爛片爛尾

有片有真相,示威者對特首毛都掂唔到條,我想問,特首被邊個「打」,外星人?傳說中氣功炮,定粟米炮,成件事應該叫高安兄弟嚟重組一次。

小弟諗咗好耐,點解特首要做埋啲曲線行為,喺諗極都諗唔通之際,同林忌傾過。可能件事好簡單,特首想減少3月6日示威人數,所以先老屈定呢兩件社民連人係搞暴力,喺3月6日,告唔告到人,根本無人理,正所謂過咗海就係神仙。所以情節超級似爛片,因為根本只係用嚟頂住檔嘅爛片。

只不過爛尾爛咗尾,變咗頂特首個肺之餘,亦頂市民個肺。本來呢件事嘉諾撤醫院做,應該唔會有人鬧人,縱使係私家醫院,但唔阻市民,亦唔會有「奇美醫院聯想」。但瑪麗醫院有佢兒子任職,本來己經有人聯想到陳水扁槍擊案。

但更爛情節喺條友竟然打尖,唔理日日都有成村人喺急症室輪候幾個鐘,輕傷都打尖,市民本來無火變有火。遲驗兩個鐘傷駛死架?你話3月6日多人上街,定少人上街,我可以咁講,上網果班一定會上街囉。

13 則迴響

Filed under 香港政治

13 responses to “爛片爛尾

  1. Jacky Lim

    陳水扁之奇美醫院式都諗得出嚟做……..
    除咗想減少3月6日示威人數, 亦同時反映, 佢想借 “被操控" 的傳媒製造畫面的可恥手法

    無嘢好講架啦, 3.6 中環見

  2. v

    英譯條撚樣作狀到爆

  3. v

    用中文節奏來講英文,仲要懶型仔咁。

  4. v

    1:54

    兩條友仔推人落臺,一條柒,一條成個大陸西樣

  5. felix

    有無比100蚊登記?

  6. 你真係厲害。3/6我本來無打算去,現在一鬧就決定要去了。

  7. pp

    老曾苦肉計, 想借呢件事轉移公眾及傳媒視線, 幫阿細曾解"筆直"之圍唶…

  8. Laure

    頂,我睇過now同埋2/3條片,響兩條片中兩個示威者都離特手成尺遠呀喂。唔通佢地真係識隔山打牛?

  9. barjack

    而家話派錢.仲有幾多人出嚟?

  10. urbane peasant

    好似無官方提到Sir Donald 被撞的時間及地點

  11. 依馬打

    恐怕法官受內地壓力,就算錄像証據給辯方質疑,也會憑警方及政府那一方的証人口供,給那烈士定罪和重判。

    這次特首苦肉計得逞,後患無窮,影響的不止是將來大家的集會及示威自由,會借此再收緊傳媒在香港的採訪自由,襲警的定義,將來法庭對廿三條的闡釋尺度。至少,正如今日明報李先知所言,長毛等在議會涉及肢體動作,擲物等抗議行為,政府也會請警方跟進。

    這次特首行苦肉計,絕非只為減少三月六日上街人數這麼簡單。

    March 2 ,2011

    特首受傷港澳辦促應予懲處 (17:05)

    國務院港澳事務辦公室發言人表示,嚴重關注特首曾蔭權遭示威者撞傷,港澳辦認為對此類暴行應以懲處。

    發言人表示,注意到,昨午特首曾蔭權在香港歷史博物館出席辛亥革命百年展覽時,被社民連所組織的示威者衝撞受傷。港澳辦對此表示嚴重關注。香港特別行政區行政長官是依照香港基本法和有關法律在當地選舉產生並由中央人民政府任命的,應當受到尊重,其人身安全必須得到切實保護。聲明又稱,港澳辦認為,對此類暴力行為應當依法予以懲處。

  12. 新仔

    如果香港法官可以濫用自由心証到呢個地步, 寧可信有權有勢既所謂証人, 都唔信証物, 連掟飯同豆腐襲警都可以重判, 香港司法真係玩完, 行政立法司法同傳媒都已經完全淪喪, 未移民既好快啲移民…

  13. Tony

    佢d戲仲屎過比Amina摑果過差佬

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s