中國醫生你敢睇?

東方日報:港或承認內地醫科資格

【本報訊】醫院管理局與醫生工會就解決醫生人手流失問題,仍未能達致全面共識,食物及衞生局局長周一嶽昨稱,當局已作出大幅度讓步,是合理的處理方法,更稱不排除考慮承認內地醫科畢業生的資格,以增加本地醫生人手供應。

黐線架,中國學歷做假程度,中國醫生嘅醫德,大家都知發生緊乜事。

依家中國醫科畢業生,可以考香港醫務委員會試,但點解佢地嘅及格率咁低,係連可以用中文考嘅Part I都唔高,有啲嘢大家心知肚明。

查實香港要增加醫生供應,恢復英治年代承認英聯邦醫生就得,好明顯周一嶽做緊另一樣嘢。所以中國醫生來港,小弟絕不接受。

Advertisements

23 則迴響

Filed under 香港政治

23 responses to “中國醫生你敢睇?

  1. 晌大陸睇過醫生的人應該知道大陸D醫生係點。所以我都唔多講了………

  2. magnet_larry

    甘我地可以去邊到發表意見?

  3. Jacky Lim

    先搞到班醫生無啖好食, 再引入大陸醫生呢班廉價勞工
    睇你地班醫科生惡得出乜嘢
    之後呢, 全民 “醫保", 睇你地班人仲响香港點住

  4. one

    有咁樣嘅賣港政府,真係做邊行都食得屎。點嘈都冇用,佢一句話呢個係"大勢所趨"就當解釋咗。連會計師,醫生呢類專業人士都得罪埋,佢地係唔係諗住有阿爺撐就真係可以打橫行???

  5. TC

    唔知依家醫院管理局係唔係靠嚇去擺香港醫生上枱。

    如果大陸醫生可係唔洗再執業資格試,大家可能要買醫療事故保險。

  6. James

    大陸醫生?聽嚟都得人驚
    不過講開英聯邦醫生,其實係咪唔想嗰d喺澳洲讀完醫嘅香港人返嚟?
    (話哂一路以嚟都好多香港人走去澳洲讀醫藥相關科目)
    講開又講,我住嗰區有個醫生係仰光大學內外全科醫學士…
    今日行完花展,見到天后嗰邊有個係馬爾他大學出嚟…
    上述兩個,如果有人問我好唔好去睇,我都唔知點答佢好?

  7. martinoei 黃世澤

    To James:

    唔一定要承認所有英聯邦醫生,印度、巴基斯坦果啲我都驚。可以有一個組合,例如

    全豁免英聯邦:英國、澳洲、紐西蘭、新加坡、馬來西亞(華裔及印裔)、加拿大、馬耳他、直布羅陀。

    全豁免非英聯邦:愛爾蘭、美國

    需補考英語試:歐盟國家、日本

    馬來西亞(馬來裔)不獲豁免,因為大馬憲法規定的固打制度,令部分唔夠稱的馬來裔學生可以入醫學系,呢個唔可以接受。

  8. paulsiu

    >>唔夠稱的馬來裔學生可以入醫學系

    咁佢地畢業會唔會有優待?

  9. martinoei 黃世澤

    To paulsiu:

    會,因為大馬憲法同一條,規定一定量公務員職位留俾馬來裔

    你依家明點解李光耀寧願獨立都唔屈服

  10. 飛蚊導彈

    醫療專業不同會計,沒有那些"大公司大老闆"去要求使用內地廉價勞工,全部都是一對一,個人對個人.(醫療集團的老闆通常不是醫生,所以受醫學界團體排斥)
    香港的醫療專業團體(醫務委員會/醫學會)都由大學教授/私人執業醫生出任高層,對這些大國手大教授們來說,直接承認內地/英聯邦/其他地方醫生都是一樣,會吸引來自香港以外的專科醫生"頂爛市",而公立醫院醫生/大學醫科生組織也會認為承認任何境外醫科畢業生都會令他們的薪金被"搶低",而大力反對.

    從當年取消承認英聯邦醫生和極難合格的專業試可見,決定承認醫生資格的醫務委員會,一向對任何引入競爭的政策都大力反對.
    香港的醫療專業一向有很濃厚的保護主義色彩,周一嶽曾經做過院長無可能不知道,加上一般香港人對內地受訓的專業人士的不信任,相信周一嶽這說法恐怕是擺姿態居多.

  11. Jacky Lim

    @飛蚊導彈
    當前的特衰政苦, 唔能夠再用呢D常理去思考佢地到底做乜架啦

  12. martinoei 黃世澤

    To 飛蚊導彈:

    我睇係中央政府order,周一嶽同梁卓偉兩條友真實睇法,甚至曾特首,唔會同我地有分別。

    如果中央政府監粗要做(睇係太子黨壓力,果啲富二代),呢劑嘢非同小可。

  13. paulsiu

    仆街正苦D媚共政策嚴重影響香港人命安全程度不亞於日本核危機

  14. Wasted Dude

    With all due respect, in my opinion, any policy that discriminates based on someone’s ethnic background is unacceptable. I agree with you that there are issues with the system in Malaysia. It’s ok to just say that no doctors from Malaysia are exempt. However, saying that only certain people of certain ethnic backgrounds from Malaysia are exempt just reeks of racism and bigotry. How are you going to feel if you were a talented ethnic Malay? It’s bad enough to have to deal with the stereotype back home, but now this is going to be the official policy in HK too?

    And if you’re just going to exempt non-Anglosphere doctors anyway (such as those from Japan or the EU), what about doctors from S Korea or Taiwan? What’s wrong with them?

  15. martinoei 黃世澤

    To Wasted Dude:

    除非馬來西亞修改憲法,否則我看不到在固打政策下嘅馬來裔醫生適合來港行醫。佢地有才幹,一係考香港執業試,一係叫佢地個垃圾政府修改憲法。

    南韓同台灣可以考慮列入同日本一樣嘅做法,即係補英文試就得。

  16. World Travler Plus

    我有聽過國際社會上有慣例唔會向發展中國家醫生挖角.
    所以印度同巴基斯坦,唔可能入佢地D醫生. (人地都好慘,唔好搞人地)

  17. Alienz Thame

    To Martin,

    美國醫生都不適宜係香港直接執業,台灣都一樣。佢地無普通科訓練,只有專科,唔係話佢地唔叻,但係就一定唔夠闊,諗野諗埋一邊。

  18. martinoei 黃世澤

    To Alienz Thame:

    咁無計,真係只能向英聯邦、歐盟以及日本開放,否則要另外考試。歡迎各位補充

  19. barjack

    2012/13學年中大都爭加醫科生學額.如果再加埋大陸醫生的話.幾年後做醫生都無啖好食.
    醫生係要爭加人手但唔係咁樣爭加囉.

  20. dbdb

    香港大把醫生上晒岸, 希望他們搞一個大工會啦, 是同香港人做D嘢啦!!

  21. v

    人命關天, 仲講乜"discrimination"就係硬膠. 專業資格本來就係種 privilege, 無公平可言.

  22. 飛蚊導彈

    太子黨富二代因何要這樣做?下來香港看醫生生小孩的質素再沒有保證了.

    現時醫務委員會的組成(共28人),有一半是醫學會(7人)和全體醫生(7人)選出來的.而另一半特首委任的裡面,也有6人是由兩間有醫學院的大學(每間2人)和醫學專科學院(2人)提名的.政府可以控制的只有特首直接委任的4人,還有衛生署長和醫管局提名的各2 人.28人裡面,只有8 人政府可以控制,其餘20人全都跟醫學界有千絲萬縷的關係,包括臨床服務,教學和研究.
    醫學會和醫學專科學院一向大力支持醫學界的保護主義,"民選"的委員也要看"民意",大學更會擔心醫科畢業生出路受影響,繼而影響醫學院收生.結果醫務委員會一如既往,以"保障醫療質素"為由,繼續貫徹保護主義,反對任何引入外來競爭的措施.

    另外,明報的報導卻指政府有意承認外地名牌大學的醫科畢業生,又提出這些醫科畢業生因為香港專業試難考而轉往可以直接承認的新加坡行醫,而公共醫療醫生協會也一貫的反對,認為應該改革專業試而非直接承認部分外地畢業生.

  23. Bankers' Arms

    中共官僚諗野/決策係毫無邏輯可言, 承認大陸醫生學歷固然對大陸人冇好處, 但係好多大陸人(甚至係D官)諗野都仲係皇權大過天, 係冇考慮背後既implications, 所以呢個係大陸order一D都唔奇

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s