香港白痴政客之:爭取港鐵特惠站嚟做乜?


以上圖片由一名小西灣居民提供

喺區議會選舉將近之際,香港議員啲硬膠爭取特別多。而工聯會富景選區區議員梁國鴻,同埋小西灣選區區議員陳靄群,近日嘅白痴貢獻,應該係爭取小西灣有港鐵優惠站。點解係白痴,原因兩個:

1. 部機擺邊?港鐵通常都係擺喺商場,咁放喺領匯商場(小西灣廣場),定係藍灣半島?簡單嚟講,又係官商勾結。

2. 多贏?你工聯會班友仲好意思喺小西灣爭取港鐵優惠站。

喺小西灣,搭港鐵一係坐專線小巴62(杏花邨)同47M(柴灣),一係坐巴士82M(柴灣),但82M無乜人搭,十之八九都係坐Van,但睇吓工聯會做過乜嘢偉大事情:

新城電台:政府表明無意增加小巴座位至二十個

工聯會的葉偉明指, 增加座位後車租可能相應提高, 擔心租車司機難以維持下去 . 有議員就贊成增加座位, 認為部分線路需求大 , 但就擔心安全性. 部分議員批評, 政府向港鐵傾斜, 過份保障鐵路, 阻礙多元化發展 .

姓梁同姓陳兩條硬膠,請解釋一下葉偉明發嘅膠音先。又要整港鐵優惠站,但又反對專線小巴加位加到廿座,咁你兩條友嗡乜春,嫌專線小巴唔夠迫呀?

呢啲政壇hihi係要一嘢篤爆至得,工聯會同民建聯最不知所謂係,佢地爭取啲嘢自相矛盾,製造好多問題。

5 則迴響

Filed under 香港政治

5 responses to “香港白痴政客之:爭取港鐵特惠站嚟做乜?

  1. Sam Kong

    更腦殘既係,大部份地鐵優惠站係要求市民拍咭後,步行至特定車站,咁先至會有得平(拍咭後搭用八達通搭其他交通工具,個優惠就會失效),佢唔係想suggest D 人由小西灣行去柴灣下嘩… (你去要求轉乘優惠都實際d啦,不過廢時教精佢地)

  2. 飛蚊導彈

    re: sam kong

    正所謂“日日運動身體好,男女老幼做得到”
    兩位議員以財政誘因吸引市民多走路,
    既可促進健康,又可減少空氣污染,
    一舉兩得,實在用心良苦。

  3. 港鐵特惠站係比港鐵做人流調查0者,咁都爭取一餐。

  4. Dbdb

    好快集齊一百條白痴banner啦!

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s