休息。他聽取醫生意見後將放取病假至4月17日。

在4月6日至4月17日,即劉兆佳放取病假期間,中央政策組副首席顧問葉文輝署任中央政策組首席顧問一職。

喺財政預算案決戰前夕,劉兆佳條友走去請病假充分休息,睇嚟劉教授應該算到一啲好大鑊嘅嘢,做福島五十死士唔係劉教授個性。

今期《壹週刊》陶傑用核反應堆嚟比喻政治,查實都幾準。因為小弟素來研究果樣嘢,一樣嘢叫政治動員(我研究網絡政治,實際係專注呢樣),一樣嘢叫政治穩定性(我研究南洋政治係專注呢樣),查實同對住個反應堆都差唔多。都係你意圖控制一啲力量好大,稍有差池就會全盤失控嘅力量。簡單嚟講,政治動員等同搞出臨界反應出嚟,而政治穩定性就係令到個系統唔會出事,穩定運作。好嘅政治,就係又唔會搞到過熱,但又夠足夠能量維持政治人才同公民嘅政治參與。

當然,政治學發展得遠比核裂變科學為早,所以政治動員可能因網絡呢個新工具而令製造臨界反應方式唔同,但政治穩定呢方面,查實不出穩定嘅水源(經濟發展機會),以及一個運作良好的散熱泵系統驅動,即係議會制度、法治制度等等。

依家香港嘅問題之所以己經搞到核災變咁滯,因為水泵,即係經濟發展機會己經唔得,時有淡水,時無淡水,之後中國新裝個散熱系統,根本係無散熱設計,只係識得將熱力侷埋侷埋,議會、傳媒全部都唔function嘅,搞經濟發展又不擇手段,任中國嘅人落嚟生仔,炒樓,根本同海水冷卻核反應堆一樣,結果咪搞到依家咁嘅死款。

所以小弟好早就話2010大事勿用,今年仲要係膠到無朋友嘅年頭,作為一個研究呢個範疇學術理論嘅人,我諗好早就知個核電廠會爆,都唔駛乜嘢海嘯地震。如果依家老共仲唔俾換冷卻系統嘅話,咁呀,咪等個核反應堆爆,然後搞出係切爾諾貝爾級嘅大鑊,定福島級遺禍萬年嘅大鑊,就真係唔知嘞。

中國人自己搞政治都一鑊粥,仲學人搞核電廠。法國人係成日郁唔郁示威,只不過人地個政治穩定系統查實行得好順,基本上,第五共和嘅設計己經做到法國唔會政治上大爆,當然法國佬喺第三、第四共和爆咗好多鋪,爆到亡國都試過。所以法國佬可以全國用核電,你估班友流架。

一個要靠五毛黨散播謠言,抹黑政敵嘅國家,政治反應堆唔爆到七彩至出奇。

廣告

3 則迴響

Filed under 香港政治

3 responses to “政治核事故

  1. 義不容共

    「預防性手術」? ! 有點抵死聯想,不會是由黨醫操刀,人格再閹割吧?

    任何國家如果淪落到老百姓做誠實好人,尋真相求公道,都動輒被羅織罪名,肆意打壓,投進黑獄,根本同卡達菲之流,屬同一政治畜牲層次。

  2. TranceLove

    林 瑞 麟 於 瑪 麗 醫 院 接 受 通 波 仔 手 術
    2011-04-07 HKT 15:56

    政 制 及 內 地 事 務 局 局 長 林 瑞 麟 , 今 日 在 瑪 麗 醫 院 接 受 俗 稱 「 通 波 仔 」 的 血 管 擴 張 手 術 。

    唔知佢駛唔駛放假呢呵~~ XD

  3. dbdb

    早兩日聽"串"說大陸有報告指,大陸男精子質量一年差過一年,50年後回火星!

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s