李登輝批評日本救災

自由時報:李登輝嘆 日救災太官僚

呢個世界上,無幾個華人有資格批評日本救災,但有一個人絕對有資格,大家亦應該好好參詳佢嘅意見,呢個人就係精通日文,佢熟知武士道程度連日本人都自嘆不如嘅中華民國前總統李登輝。

李登輝知道地震,佢最犀利係即刻派出軍隊入災區,乜都唔駛講,呢件事菅直人做唔到,中國解放軍亦做唔到。而且佢自己即刻坐直升機睇災情做決定,唔係菅直人自己連輻射都驚。

當然日本陸上自衛隊人數有限,因為日本行精兵制,但菅直人可以做到即刻要求美軍增援。照當年九二一震災台灣派十三萬陸軍嘅要求,依家日本災場大成咁,唔出美軍都唔掂。日本睇咗李登輝嘅書後,至決定出軍隊救災係唔奇,喺日本政界,李登輝影響力唔細。

另一方面,篇報導點出一個好大嘅問題,就係東京電力有大批舊政府官僚,內閣官房長官,又唔係好似仙谷由人呢挺,一開始就唔信班大商家嘅全共鬥骨幹(一個左到無倫嘅日本學運組織,菅直人都係全共鬥出身,但實無仙谷由人咁硬淨,全共鬥左嘅程度,去到一個大家唔會頂得順嘅地步,因為呢班友信毛澤東,同埋喪到搞出安田講堂對抗事件,陶傑指菅直人、仙谷由人都係一班信毛澤東嘅友仔,唔係吹水,知道日本歷史就知呢班友係乜嚟),所以可以玩到菅直人同佢個政府陀陀令。(當然枝野幸男都好勁抽,唔會遊花園,兼且百幾個鐘無瞓,仲敢食含輻射食物,佢應該都係日本未來首相熱門人選,特別自民黨睇嚟睇去無個似樣,唔通搵個石原慎太郎出嚟做咩)

日本最缺就係一個夠膽由既得利益分子玩鋪勁嘅人,例如小泉純一郎,或者李登輝。東京電力絕對唔係第一個同金權政治關係盤根錯節嘅機構,日後香港要搵個對付官商勾結嘅領袖,都要睇清楚日本經驗。

後話:本文絕不歡迎腦殘中國統派留言抽水。

小泉純一郎令小弟欣賞嘅地方係,佢夠膽為堅持日本郵政私有化,解散國會嚟個全民公投,由人民意志去對付班既得利益分子。公投係一個右派主張嚟,你睇法國戴高樂就知,鋪鋪都公投。

Advertisements

3 則迴響

Filed under 台灣政治, 東北亞政治

3 responses to “李登輝批評日本救災

  1. nightingalelin

    日本人真係好值得學習,今次有咁多人討論,我相信鳴肛社、民賤聯這類外國侵華份子離世的日子不遠矣。但都要小心納粹分子,佢地講大一統,既無遠見,亦無國際視野,使人墮落。

  2. Henry Chan

    1. 所以陶傑好欣賞小泉純一郎…………
    2. 我都認為枝野幸男係未來首相人選(事實上日本做過首相的,唔少之前係做過內閣官房長官),佢既百幾鐘冇訓(d記者會好多都係佢頂哂),食含輻射食品,係可以令佢形象加分…..

  3. KLUST

    「日本最缺就係一個夠膽由既得利益分子玩鋪勁嘅人……」
    這點與日本經濟呆滯有多少關係?

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s