最基本嘅討論呢?

喺討論果六千蚊點派嘅問題果陣,有一個最基本最基本嘅問題,係支持派六千蚊俾中國新移民嘅人,故意視而不見,就係香港嘅移民政策。

依家中國移民嚟香港,香港係無權審批,完全係中國公安機關亂嚟嘅決定。

喺英治年代,新移民都會嚟香港,但無咁大問題。抵壘政策嚟果批,佢地係尋求自由嘅政治難民,佢地拼搏係正常。正常嚟果批,一係被驅逐嚟香港嘅南洋人,一係你證明到你可以自力更生嘅人,免得令中國蒙羞,所以無咁大鑊。而港人中國出生子女,如果父或母係英國屬土公民,亦唔駛單程證審批,無港人在中國子女來港問題。因為英國駐華使館會發出英國屬土公民護照,中國方面自己識做。

但依家呢,成件事根本係亂籠,公安只係收貪污,出現怪象係香港永久居民喺中國出生子女,點都嚟唔到,有人識交黑錢就可以叫年輕自己n年嘅老婆嚟香港,甚至要乜人嚟香港都得,有事就由香港福利制度找數。而香港亦無辦法按自身需要,控制邊啲人可以嚟,邊啲人唔可以。

所以最基本上嘅討論,就係單程證審批權,如果呢個權利唔收番,遲早係港獨溫床。

Advertisements

36 則迴響

Filed under 香港政治

36 responses to “最基本嘅討論呢?

  1. Dbdb

    這單向批核權不就是河水灌入井水?

    Ps 倫敦奧運網頁好寸呀,但抵死,售票果頁擘頭果句是

    千祈唔好做笨柒去左假網頁買飛。

  2. yea, like they are the exact same thing.

    You can question immigration policy all you want, but that still doesn’t make your stand on the $6000 sound.

    Provided that:
    1. a new immigrant of any origin is pending to become a full citizen;
    2. this person in question is doing legal work and paying tax according to the law that applies to all tax payers
    Therefore:
    He gets equal economics rights that all other tax payers enjoy, because Same duites Same rights.

    The only logically consistence positions thus are either:
    1. Everybody has $6000, or
    2. Nobody has $6000, or
    3. The $6000 handout doesn’t make a damn sense because all or nothing positions are stupid and misleading, and we should return the tax money in proportion and according to needs and contributions or to invest in stuff that would benefit most if not all.

    Until you make a logically consistent claim, immigration policy does not factor in:
    1. if you have made a consistent claim, you are on solid ground to question immigration policy, but you avoided doing that right at the beginning of your post;
    2. if you do not make a consistent claim, the question of immigration policy is a mere smoke screen for you to get out of a logical quagmire.

  3. martinoei 黃世澤

    我無話要驅逐中國公安機關批嘅人己經好唔話得,香港人無話歡迎呢批人,唔好意思。

    山中咁鍾意開善堂,唔該自己開間,唔好用香港納稅人嘅錢。

  4. one

    “Therefore:
    He gets equal economics rights that all other tax payers enjoy, because Same duites Same rights."

    This premise is only true in your twisted left-wing world view I’m afraid.

    What’s apparently ‘logical’ is not a good enough basis for sound policy making. Granting benefit payments to everybody regardless of immigration status is only recipe for public finance disaster. You are just going attract even more feckless immigrants and foreign benefit scroungers.

  5. Taron

    http://www.facebook.com/hkresident
    2日8萬幾個like, 你覺得香港人諗緊乜?

  6. martinoei 黃世澤

    To Taron:

    香港走向終結泛民同親北京政黨惡鬥年代,呢八萬幾like係政治力量。

  7. Jacky Lim

    TARON: 如果話係五毛做嘢, 相信你未必會信
    ******
    BY THE WAY
    要嘈新移民, 無錯, 可以嘈佢地千方百計嚟香港的心態和行動
    但問題核心, 在於政策方面, martin 已經打咗出嚟, 唔重覆
    但有另一問題核心, 新移民就業市場的待遇
    如果呢個市場的老闆唔係出一個連綜援都不如的人工, 點會搞成咁

    回望1960’S, 全香港都窮, 大部份偷渡嚟香港的, 都係咁捱日子。當期時做碼頭咕喱, 都仲可以搵到兩餐, 租到間房仔, 叫做過得到生活

    依家呢??????

    唔好反駁話依家好福利過以前。問題係果班會請新移民的老細, 抱住一個心態:唔LIKE 咪去攞綜援囉。人工壓得就壓嚟去請人
    唔係咁, 點會成CREATE 出一個 “呃綜援" 的局面。
    如果無一大堆咁o既老細, “蝗蟲論" 就over 99.9%成立。客觀去講, 依家起碼要打個七折

  8. 黃世澤:

    so I take it you decided to go with smoke screen

    who are 香港納稅人 again?

  9. martinoei 黃世澤

    To 山中:

    你呢啲社會主義上腦的人,我可以講,如果呢批中國新移民係香港人批,你派俾佢地仲勉強算數,但呢啲係中共硬塞。派俾菲傭、印傭都合理過派俾地。

    如果係咁,我實要求,菲傭、印傭有權連續居住七年後自動成為永久居民,但中國移民要考試。

  10. 死士復活

    To Jacky Lim:

    呢一個情況唔單只係新移民先至會遇到囉!而係香港整個就業市場都係咁,特別係中下層嘅工作,不論你係老中青又或學歷高低。

    呢一個唔係理由嚟,我識好多人明明打工搵嘅錢,喺扣除返工嘅車錢飯錢後,仲小過拎綜援,但人哋都係寧願揀自食其力囉!呢樣係心態問題。

    而大部份新移民嚟香港抱嘅心態係乜?心照啦!唔通真係嚟建設香港呀?

  11. TC

    山中,

    究竟你知唔知係英國,新移民同英國公民一樣交咁稅,但係好多好多福利都無份。

  12. alvin

    TC –

    唔單只英國﹐美國都係。

    重有﹐美國申請親屬移民(包括配偶同子女)﹐都要申請人通過入息審查﹐又要申請人簽生活保證(Affidavit of Support)﹐為嘅就係唔想新移民一到步就攞福利。

  13. 凌天羽

    黃世澤 -> 而家呢一班人跟泛民既係完全唔同, 佢地係想走一條保護主義路線, 窨時佢地出來既理念係跟台式泛綠有點類似,
    但如果任其放任, 沒有提供理論及規範的話, 呢八萬人會好好地走泛路, 還是會出現極右, 我都唔會知道. 而呢一股力量出左來己經註定收唔番

    亦因為咁, 現時真的極需要理論基礎去確定這種力量會可以健全發展.

    正如你所說, 香港很需要民進黨, 我是認同的, 我也很想這樣走, 但這一條路是香港全新的路線來的! 誰可以給我們他們怎樣走?

    剛才fb 己經開始有人破壞了, 大量把其它政黨/組織/政府add 進fb 組當中然後發文抺黑, 結果我花了兩小時去del, 不難理解這股保守力量, 己經受到關注了.

  14. martinoei 黃世澤

    大家應該感謝台灣有民進黨那班人,否則台灣一早出現不堪設想事件。

    最弊係,香港有民進黨研究或操作歷練的人,查實數手指數咗出嚟。

  15. 凌天羽

    我理想, 係希望佢地可以成功地走泛綠果種本土保護路線的. 絕對唔希望佢地發展出任何排外思想, 因為這種這種想法對香港這個國際城市是有害無益(除非大家己經不認同香港是國際城市) , 但可惜呢一度根本就無"保守主義", 所有政黨都走緊左傾思想, 也沒有人給我們把關:

    呢個係我想到的幾個方向:
    (1)改變移民政策/收緊移民資格審核
    (2)抵抗中共對港的文化及移民/內地人產子帶來的人口清洗.
    (3)捍衛香港傳統價值, 保護本土文化, 支持保育工作
    (4)反壟斷,促進公平市場競爭,但堅決反對惡質市場行為(走水貨奶粉)
    (5)堅守民主自由 (事實上其實果一班人係打正名目反共的)
    (6)優先保障本土福利, 讓資源真實反映響有需要既人身上.

    我想問一問, 而家香港政黨有無關注過新移民帶給港人資源分配問題? 八萬人既like , 正代表香港政黨根本就沒有注視新移民帶來的資源問題, 奶粉, 床位, 學位, 公屋, 福利, 醫療……..

    fb 組 “香港本土力量 HKNP" 當中, 有很多都是老香港人, 在這兩天, 我聽見有好幾位媽媽加入, 回應話佢地曾經有孕婦既朋友, 因為新移民霸晒d 床位而結果生唔到……

    對於社福界, 有網民就這樣講過, 我轉過來吧, 請問這個離事實又有多近?
    “不少人以為,新移民來香港攞福利愈來愈多,社福團體對新移民的態度,一定會另眼相看。真實的現像是,新移民客似雲來,社福團體都無任歡迎。愈多新移民到社福團體使用各種服務,即愈能證明社福團體的成功。 雖然社福團體是非牟利機構,但在團體內的員工,就一如商業機構,希望升職加薪。客戶愈多,就有理據向資助機構,慈善基金 (如公益金,馬會弟慈善基金等。) 要求擴大服務范籌,增加人手,增加撥款。 更深層的意義是,人手增加後,員工的職級編制便可以擴展,舊有員工便有機會升職加薪。 因此,有需要的新移民,福利團體絕不會拒人千里。若果能夠呼朋引類,帶來更多的需要協助的新客戶,使用更多社福設施。令社福團體的服務個案大幅增張,有實質的數據,要求更多的資源,員工的前程就更為遠大。"

    冰封三尺, 非一日之寒…

  16. 凌天羽

    說fb 的人極端思想的話, 不妨請看"親子王國" 吧, 一班媽媽發言吧!
    佢地呢幾日比高登更加勁咁狂鬧班內地新移民呀!

    她們在床位, 奶粉, 子女學位, 要跟新移民"爭" 資源, 佢地係直接受害者.

    法國大革命, 正正係一班婦女買不到麵包引起的…..

  17. 凌天羽 – 你講個幾個方向﹐我大致上認同﹐但”保守主義”真係好難喺香港萌芽﹐唔係俾現有政治勢力打成親商﹐就會被打成反共﹑反中。

    香港政治版圖﹐早就俾"親中"﹑"親民主"(所謂泛民)兩個意識形態兩極化咗。"親中"嗰邊講唔上政治理念﹐阿爺一吹雞就自動埋位﹐至於泛民﹐政治光譜由中間偏左(比較上)到極左﹐只有左同更左。要”保守主義”有機會立足(我都唔敢講抬頭)﹐除非政治版塊有翻天覆地嘅變化﹐例如依家兩極其中一極消失。

  18. Pierre Cheung

    响英國依家結婚,無論本地或外籍聯婚,註冊前都要通過入息審查,雙方要證明有維持基本生活能力先有資格同權利結婚生仔。仲有英國官方回應,唔係符合申請要求或條件就代表或表示申請人就一定可以通過或批准申請或直接有權結婚。政府表明審批權係法律賦予政府嘅公權力,國家安全同社會穩定嘅法律順序高於人權,最高法院亦有案例。包括一位孟加拉矞英國公民,被最高法院法官判決,佢唔單止被判犯嘅嚴重刑事罪行成立,仲被法官訓斥嚟咗英國生活二十年都英文唔掂之餘,亦冇積極融入英國社會,被剝奪英國公民身份之餘,仲被英國政府送佢返孟加拉。英國依家呢啲政府觀點,連保守黨,自民黨同工黨,英國朝野都贊成同認同,英國退出ECHR係意料中事,因為英國根本無意贊同ECHR決定同廢除非英國公民嘅結婚許可證制度同全部申請人(包括英國公民),婚前資產同收入審查制度。當然政府嘅第一考量係杜絕非必要人士踲社會福利支出,減少不必要支出。例如國民健康响英國觀念係福利嘅一個項目,醫療衛生係另一個範疇。英國政府對社福同國民健康政策係政府排第二嘅政策考量,僅次於經濟,貿易同勞工政策。

  19. martinoei 黃世澤

    To Pierre:

    依家退出ECHR太遲,成堆ECHR判例入晒Common Law Jurisdiction嘅世界度,同埋遲啲EU Accession to ECHR,你想避真係太遲。

    但係對非英國公民嘅婚姻審查制,我覺得係有必要,單係假結婚搞出一堆膠問題夠你頭赤。香港有幾多單假結婚,或不合適婚姻(例如男女雙方年齡差距超過十歲,就算俾你真心都難keep得耐),大家係心中有數。

  20. Henry Chan

    其實唔止香港,台灣都係咁,只有藍,綠……而唔係左,右…….甚至唔少台灣人係冇左,右呢個概念(其實不論國民黨,還是民進黨,嚴格來說都係偏左政黨)……..香港同台灣之所以如此,係現實政治環境所造成——不約而同面對中共…….

  21. Chan Tai

    To 凌天羽
    知否很多社福團體已經被泀蟹了,請到柴灣青年廣場視察,9 & 8/F絕大部份是什麼組識。
    社福現今作用是收買民心。

  22. 鐵甲人

    其實個問題係一體兩面,話反對新移民拎六千蚊就鬧人地係法西斯班友仔,最好去多D同醫管局轄下前線員工,或者社福機構前線員工了解一下(如果佢地夠膽坦白同你講嘅話),你就知D所謂偏見為何而來,而唔係去只係作原則性空想…

    一般人嘅意見你地何以話係牛頭角順嫂bigotry,專員前線人員其實係最清楚用公共資源用得最多係邊個群組。 成個體系根本是adverse selection,只係唔係好多人夠膽講。 外國的移民政策好多時候都係有sponsorship嘅,唔似得香港好似不設防嘅。

  23. James

    呢個問題我幾年前已經同身邊嘅人(包括部份散工同事),但係佢哋係好多人都係我講先知,之後就係一陣陣嘅無奈…

    過去三個月遇到嘅,女嘅原來有相當數目係假結婚嚟,近日聽到,有人用三萬蚊落嚟。

    清潔、保安、仲有足浴(越來越多)以至服務廣大男士嘅行業,度度都係佢哋嘅影。相反男嗰堆,就反而係相返去都唔得…

    有咩方法可以幫嗰班內地嚟嘅男士返去?

  24. bing

    一句講哂, 邊個批班新移民黎就邊個負責. 香港政府係呢方面無話事權, 咁點解要香港人派錢比佢地?

  25. 凌天羽

    alvin ->

    其實呢兩日我係問左好多人好多野,我可以說明一下,而家hknp 呢度走緊既路線響香港係無人走過,香港政圈現時只得「泛藍」「馬克斯」與「建制」

    先把某人的私下討論回應貼上,讓大家理解背景吧:

    畢竟幾十年前,香港仍是每年雙十節都有旗海的年代,「泛藍」思想在香港已經洗腦洗咗好多年。好多香港人到咗今日仲係唔改口,嗌緊好多已經過時嘅口號:「三民主義統一中國」、「反攻共匪」、「光復中華」、「解救大陸同胞」。

    「泛綠」的好處是因為
    1.台灣靠近香港,「泛綠」資源相對容易得到手,亦己經有他們的成功例子可循,就算是交流也相對便宜,甚至可以請他們去教我們理念!
    2.更重要是有中文版的資源,香港人普遍可以閱讀,消除了因為翻繹困難而所做成的閱讀限制,對於小眾而言,這裏不可能一下子繹大量的中文閱讀資料,只有中文既有資源,先至係可以快速地將思想同理念向大眾推廣並普及。舉個例子,前年”將臨的起義”在明報上宣傳,經過一年多,至今都沒有印成中繹本,現在很多人根本都不清楚將臨的起義所提借的是什麼概念,英文政治書,香港普羅大眾不會找來看的。
    3.可以借力打力,必要時我們可以利用台灣泛綠與中共的微妙關係去運作甚至透過台灣作為宣傳PROXY .

    壞處
    1.就是政治的成份會變到極高,被迫一定要政治化,隨之而來就是相關政治化後的壞處
    2.絕對會與泛藍及馬克思,特別係福利果一班勢成水火,但有反而有機會很多建議會跟建制相似(因為很多建制老早唔妥新移民),絕對會有被”扣帽子” 的危險存在.

    但因為政府是技術官僚,建制係同政府相似,佢地並非用政治意識來RUN的.中共本來就是很屈機的,名左實右,所以佢地係可以隨時因應情況走資本/共產路線都得,正因為咁,組織在政治上既支持 , 不可能因為”立場”而輕率決定,否則會有危險存在,分分鐘會因為立場相似而被扣上為幫建制/政府.做每一個決定時,一定要詳細交待/計算支持或反對原因,與及按照立場去考慮當中的決策利弊,才支持/反對

    3.「大中華主義」已經深深植根在很多香港人的腦袋,要香港人接受「泛綠」的本土思想係難,需要多些時間吧。若果這樣行的話,就要對群眾做適當嘅「思想教育」,使到更多人認識、從而認同我地嘅理念。我地某程度上需要多D「宣傳機器」。「主流傳媒」呢個平台,我哋好難搶佔得到,唯有在網上的空間盡量「搶灘」。

    然而,我個人最怕就係任其沒方向發展,最終變成法西斯,特別係因為有新民黨,佢地係商家,用乜策略都得,提出保護主義係唔會對佢地網領唔有乜違背。

    而家個個政黨都肯定會望住like 果八萬人架啦,若果新民當佢地響選舉時政綱大玩本土主義,吸引一班不滿新移民的人支持的話,那麼我們就會給別人做了嫁衣之餘。再讓他們結合香港政圈上的功能組別,和法西斯的統合經濟模式(香港的地產霸權就是法西斯經濟)的話,就會給香港自身帶來災難性後果。

  26. 凌天羽

    回應alvin -> ”保守主義”真係好難喺香港萌芽﹐唔係俾現有政治勢力打成親中﹐就會被打成反共﹑反中。

    難道你去年不承認天星碼頭之後, 己經把本土意識帶出來嗎?
    加上今次的群族身份意識(認同自己是香港永久性居民, 不是中國人). 中國新移民都可以反對, 你估呢班人會對中國新移民會有好印像咩?

    本土保育意識, 與及今次八萬人既意識(事實上遠不止此數), 己經相繼出現, 他們冒著什麼"被邊沿化" 也要反高鐵

    反共, 反官商霸權, 認同"香港人"身份, 保護香港城邦文化,

    這就是香港今天出現的第三條路.

  27. 凌天羽

    我響6/3 之前, 我響民台亦曾經同阿牛嘈過, 新移民派錢將會激起一班人反對佢地, 同埋響呢度個blog, 我亦打過相關反對派錢言論.

    對於這八萬人的fb like group, 若果大家只看見歧親新移民, 而看不見其實這是一種"香港人"身份再確定的話, 就會很難去理解到為什麼這種情況會突然以超高速既情況顯現出來.

    在台灣黨禁期間只得國民黨與共產黨的鬥法, 但最後郤迫出了一個民進黨, 香港跟台灣太相似, 這21 年只得偏藍的泛民與建制鬥法, 現在迫出這一班人, 這一班人想法好明顯跟民進黨的理念極度相似.

    要知道泛綠比起國民黨更反共呀! 正如henry chan 所講, 係現實政治環境所造成——不約而同面對中共……. 大家也是在共產黨下的受害者.

    兩日八萬人, 人數增長速度仲高過去年十萬反民建聯/包致金/魯連城果幾單. del fb group 同埋加強宣傳根本己經不可能壓下佢地既火, 因為呢堆人既總數己經足夠三席立法會, 係到左 critical mass 可以左右政治.

    若果現在的政黨政治上, 做不到 paradigm shift 的話, 那麼現在的泛民亦會出現好重大的斷層, 簡單講, 泛民根本就唔知市民想要乜!! 另外, 我認為現時一定要開始對台式泛綠路線進行研究, 留意一下泛藍政治長期面對中共時, 所產生出的政治轉型, 否則泛民將會跟民意嚴重脫節.

  28. James

    凌天羽:

    閣下所言,本人深感好奇,亦不無憂慮。
    香港過去近百年嚟,根本係泛藍基地嚟,如是者,豈不是要同過去嘅歷史作一刀切式分割?
    香港嘅英國色彩被人為消失,如果連泛藍嘅嘢都斬走埋,香港,真係無所依恃。
    而家落嚟嘅嗰班人,實際需要嘅,唔係香港,而係內地普遍咁有類似香港嘅特別行政區。
    似乎,第一件事,係將香港嘅價值觀灌輸俾佢哋,再傳播出去,先係長治久安之計。否則,佢哋一樣會不顧一切咁落嚟。
    思想,就是力量。
    ——————

    舊年睇瑪加伯上下時,我就諗:我哋會否由此得到啟發?

  29. 凌天羽

    香港不單是泛藍基地, 更加一直係近個半世紀既革命思想起源地….
    泛藍只不過係因為國民黨退守一班老兵來到香港先至有50 年發展咋…
    仲有, 台灣夠係幾十年國民黨基地啦, 人地仲黨禁添! 但最終都出左個綠色出來

    當民主黨都支持政改而被視作建制而被民主派攻擊番轉頭. 台灣國民黨可以跟大陸共產黨響經濟著埋同一條褲而被當地本土人攻擊甚至連政權都輸埋
    就知道這個變化係一個大勢, 泛民亦不可能再不理會呢種情況.

    大家無留意80 後果一班保育份子, 佢地其實無論跟民主黨/公民黨/甚至乎係社民連都唔係好妥, 有唔少牙齒印既咩? 好明顯, 佢地既思維根本就唔係一直以來泛民果一套!

    如果泛民仲抱住"堅決反對" 咁日後真係會出現好嚴重既脫節.

  30. 凌天羽

    將香港嘅價值觀灌輸俾佢哋,再傳播出去,先係長治久安之計。

    無用的, 因為每年5 萬單程証, 3~4 萬父or 母係港人產既子女, 再加3~4 萬父母係內地人, 每人12~13 萬人移民清洗..

    佢地根本唔駛食你香港價值觀, 過多十年己經夠一個mass 去將香港共化了!

  31. 凌天羽

    typo, 改正

    回應:"將香港嘅價值觀灌輸俾佢哋,再傳播出去,先係長治久安之計。"

    無用的, 因為每年5 萬單程証, 3~4 萬港父+內地母產既子女, 再加3~4 萬父母係內地人, 每年12~13 萬人移民清洗..

    佢地根本唔駛食你香港價值觀, 過多十年己經夠一個mass 去將香港共化了!

    如果仲唔保護, 香港肯定會變特區, 甚至淪為二三線城市.

  32. James

    藍營在港發展,非在老兵撤退至香港,乃在革命元勳之時始。
    關於香港與藍營/國民革命之關連,在此不述,詳情請閱AM730有關香港史之專欄。
    只能講:相比台灣,香港要跟泛藍切割會更為困難。
    至於我哋呢一代,或者大家要回想麥理浩到彭定康。香港嘅凝聚力同身份認同,應由當時說起。
    其實而家嘅情況,同當年希臘人喺聖殿獻豬冇太大分別。我於前文所講嘅係中長期嘅思想工作,而家要做嘅係盡快截人,同點樣趕走呢班蝗蟲之餘又保護到土生土長嘅基層。
    仲有,要恢復返本土嘅防衛力量 …

  33. 凌天羽

    James…. 我今年不出聲了…..

  34. 回應凌天羽 –
    我唔否認天星碼頭/反高鐵有本土意識存在﹐但係俾人感覺到嘅 predominant narrative 係一種接近反全球化﹑反發展嘅政治訴求﹐政治光譜上近乎綠黨嘅相當左嘅路線﹐同保守主義相差好遠。

  35. martinoei 黃世澤

    To alvin:

    班社運分子個理論底係左,但英國同台灣嘅保守主義其中一個特色,就係可以偷左派嘅議題為己用。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s