警察也遊行?好事

【明報專訊】財政司長曾俊華宣布把240億盈餘注資進強積金,公務員和教師無份,這兩個界別的工會發動大遊行,政府昨迅速修訂立場,改口稱6萬津貼及補助學校教師亦受惠於6000元強積金注資。但12萬長俸制公務員始終未能受惠,警務督察協會對此表示強烈不滿,稱有意發動警務人員與家屬一起參加3月6日由教協發動的「紫荊花革命」遊行,成為首個響應大遊行的紀律部隊員工組織。

雖然小弟對警務督察協會主席廖潔明嘅政見好有保留(我諗佢都半隻腳入咗政壇,而且同葉劉關係真係密到我有保留囉),但如果警察真係參與教協嘅紫荊花革命遊行,以事論事,小弟樂觀其成。

首先,警察參與遊行,咁執勤嘅警務人員至少唔敢太囂張,如果拉錯警察子弟真係多多膠都唔曉派。而且警察親身用示威者角度去睇問題,日後對示威者同警察之間對立緩解係有幫助。

而且警察都係市民,點解警察無公民權利參與遊行?紀律部隊人員參與政治活動,當然難免受規限,但表達意見嘅權利亦要尊重。如果唔俾遊行,事實上有可能違反《基本法》。

3月6日如果警員遊行,小弟歡迎他們。

7 則迴響

Filed under 香港政治

7 responses to “警察也遊行?好事

  1. Tom

    退稅?低收入人士不用交稅也要比fund佬,有可用?家庭主婦又如可?三月六日出街行吓。

  2. dankei

    世澤,你可否有途徑提提班搞手,紫荊花與洋紫荊花係兩樣野!唔好搞錯!如果想意喻香港,用回洋紫荊花革命或洋紫荊革命會比較適合!

    http://zh.wikipedia.org/zh-tw/%E7%B4%AB%E8%8D%86

  3. 點子

    革命? 革命bin 個命呀? 人地就係想疲勞轟炸革命呢兩個字,嚟沖淡真正革命呀。革命唔係問政府伸手攞番自己d 錢呀,而係世澤兄所講的PLAN B: 即香港人如何取回香港的政權與主權,香港去留問題,香港文化身份定位是中是英的問題,香港保持城邦身份及培植本土工業的問題,香港如何懲治賣港地產商,各級官員,土共,劣紳,特務及舊電池的問題,香港如何保持國際經貿中心地位而又避免國際炒家及大陸佬輸入通漲的問題,聯匯存廢問題,香港應否繼續以買美債或人民幣等廢紙來作為儲備的問題。

    香港已到危急存亡之秋,以上問題如不從速討論後果不堪設想。我地的身家及優勢唔係食得好多年咋。依家佢地只須玩弄一下革命二字就淡化哂呢啲問題,至少我地要堅持,革命二字要由我地定義。

  4. Skywalker

    不是紫荊花革命, 是洋紫荊革命

  5. Chan Tai

    他們爭取權利遊行就無人話吾理性,他們關心自身利益,是可以理解。但他們對社會不公不義,可曾為香港人及其後代爭取合理的言論自由、公平的合理的民主政制。
    青年人爭取政制改革、爭取民主自由社會,就被沒抹黑為過激、不理性、破壞社會及搏出位。他們為理想有何不可?是否想見志願做貪官的下一代嗎?抑或道德淪亡的大陸社會現象嗎?各位警務人員、公務員,官校教師、他們可曾認真思考,自身人權權利。是否願意做未來的貪汚腐敗、專制殘暴政權的走狗?
    特衰正苦大部份庸官及土共在助紂為虐,出賣港人利益,來換取自已及家人高薪厚職。現時很多政策都以威迫要港人就範。
    – 教育就縮班減資源。
    -八成強拍、卑丕手段收樓,坐視理。
    – 醫療問題,頭痛醫脚。
    – 交通問題,當作閒事,因汚吏極少坐公共運輸。
    環珠三角宜居灣區規劃把香港自主權出賣,現在還否認,無恥無極限。
    希望還未醒覺的市民也能看清特衰正苦的真正面目。
    團結起來,把不稱職,不為市民謀福祉的庸官、奸吏、議員、公職人員趕走,別讓他們毀壞香港。
    祝願未利化革人一叩成功!

  6. 唔係誅心論,只係想分析下廖潔明參政意圖,因為某黨近期舉動不少,其威脅不容忽視。

    理論上前線警員的不滿應該比督察級警官大得多,但員佐級警員組織反而冇組織遊行,其實警隊內部的反應有多大?警務督察協會這次組織的遊行是內部共識,還是主要由廖潔明做推手搏取個人未來的政治本錢?

  7. 新仔

    中國人各家自掃門前雪+奴性, 如果唔係關乎我自己既切身利益, 與我無關既其他人等出嚟示威就係過激及搞事.

    到咗有一日事關自己利益要出嚟遊行, 先知乜嘢叫針唔咭到肉唔知痛.

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s