無人出嚟玩膠,你班友連做人肉佈景板機會都無

繆美詩:皇上無話兒港版

鋪鋪泛民都唔識抽水,俾我實恥笑佢地,無民主黨出嚟吹雞遊行,無社民連有人做烈士出嚟玩膠,你班土共想成功爭取嘅機會都無。

呢次財爺投降,除咗因為財爺硬膠無極限外,仲有就係民主黨吹雞遊行,加上社民連班友日日玩膠,玩到出現沉重壓力去到北京唔出手都唔得,呢樣叫以戰迫和。你班建制派,除咗做人肉佈景板,有乜嘢你地班友製造實質壓力。財爺接納民主黨嘅iBond(雖然呢個建議我勁唔贊成),但建制派實際成功爭取一樣都無,大家知點解嘛。

所以3月6日我叫大家要繼續遊行,對住呢個膠政府,你可以做就係保持壓力,班友依家越驚茉莉花,嘔嘅嘢就越多,咁都唔識就你蠢。社民連玩完特首一鋪膠,依家佢地公然喺中聯辦花槽門口種茉莉花,連警察都唔好意思阻止(之後茉莉花開花,就膠到極點,除非中聯辦炸咗個花槽)。泛民幫班新移民爭取啲唔應該爭取嘅嘢,但無抽土共呢方面水,真係令人失望。

後話:涂謹申接受CCTVB訪問,因為被CCTVB班友剪輯,搞到好似涂謹申指責社民連玩膠咁。我要強調,呢鋪明顯係涂謹申中伏所致,CCTVB嘅記者做訪問未必有事,但袁志偉條友好鬼惡毒,各位小心。

4 則迴響

Filed under 香港政治

4 responses to “無人出嚟玩膠,你班友連做人肉佈景板機會都無

  1. Dbdb

    禮儀廉當日有譚師奶在八字鬍右邊,葉國謙仲企係樓梯後面高幾級,構成成功爭取圖,人人都話笑呵呵。

    我覺得醫生護士,警察叔叔同老師,真是要勇於表達自己的意見。這麼多年想改變而百無,絕對稱得上失敗。

  2. James

    問題係:班禮義廉喺短短呢兩日已經整好哂成功爭取XXXX嘅banner周街掛,一般人又點知?
    題外話,前日黃昏,聽到立法會講議事規則修訂,今次似乎不分黨派都想煮死某三個人…究竟呢一切,係咪代表住社民三子議會抗爭嘅末日?
    好多人,特別係為人師表/傳統名校出身/自以為好有修養嘅,聽d反應係憎到佢哋死,話佢哋教壞細路,我疑惑:點解要入哂佢哋數?
    舊年五區總辭期間,一直留意立法會電台直播。冇哂佢哋,的確靜咗好多,但亦因此,好多人唔知呢段時間立法會裡面發生咩事,真係隨時賣咗你都唔知。
    我感到,呢班人除去咗三個惡人,但更多、更可怕嘅惡,會隨之而至。除非而家班議員確保比佢哋三個更有能力去完成市民所託付嘅工作,否則…

  3. Jacky Lim

    袁志偉的仆街程度, 絕非一般市民大眾能夠想像

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s