旅行社唔應該俾任何東京團出發

以小弟掌握到東京嘅情況,就算國泰嘅飛機可以正常起飛都好,除非極之緊要嘅公務,或者執行醫療及人道援助任務,否則旅行社嘅東京行應該取消。

1. 東京市區有超過一半嘅食肆,大部分嘅超級市場無足夠食物供應,甚至關門大吉,而喺首都高速市郊路段未恢復前,都唔駛旨意有改善。

2. 現時東京市內交通仲係頗混亂,電車(火車)同地鐵只有正常一半運載力,去到盞搞。

3. 海嘯沒完沒了,依家無事,唔代表你走果陣成功去到成田機場或者羽田機場。

3. 福島第一原子力發電所(第一核電廠)核燃料好可能己經融解,呢一兩日東京未必受核輻射影響,但如果情況不受控制,無人擔保啲人嘅安全。基本上,我反對任何孕婦,或者懷疑有身孕嘅嚟日本,直至日本主要核電廠安全問題解決為止。

保安局應該發黑色旅遊警告,就算無,旅行社都應該取消成行,依家仲俾人去根本不負責任,為日本添煩添亂。

Advertisements

21 則迴響

Filed under 香港政治

21 responses to “旅行社唔應該俾任何東京團出發

  1. Dbdb

    報章稱多間旅行社取消當地團,但不明白昨晚當局典解不掛黑色。

  2. 點子

    WTF???!!!

    “中國紅會捐百萬元助日災民

    中國紅十字會今日向日本紅十字會提供100萬元人民幣的緊急援助,並向日本紅十字會發出慰問電,慰問地震災民。

    中國紅十字會說,向日本受災群眾表示誠摯的慰問,對地震遇難者表示深切哀悼。"

  3. Johnson Lau

    “核電專家表示,福島核電廠發生所謂的電廠全黑緊急狀態,交流電源斷絕,導致爐心暫時不能降溫。", “另外也陸續派出三到四輛電源車,提供緊急電力供冷卻系統運作。"

    我唔知係咪事實全部. 如果只係因為咁就攪到咁大鑊, 就真係痴X線. 按common sense, 核電廠應該要附設柴油機組預備自新供電. 就算當哩個機組都down埋, 全國咁大用直昇機運都運到幾十部發電機去啦? 點會拖左24小時仲攪到宜家熔埋? 以日本咁多地震, 起核電廠之前應該要有晒哩D劇本, 如果幾百公里外震一震都攪到核心熔化, 咁肯定成個設計同應變計劃都有問題.

    唔好以為日本受過原爆, 原子能安全就好掂. 1999年有單野 (http://en.wikipedia.org/wiki/Tokaimura_nuclear_accident), 完全係一單on9意外, 亦係世界上自1983年以來, 唯一一單臨界意外. 而且臨界狀態斷續維持20小時, 相信亦係一個紀錄

  4. Jacky Lim

    紅色預警之下唔出發, 保險公司無得賠trip cancellation, 旅行社無得refund back from airlines, 點蝕得起
    但如果去到當地出事, personal incident 果part 就有得賠, 你死你事!!!

  5. Chan Tai

    Jacky Lim 講得啱,純站商家角度諗。香港人養着班可回收的廢物。現在仍未轉黑色,同中國駐日大使一撚樣,休息(五天工作)
    請注意網頁修訂日期
    http://www.sb.gov.hk/chi/ota/index.htm
    東京可能大停电,請charge 足電。
    保重!

  6. DTS-ES

    日本資源緊張,旅客唔理當地苦況,來加重當地負擔。
    香港特膠政府係咪立心不良?

  7. alvin

    Breaking news: Explosion heard at quake-hit Fukushima nuclear plant #1

  8. alvin

    Johnson Lau – there was report that the backup diesel generator was disabled during the tsunami flooding, so perhaps you’re trivializing the situation. There is only so much redundancy you can build in. You’re looking at the worst of the worst case scenario, where anything that can go bad had.

  9. Johnson Lau

    alvin, 你話我簡單化個情況, 但間廠起在海邊, 冇可能唔預會有咁o既事, 你記住o個度係日本, 係細路仔都知多地震的地方. 而且宜家哩個scenario肯定唔係最壞, 起碼震央不在核電廠下面. 最低要求, 起碼電廠要有足夠直流電儲備, 可以支持到交流電恢復. 當中有冇人為疏忽或設計錯誤, 事後要嚴格調查

    最新消息: 發生爆炸傷4人
    http://www.rthk.org.hk/rthk/news/expressnews/20110312/news_20110312_55_740369.htm

  10. Chan Tai

    福島一號核電廠消失?

  11. Tom

    紅色驚告,所以我哋有責任送旅客去旅行,出咗發旅行社又不用賠償,交咗比保險公司或個別旅客自己,之後出黑色,又有特區照,關人忍事。

  12. world traveler plus

    to tom:
    同意,香港旅行社不負責任. 上次埃及又係咁. 總之唔係黑色旅行警告,無論目的地情況多險阻,一定出發,到形勢有變,就叫政府派飛機去接返d客返黎

  13. 持書者

    福島一號核電廠消失?<-應該是一個反應堆compound爆到淨番骨架.

    日本人也有反應官僚的毛病. 所以唔好搵命搏. 不過條命生成. 時候到你都會神推鬼神推鬼(擁)咁去咗d本來唔會去既地方…..

  14. o157hk

    “港向福島縣發黑色旅遊警示"
    呢個政府真係膠到無朋友,大佬福島縣有幾大,以一般香港人對日本的認識,點會識分邊到係福島縣,既然因為核雹廠既事故而升級,是否應該採取更安穩的警告,就算唔全日本,起碼警告唔去去「本州」,一般市民都易分。
    李局長,比個日本地圖你,你識唔識指出邊道係福島縣 !!!!

  15. Johnson Lau

    o157hk: 乜香港政府叫你唔去日本, 你先唔去日本架咩? 政府話要立23條你又有冇咁聽話? 旅行社強行出團當然係不負責任, 但係消費者自己冇腦諗架咩? 覺得俾左錢唔去好蝕底? 哩種人出左事都唔抵可憐. 我亦呼喻大家記住邊D 旅行社強行出團, 以後都唔好幫襯哩D無良商家

  16. 飛蚊導彈

    任何人當然要為自己的安全負責,這點毋庸置疑.

    不過現在這個不明朗的情況下,為了保障消費者,
    政府應該把黑色旅遊警告擴大至整個關東地區,
    這樣可以有效停止香港旅客到受災地區,以免妨礙救援.
    航空公司和旅行社可以退款,保險公司也可以向有關人士賠償,
    這樣對各方面都有好處.

  17. alvin

    Johnson Lau –

    “如果幾百公里外震一震都攪到核心熔化"
    “而且宜家哩個scenario肯定唔係最壞, 起碼震央不在核電廠下面"

    我唔知你有冇喺地震帶生活過﹐或者對地震有幾多認識﹐首先﹐福島第一原發絕對唔係離震央幾百公里﹐福島離開仙台只不過幾十公里﹐8.9級嘅地震﹐就算離開震央一百公里﹐破壞力都係世界末日級。況且﹐依家冇任何證據顯示核電廠係受到地震破壞﹐所以你話震央唔係喺核電廠下面個scenario肯定唔係最壞﹐呢個 point唔成立。

    如果你睇翻新聞片﹐最近震央嘅地方﹐例如福島﹐仙台﹐岩手﹐絕大部分房屋喺地震後都係安然無恙﹐我哋睇到嘅破壞都係來自海嘯。兩三層樓高嘅海嘯﹐破壞力都係世界末日級﹐核電廠反應堆結構地震冇震散﹐海嘯冇沖散﹐雙重後備電源撐到依家﹐已經顯示咗好好嘅工程質素。

    我唔係想同TEPCO兜﹐核電廠設計同應變措施亦一定有改善空間﹐我亦贊成事後要嚴格調查有冇人為疏忽或設計錯誤﹐但你認為"因為咁就攪到咁大鑊﹐就真係痴X線"﹐"因為咁" 就係相當 trivialize 8.9 級地震同兩三層樓高嘅海嘯 (係trivialize﹐唔係簡單化)。

  18. alvin

    好多香港人做乜決定都係淨係用錢嚟衡量﹐依家邊有正常人會想去日本關東/東北玩? 依家日本國難當前﹐你去玩係唔係贈興? 東京人人忙於救急應變﹐路上少架旅遊巴﹐JR少個自由行客﹐都係幫助。再者﹐就當你自私唔理人﹐咁自身安全呢? 依家日日有十九幾萬次餘震﹐有啲仲六七級﹐而依家普遍港人大驚小怪﹐膽小怕死﹐應變能力低﹐遇到強烈餘震點算?

  19. martinoei 黃世澤

    To alvin:

    應該咁講,今次福島第一原發搞到咁大劑,唔係地震,而係海嘯連埋後備柴油發電機組都破壞埋,咁真係無符,自衛隊都要四小時去部署,咁情況下要喺八小時內運埋柴油發電機並且裝埋work到,仲要不斷有強烈餘震,基本上mission impossible

  20. alvin

    Martin –
    Exactly what I’m saying. 核電廠反應堆結構冇震散﹐海嘯冇沖散﹐後備柴油發電機組都係俾驚人嘅海嘯破壞﹐雙重後備電源可以撐到依家﹐已經顯示咗好好嘅工程質素。

  21. M

    I wanna ask if u know any hk people needs air tickets to back hk? I got two cx tickets on hand, flight from 成田機場 back hk ~
    If any one need that please contact me (mandei@hotmail.com.hk)

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s