3月6日中環谷氣記

當石先生條仆街喺度大鬧示威者果陣,我諗我喺現場,俾果條友有資格講嘢得多。

1. 喺下午五點幾,人民力量班友巧威威咁喺皇后大道中靜坐,本來呢個戰略上係啱嘅,因為如果佢地可以堅持落去,社民連喺政總班友應該唔會清場。而決定留喺度,一係唔好留,一留留到,但人民力量班友好快散晒水。相反,社運界人士、社民連成員、民主黨甚至公民黨都有人堅持到底,甚至被拉。就算去北角警署支援,先有社民連長毛,後有季詩傑,之後仲有陳淑莊,人民力量又係失蹤。我唔認為人民力量喺今日之後,仲有乜資格講票債票償。都係果句,人地抗爭最前線,你班友做埋啲嘢,我唔想評論。

2. 但論仆街,人民力量都遠遠唔夠差佬。如果差佬由得大道中班友留到十一二點,仲有幾多人留低我個人都有啲懷疑。但喺我喺度醫肚果陣(八點幾九點),差佬突然要對大道中清場,咁班友玩膠玩到底衝出去德輔道中有乜奇。

3. 如果政府係精,由於遮打道係唔係都係行人專用架喇,叫班示威者喺遮打道示飽佢無問題。問題好明顯,就係有人要向北京交心,亂咁拉人。

以上片段由勞永樂醫生提供

4. 而喺雪廠街同德輔道中口,有細路被人噴胡椒噴霧,令小弟憤怒爆發。細路都噴Riot Control Agent,呢啲乜仆街嚟。我更嬲係啲英籍警官,做英國人做到同納粹合作,係英國人之恥。所以我影低佢地嘅相,但有啲黃皮狗喺度阻住晒。啲英籍警官知,如果佢地喺香港嘅垃圾事跡傳番英國本土,輕則被人睇唔起,重則如果有啲涉及反人類罪行為,做歐盟公民係走唔甩(西班牙果條法律好辣)。無警告用胡椒噴霧,係仆街行為,警察公共關係科擺明講大話。

5. 之後亦係我決定留喺度,不斷用摑警案等嚟對警察心戰嘅原因,呢班友等佢地自己反省吓,做警察係做乜囉。老實講,我無理由再尊重呢啲友仔。

6. 到咗十點幾,由於警察唔俾示威者走,明顯係《侵害人身罪條例》下非法禁錮,可以做係即去高等法院,要求申請人身保護令。有令狀法官到現場,件事就睇點處理,之後我就動身去法院。但小弟懷疑,由於我真係去法院,所以警方喺23:16左右拉人。

7. 但最激氣嘅事喺高等法院,到咗高等法院,我向啲外判看更示意申請人身保護令,在場一位主管,唔肯話自己乜水,唔出示證件,話依家唔係辦公時間,有呢啲事叫我去報警。呢位看更唔知係唔係收到警察order玩嘢。緊急人身保護令,乜要報警至得架,依家係警察搞人身禁錮。呢位看更我唔會放過佢,我一定寫信去司法機構投訴,一定玩到底。

8. 當知道有人被拉,當然就去北角警署。

依家香港警察,可以用有牌流氓嚟形容,爛仔都唔夠。對住流氓,認為可以講道理係浪費氣力。如果中共以為可以阻嚇香港人,咁睇吓幾時成街都係膠。

9 則迴響

Filed under 香港政治

9 responses to “3月6日中環谷氣記

  1. 我雖不同意你對人民力量的看法,但絕對支持及佩服你和其他留下的示威者。

  2. Jacky Lim

    差佬同曾生呢鋪玩到咁盡嘛
    送句佛偈俾佢地:剃人頭者, 人亦剃其頭

  3. Echo Jacky Lim, I bet there will be more people coming out on July 1. Looks like Donald might have to step down with breast ache.

  4. Chan Tai

    絕對支持及佩服你和其他留下的示威者。

  5. Jacky Lim

    Small potato: 7.1 又好, 快d都好, 總知經過尋晚, 我只想曾蔭權同曾偉雄快D消失
    根本成件事, 只係有人派膠俾人笑 then 玩小器。順勢借阿爺過橋諗住同坊間玩一鋪清袋

    清佢條毛呀。自己衰咗唔柒認, 俾人笑就打返人轉頭, 轉乜意思?!!!

  6. 依馬打

    請教 Martin :

    以前有無先例,示威人士於示威地點被警方扣留後,成功向法院取得人身保護令,逼令警方放人 ?

    之前韓農反世貿及反高鐵包圍立法會兩次示威,當示威人士被警方於示威場地扣留後,未押返警署前,他們當中也曾有人發起類似建議。這兩次示威你也有參與,當時有無人試過去法院申請人身保護令 ?

    另外,如果你有警方噴胡椒噴霧的指引 (應不屬 “警察通例" 這類非警察也可查閱的公開文件),可否公開 ?

  7. Jacky Lim: Cannot agree more. I would like to see all the Tsang brothers vanish soonest, including Donald, John, Yuk-sing, Tak-sing, and Wai-hung, especially Donald, he is a really jerk. Their presences could only harm the HK society.

  8. Tom

    如果有政黨/政府咁講:其實有七百多萬市民係支持特區政府!
    下星期會點?

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s