忠烈祠應考慮供奉司徒華、鄧光榮同梅艷芳

鄧光榮去世,對好多人嚟講係娛樂新聞,但對小弟嚟講係政治新聞,因為鄧光榮係黃雀行動,可能講係中國歷史其中一場最艱難嘅營救行動策劃人之一。黃雀行動幾位指揮,梅艷芳、鄧光榮同司徒華,皆己仙遊。

雖然以台灣政治角度,台北圓山個忠烈祠終有一日都要搬返南京嘅,問題喺大政奉還中華民國仲未實現之前,都要將一啲涉及中國民主運動嘅偉人奉供喺忠烈祠,呢個係彰顯正義嘅問題。而司徒華、鄧光榮同梅艷芳喺黃雀行動嘅功績,足以可以喺辛亥革命一百週年呢一年入祀中華民國國民革命忠烈祠。一九八九年果陣中台之間嘅關係仍然緊張,三人可視作協助與敵鬥爭之事而論。

後話:我順便要回覆一位喺呢個博客作出騷擾性動作,我懷疑條友應該去食藥嘅台灣人。

聯合報:春祭國殤/陸皓東孫女:祖父理想在此實現

陸淑貞以粵語致詞,張進昌、王崇文分別以賽德克語、閩南語致詞,王應文以國語致詞,展現對歷史多元性的尊重。

陸皓東嘅孫女係用香港人用嘅粵語致詞,因為陸皓東係中山人,而陸皓東同孫中山一齊喺香港受洗信基督教。好多當時嘅香港人,甚至南洋人都有份資助革命,甚至參與革命,好似喺台灣搞抗日運動嘅羅福星,就係雅加達出世。國民黨依家對共產黨唔爭氣到呢個程度,香港人同南洋華人絕對有資格鬧爆國民黨。果條叫fasb0031@ms29.hinet.net嘅友仔,有病就去食藥喇。除非國民黨今日宣布唔做中國黨,又作別論。呢個世界無又要國民黨嘅貞節牌坊,又可以走去投共咁著數嘅事。

廣告

4 則迴響

Filed under 香港政治, 中國政治

4 responses to “忠烈祠應考慮供奉司徒華、鄧光榮同梅艷芳

  1. Henry Chan

    幾乎可以說現在的國民黨係中共在台灣的附庸黨………..

  2. Bankers' Arms

    黃雀行動背後既大主腦, 係衛奕信! 冇衛督積極安排, 佢地點可能咁順利係馬料水登陸, 點會係晝夜間得到法國總統密特朗首肯, 收容甲級民運人士, 佢地一行人第一站係法國

  3. KLUST

    美英法都支持「黃雀行動」。

  4. 蘇菲

    浸大的李金強教授和中大的梁元生教授都有學術論文講南洋人對革命的功勞.
    你有興趣可以找來看

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s