管治意志是鬥爭鬥回來的!

繆美詩:管治意志

近排香港啲政治用語,真係好有大炮巨艦主義色彩,又政治能量,又管治意志,全部都熱血無限。政治能量邊度嚟真係無從稽考,但管治意志點樣嚟係值得討論。知道管治意志嘅來由,就知點解呢個廢柴政府可以不堪一擊到咁嘅程度。

基本上,民選政客都有番一定管治意志,或者政治意志,因為佢地嘅權力唔係世襲,亦唔係邊個欽點,佢地係一票票咁爭返嚟,做得唔掂就下屆返屋企訓覺。加上選舉期間,實會被人隊,所以泛民班友幾廢都好,廢極佢地都有意志喺度。你睇長毛係最典型例子,佢衝中聯辦似食生菜,成棚差佬隊佢一個都試過,有好多考驗對佢嚟講濕濕碎。

但係依家特膠政府班友邊度出嚟,一係英國佬年代平步青雲嘅AO,成棚AO之中,可能係得陳方安生係最實淨(葉劉淑儀係另一種嘢嚟,有機會再講),其他都未被人隊過,之後唐膠年果啲,全部都係二世祖嚟,都唔知乜叫政治鬥爭,所以一有乜事個個變晒小學雞。

所以喺南洋,李光耀最驚係佢死咗之後,因為同佢一齊打馬共班友死晒,新加坡嘅政治人物身手唔夠人砌,舞唔掂個國家,否則唔會留三件反對黨喺國會,查實當中作用係保證有人同佢操兵。管治意志係鬥爭爭返嚟,成世人都未面對過真選舉嘅特首,加埋成棚未打過仗嘅友仔,點可能有管治意志。

廣告

5 則迴響

Filed under 香港政治

5 responses to “管治意志是鬥爭鬥回來的!

  1. urbane peasant

    AO出身的高官就如建築工程師, 學之所長就是跟設計做,從無到有,有到好的全盤設計,是 architect 的功力,現在港府眾高官無一是 political architect, 頭頭碰著黑,當然無管治意志,希望下一位是 architect 出張圖跟住做。

  2. Dbdb

    唐唐話要考慮早同晚人流,我以為講緊商場,原來是西九文化區。

  3. Martin Oei: 引用文章:
    http://www.inv168.com/phpBB3/viewtopic.php?f=5&p=1438737

    軍事常識﹕

    一個軍團於作戰期間,司令員戰死,就算該軍團的參謀官階比副司令員高,軍團都是交予副司令員而非參謀指揮的;因為參謀類工作性質(如採集、分析、計算、獻策、效益盤算 …..等等),與指揮工作性質(決策執行),是完全不同,甚至很多情況下是相違背的,(馬謖守街亭就正正係諸葛亮錯派一個優良參謀擔任主將嘅反面例子。)兼備兩種特質的人很少;中國歷史上能夠兩種特質兼備的,數來數去得曹操(還是偏向主將型)、韓信(還是偏向參謀型)二人而矣;(這裡並無褒將才眨參謀之意,只是指出兩者之別。)

    特區政府現時高官皆港英時代政務官出身,其間訓練閱歷,頂晒籠只能做到參謀型人材(更多根本只達到庶務官級別);以前主將皆來自英國,決策執行之工作,現時的高官皆沽不上邊,特區政府做到今次(指菲律賓鎗撃人質事件)水平,正如很多網友所說,……. 算係咁o架喇!

  4. nightingalelin

    如果佢地從文化著手,培育新人……..

    文化依家野係無心,睇下林忌的金句,認真你就死得。
    班管治班子郁d就叫生叫死。後生仔未成年睇A片,就講到洪荒猛獸,都唔知佢點應付複雜的人脈關係。

  5. 非民選仲有個問題﹕冇人民授權,不是變成軟腳蟹,就是像現在胡亂「強政」一番。

    就算你唔鍾意奧巴馬,至少佢係民選既,佢會話「人民選我出黎就係要我搞醫療保障」,所以話之你反對佢都照去馬。香港政府就會驚左你唔敢做,或者,淨係「硬推」唔識同人對話。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s