海嘯比地震可怕,請特區政府防備

星洲日報:理大教授:菲呂宋島地層活躍‧沙沿岸面對海嘯危險

專家關注南中國海地層情況
辜福來說,印度洋大海嘯發生後,專家目光轉向高度可能發生海嘯的南中國海,這是由於呂宋島沿海地層活躍,有類似安達曼海底地層的情況。
他指出,根據地層情況來看,如果發生海嘯,可掀起有5公尺的巨浪,不過,它會對中國海南島、菲律賓呂宋島、南越、香港及台灣帶來破壞。而沙巴是大馬最接近呂宋島的州屬,沿岸將遭受直接的襲擊。
他說,週邊國家專家對這感到擔憂,除了即將第3度召開會議商討對策之外,也在南中國海設立數個預警器,以便在海嘯發生時,能第一時間通知沿海居民。

昨天大家見到仙台、福島等地恍如明日之後嘅情景,帶嚟破壞最嚴重唔係地震本身,人類基本上對地震知識嘅掌握,己經可以做到建築物構造上控制災害,除咗淺層地震,再有地震搞到建築物倒塌己經係人禍多於天災。搞到仙台、福島變成人間地獄,係海嘯。海嘯,事情突發,你可以避災嘅時間極短,無任何預備方案嘅話,後果凶多吉少。

昨天小弟喺東京最怕,唔係地震,而係東京灣內灣海嘯,如果有三米高就己經東京地鐵內嘅人都玩完,所以小弟即刻衝上地面,搵一棟最容易爬樓梯上樓嘅大廈,真係有水就衝上去避難,完全唔係講玩。好彩,東京灣無真係受海嘯嚴重影響,好彩。

但係2004年亞齊震完(我家鄉),2011年日本太平洋關東震完,依家大家目標就放喺好耐無發市,但一發市就傷亡慘重嘅菲律賓西部南中國海沿岸,呢度一引發垂直型大地震,再引發海嘯,海口、廣州、香港、深圳、澳門、高雄、汕頭全部傷亡慘重,仙台嘅情景,你喺香港就「感受到」,絕對唔講得笑。

所以南中國海海嘯問題,喺2004年後搞咗三次學術會議,台灣政府有資助人寫paper,因為唔怕一萬,就怕萬一。而香港人要考慮三個問題:

1. 點樣短時間撤退民眾到高地,特別香港南區、大嶼山南、將軍澳低地、西貢低地、油塘和小西灣、屯門、青衣南等全部要考慮預案,真係有事無時間諗計。東京親身經驗再話俾我聽,要喺天災存活,平日必須訓練有素。特別海嘯到港可能得一至三個鐘俾你走佬,唔會有多俾你。

2. 唔好旨意解放軍,唔係因為佢地水準問題,而係屆時中國多個城市都會陷入大災難,根本自身難保,要求解放軍全力救援係不切實際。

3. 大亞灣核電廠,呢個係計時炸彈中嘅計時炸彈,如果出現福島狀況,大家諗吓呢個災難係避無可避。

我諗,大家係時候自己諗套預案,同埋要求日本氣象廳牽頭,成立南中國海預報系統,中國、菲律賓、香港,同國民黨執政嘅台灣,全部都信唔過。新加坡係okay,但新加坡無經驗,無知識,日本呢次大災難,氣象廳迅速而準確嘅預報,我認為由日本人負責比較令人放心。

Advertisements

11 則迴響

Filed under 香港政治

11 responses to “海嘯比地震可怕,請特區政府防備

  1. Chan Tai

    是否可以告違反人權法
    曾偉雄呼籲被毆示威者報案
    (明報)2011年3月12日 星期六 11:45
    警務處 長曾偉雄回應有警員在反預算案遊行中毆打女示威者的報道時稱,該名投訴人可聯絡警方,以便他們進行調查。

    曾偉雄表示,如單方面在報章中作出指控,是不公道,亦無助調查。他呼籲該名市民,聯絡警方,以便進行調查。

  2. Chan Tai

    現在仲有人信警方咩。
    曾偉雄:被 警 員 毆 打 的 市 民 聯 絡 警 方
    這高登Post, 現在無警犬敢出聲。

  3. 依馬打

    Martin : 印尼外海已有異動,以下是 2011-3-11 日本大地震前的新聞

    印尼外海6.5地震 無傷亡損失

    http://news.chinatimes.com/world/50405755/132011031100630.html

  4. 點子

    仲旨意政府防範。佢唔阻頭阻勢已經算好彩。

  5. Jacky Lim

    依馬打:可會是減低咗菲律賓以西海溝的壓力??
    *******
    無謂嘥時間拗個政府點仆街架啦
    等佢郁手, 我諗萬一俾martin 言中, 香港即時無咗1/5人口都似
    整個港島駛必淪陷, 大嶼山都凶多吉小。如果海嘯源頭較南, 機場將步仙台後塵都唔怕, 青山發電廠好彩係火力發電, 最多大爆炸
    如果海嘯源頭較北, 西貢、將軍澳、油塘, 係咁先
    不過無論點嚟, 青衣荃灣都必定出事, 仁濟醫院將會失效

    與其估唔到會由邊發生, 不如逐個分區去諗撤退避難路線
    同埋要能捱上3-4日的糧食問題

  6. Chan Tai

    不要忘記有一個不用大少問題都通報的大亞灣核電廠。香港有冇核子災害應變計劃,是否和平理性非暴力地問特手/保安局焗腸理少肛呀?佢地點答?

  7. lantern

    香港本身只要有預警同疏散計劃應該問題不大。始終山多大廈多,要找高地相當容易。大亞灣核電廠才令我最擔心。唉,又係大陸。

  8. alvin

    大亞灣核電廠有大鑊嘢﹐跟本唔使驚﹐亦都唔使走﹐因為冇得走。

  9. 青衣其實有一半住宅區o係高地,但青衣「市中心」果堆私人樓同長安長發會被波及。

    至於大亞灣,如果海嘯殺到黎的話真係驚都冇用……

  10. Jacky Lim

    等政府, 冚香港死撚晒架啦
    與其等班廢官都係等死, 不如集合民間力量和智慧, 先為香港制定撤退計劃, 起碼避咗海嘯, 將人命損失減至最低

    http://robustorlo.blogspot.com/2011/03/blog-post_14.html

  11. Paul Siu

    看看喬靖夫的香港關機, 看看我們要有甚麼要預備~~

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s