唔係走去推廣核電,而係推廣太陽能

關西電力:太陽能發電買取制度

香港要做,係以上嘅嘢,唔係走去推廣核電。

香港無嘢多,但香港緯度偏南陽光係夠,加上高樓大廈天台都係無乜大用途,除咗俾電訊公司用嚟興建發射塔,最好就係引進太陽能發電,而呢個正係鼓勵太陽能發電嘅方法。

鼓勵香港市民自己有能力用風或者太陽能發電,並且建立一個剩餘電力市場,正係其中一個擺脫大亞灣嘅可考慮方案。事實上,有自家發電能力,亦提高一旦遇上天災果陣個別地區嘅存活率,對公共安全係必須。

但好明顯,邱騰華唔會推廣呢種嘢。

Advertisements

16 則迴響

Filed under 香港政治

16 responses to “唔係走去推廣核電,而係推廣太陽能

  1. alvin

    呢個建議戰略上係o岩﹐但短期內係唔可行。

    香港電力市場一日未開放﹐發電同供電分開﹐根本冇辦法建立一個剩餘電力市場 (試諗諗﹐中電港燈點解要同你買)。冇剩餘電力市場﹐太陽能發電裝置成本高回本期長﹐唔符合經濟效益﹐冇人會肯花錢裝﹐加上多層大廈如果自行發電﹐除非係單一用戶(例如匯豐總行或政府合署大樓)﹐或者係大廈有高耗電嘅公共裝置﹐否則裝置同營運太陽能發電嘅成本好難攤分。

  2. 持書者

    推廣核電賺到錢既原因係佢地唔使同d手尾埋單..
    香港現時真的有日照時間其實不多..
    太陽能如果唔係國營根本就搞唔起 <-除非認真搞環保 限制排放 或者石化燃料使乾使淨
    商人是非常短視的 當這個世界的人以季為決策的時間標準後. 一鑊熟根本就無法避免

  3. Chan Tai

    世澤兄請解讀,謝謝
    cnnbrk CNN Breaking News
    NHK: Japan’s nuclear safety agency reports explosion at Fukushima Daiichi nuclear power plant’s No. 3 reactor http://on.cnn.com/fA8njR
    2 minutes ago Favorite Retweet Reply

  4. Jacky Lim

    新界好多村屋都有裝太陽能板 or 發電風車
    但原來唔符合《電力條例》(cap. 406)
    因為要向EMSD 署長申請, 但會批嗎????

  5. v

    yes to solar power.

  6. 持書者

    事實上從政治和「經濟」上的考慮. 核能/原發 根本就是「他們」的第一選擇

    問題從來都是哪些人的「經濟」. 和「他們」是誰的問題<-( 通常佢地唔係住係間廠隔籬. 而且全部都係支持係人地土地上起D咁既野. 我覺得佢地俾人尋仇好似係好正常. .笑)

    而不是實質的經濟. 和他們是不是我們的一份子的問題

    我們可以說人類在上個世紀的發展. 很多方面都走上了歪路. 以季度單為作考慮的管理/會計觀念如是 因為做不了武器而用來發電如是.

  7. KLUST

    目前太陽能的效率不高,也需要大量地方。
    有錯請指正。

  8. Jacky Lim

    KLUST:
    你所講的是, 主要成因係建造成本仍然偏高, 所以相對的電能效益低
    所以近年住新界村屋的, 用太陽能主要係熱水器, 的確慳唔少。即使冬天日子無乜太陽, 都仲夠兩個人沖涼
    扣起呢條數, 電費都慳返D, 但又 “掹車邊" 唔牴觸 CAP. 406

  9. v

    @KLUST
    人無遠慮必有近憂。
    唔係話太陽能可以即刻取代化石,而係必要時可應急。

  10. 新仔

    太陽能發電板既效率的確唔高.

    要做到商業化同量產化 (i.e. 長遠有利可圖), 先兩三年睇啲美國科學期刊, 就算係美國中部一啲有沙漠地帶既地方要搞, 話技術上仲要比宜家強大約四成(大約記得)先可以做到 – 仲要係用當時高到呀媽都唔認得既能源價格嚟做假設.

    當然, 推廣吓家居安裝嚟玩吓無所謂. 但要作為一個"替代方案"可能言之尚早.

  11. 唉…. 我地個政府有咁醒, 我地唔駛係度嘈

  12. chihang

    請問對太空太陽能(軌道發電廠)有何睇發

  13. 凌天羽

    太陽能香港不可行, 因為香港的天空太污染, 太陽直射時的能量只及其它沒污染的地方1/3 甚至1/4 . 做太陽能板所投入既能源回收會極低.

    就算係起太陽塔, 香港天空污染太勁, 一樣.

    反而係香港適合搞生物能源, 因為人口密度高,
    用有機廢物去造沼氣去發電/壓縮燃料, 係將來最可行既方法

    搵d 荒島起個超大型發酵糟, 以基因把現行的腐植菌加以改良.
    用海水去進行有機腐化, 以缺氧狀態進行發酵產生
    1. 甲烷氣. CH4
    2. 一氧化炭. CO

    甲烷氣再經過壓縮後液化, 可以作為一種很環保的液態燃料.
    而一氧化炭則可以再經過若干部驟, 制成煤氣供市民使用
    另外, 殘餘物質經高熱長期間蒸化之後, 能成為最優質的肥料,
    可以取代現有的化肥供農作物使用

    但進行這種有機物發電時, 必須要處理以下的氣條件.

    1. 溫度, 必須泠卻, 發酵會產生高熱, 但如果太泠, 菌種又會沒有效率
    2. 濕度, 供細菌生長之用
    3. 鹽份,
    4. 垃圾有機物純度, 以及雜質, eg: 重金屬能夠令很大量的細菌死亡, 減低發酵效能.
    5. 安全性, 甲烷屬易爆氣體
    6. 生物安全性, 防止不知明細菌變種…..

    來源: (某英國WEBSITE, 忘記左)
    大家日當的屎, 還有食物殘渣以及在屠場/批發市場產生出的動植物殘渣.

    另外, 尿其實早就有研究, 乾了的尿會成為塊狀, 是一種很傻質的可燃物料,
    如果把大量掛出來尿液在無人島以太陽隔著坡璃的方法蒸乾, 所產生的物料絕對可以燒來發電.

    因為珠三角的密集性, 要運行有機廢物燃料法是絕對可行的.
    而家在一些貧困山區, 居民也是用化糞池來做沼氣煮食的…

  14. 凌天羽

    以上文章係我五年前打既, 其實英國老早做緊.

  15. chihang

    我覺得太空發電站可以研究,做的話只可有人造衛星發射能力國家造,不過香港的大學可以參與研究

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s