特首,你搞到香港花生斷市呀

呢張改相係范國威手筆。

院 方 : 曾 蔭 權 肋 骨 位 置 有 紅 腫   沒 傷 及 內 臟
2011-03-01 HKT 22:32
瑪麗醫院急症室部門主管唐漢軍
行 政 長 官 曾 蔭 權 被 示 威 者 撞 到 胸 口 , 晚 上 到 瑪 麗 醫 院 檢 查 , 瑪 麗 醫 院 急 症 室 部 門 主 管 唐 漢 軍 表 示 , 曾 蔭 權 的 肋 骨 被 碰 撞 , 皮 膚 亦 有 紅 腫 , 反 映 並 非 輕 力 的 撞 擊 , 但 只 是 皮 外 傷 , 無 傷 及 內 臟 , 亦 並 非 撞 正 胸 骨 , 經 x 光 檢 查 , 並 沒 有 發 現 骨 折 , 心 電 圖 亦 不 見 有 問 題 。
唐 漢 軍 說 , 曾 蔭 權 的 胸 口 明 天 會 更 腫 更 痛 , 他 認 為 曾 蔭 權 今 次 「 好 彩 」 , 如 果 撞 正 胸 骨 , 可 以 導 致 心 室 顫 抖 , 建 議 曾 蔭 權 多 休 息 。

依家據聞警方仲拉咗人添,成件事膠到難以置信。

成件事膠力非常充沛,社民連兩條友,一個用粟米斑塊飯掟佢(唔好同我講呢樣嘢有殺傷力),之後有人上台,人都未掂到,曾德成就嚟個熊抱(果然六七暴動嘅監躉),但最後竟然喺佢個寶貝仔任職嘅瑪麗醫院驗傷(陳水扁奇美醫院翻版?),驗到被人隔空頂住個肺,跟住拉埋人。

喺呢個咁嘅時間,出現呢啲我係編劇一定編唔出嘅情節(我諗要搵法國嘅大師,或者高安兄弟出手),仲要咁近3月6日,社民連果兩件年青人固然一戰成名,邊個咁薑上台單挑特首,兼成功頂佢個肺至得。但依家喺一個佢出街隨時被人打到變柿餅嘅時候,搞啲咁膠嘅事出嚟,呢條友一定挑動緊茉莉花或者洋紫荊革命。

特首,花生斷晒市呀。

廣告

11 則迴響

Filed under 香港政治

11 responses to “特首,你搞到香港花生斷市呀

  1. 我不認同這樣做. 曾蔭權是在上台前受傷的.
    他們可以罵, 可以抗議, 但不可以出手打人.
    這樣的行為, 是要付出法律上的代價.

  2. 依馬打

    特首身邊保安不尋常地鬆懈,很大可能社民連的青年們已中了特首預先設計好的苦肉計陷阱,讓他和保安局振振有詞進一步打擊市民的集會自由。

  3. 飛蚊導彈

    據QA兄所言,曾蔭權受傷的時間應該是在門口
    被擲"粟米斑塊飯"的時候,究竟曾蔭權是怎樣受傷的?
    是被人故意衝撞?被人意外碰撞?還是被"粟米斑塊飯"擲傷?

    還是高登友說得好:"有圖有真相".
    希望傳媒甚至政府可以公開當時的片段,以澄清事實.

  4. 新仔

    特首已經成功制造頭條新聞轉移視線了.

  5. martinoei 黃世澤

    我極不同意QA講:

    1. 你要指控有人打人,你必須有無疑點證據,不只驗傷,不只證人,而是有片。但沒有人有片證明有人打人,連這件事有沒有發生都證明不到,更不能指控有人打人。

    2. 除非這是有證據支持fair comment,否則對一個現時仍推定清白的被告,這說明不負責任。

  6. Dbdb

    醫生說肋骨紅腫,但曾生是說被人撞胸口,胸口跟肋骨是兩樣嘢。

  7. Jacky Lim

    假設有做過…….
    正常嚟講, 我都會覺得 dup 佢係唔應該
    但呢鋪就真係嫌dup得佢少。
    [評論mode] 坦白講, 我諗响第二D國家出現依家香港的怨氣, 行刺事件應該發生咗。所以…….
    今晚只係曾生你好彩, 係咁易頂親下。
    3.6滾兩滾, 你隨時死撚梗!!!

    呢一下, 只係開始。玩得全香港人咁耐, 全香港人係時候還拖架啦!!!
    當全香港人白痴吖嘛?!

  8. Skywalker

    未睇片就一口咬定有人"出手打人", 就真係極有問題.

  9. Dick Ma

    They should learn from a reporter, take off his shoes and throw it on the stage!!!

  10. 持書者

    因為此時此刻 大家都認為有人會出手打曾蔭權是合理的 大家都期待會有一個人真的打了曾蔭權

    所以不需要看片. 也是「應該真的有人打了曾蔭權」

    我們可以大條道理先斥責他人使用暴力 <- 是因為我們期待暴力的發生…笑

  11. 我覺得單野有d似上次陳雲林o係台南畀人追罵然後跌倒事件。

    係咪真係你撞佢,定係佢畀你嚇親而跌倒/撞親,大部分人係唔會理。因為對呢d人黎講,佢地既理解角度係「你唔跑埋去人地咪唔會受傷囉」。呢個「印象」上的蝕底和法律責任是兩回事。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s