MPF有幾仆街?

點解財爺將六千蚊注入MPF,被人鬧爆,唔係黃毓民講嘅陰毒,呢個唔係理由。我昨天講過,用MPF嘅錢,「錢進中國」嘅問題。依家我用金融角度,講埋餘下兩個。

1. 讀過財務學ABC都知,依家嘅錢,一定好過未來嘅錢,除非有得賺,否則人梗係想依家駛咗啲錢,好過之後至駛,呢個係費沙嘅Present Value(現值)同Future Value(未來值)概念,以及利息(interest)理論嘅基礎。除非你俾夠補償我,否則我點解唔駛咗佢。

2. 曾俊華將六千大洋注入MPF,但MPF俾乜回報我至得架?

3. 如果交易費用 = 0,好,算數,都殺你,但現實唔係咁。

4. 近排有人要開私人銀行戶口,貨比n家期間,其中一個鬧到面紅耳赤地方,係成個Trade嘅佣金係幾多,0.5%都同你拗餐死,因為穩陣嘅投資,以小弟比較熟嘅fixed income為例,大佬,一般fixed income嘅product,年回報都係3-6%,如果佣金成1%,或者0.5%,計埋風險因素,單投資己經係西北風嚟,食條毛呀,食沙喇。而MPF管理費貴成咁,你話呢六千蚊最後變成乜?

順便講埋iBond,iBond簡直係白痴設計,除咗益有錢佬,真係唔知有乜正:

1. linked with inflation rate,即係成個債券嘅risk factor係中國政治風險 + 香港政治風險 + (香港和中國通脹風險總效應),呢啲咁嘅產品,coupon係linked with inflation rate,但你price嘅risk一樣linked with inflation rate,我點解要買你?傻架。我唔依家跟住班中東佬,狂買中東產油國嘅主權債券,趁低吸納分分鐘仲賺得多喇。

2. Retailed嘅fixed income產品,個價一定唔靚,政府會唔會公布賣俾ibanker,fund佬同professional investor嘅同類產品,同Retailed版本產品嘅價距?我諗一公布咗,一定粗口滿天飛。大家都知,呢班金融佬,係賺wholesale同retailed product之間差價搵食。

識金融嘅人,一定媽爆財政預算案,包括iBond呢類硬膠建議。香港一般財演都係equity或者structure檯走出嚟,唔會點出iBond背後有幾冚家鏟。搵個真係fixed income友仔出嚟分析,曾俊華死得仲快。

Advertisements

7 則迴響

Filed under 香港政治, 財經

7 responses to “MPF有幾仆街?

  1. 凌天羽

    我剛剛整起的, excel 表, 你可以用來參考用,
    http://www.multiupload.com/EJA27MFEU7

    其實mpf 若果在全無通漲, 與及管理費低於盈利的情況下, 是好的

    只不過基於近30 年的數據, 現時每年平均大約為 4%~5% 通漲率, 呢一條數就好勁. 1.8% 係平均mpf 管理費, 2.9% 係早前文匯報所所講最好果隻mpf 年均盈利.

    仲有, 假設 3000000 個MPF 供款者.
    投資款項 HK$6,000.00, MPF 年管理費 1.800%, MPF 年盈利 2.900%
    每年平均通漲 4.000%

    果六千蚊, FUND 佬以"銀碼"計算, 賬面所收數字, 以首五年計.
    為: 324M, 651M, 982M, 1316M, 1654M
    與及FUND 佬響6000 裏面實質收左既價值.以首五年計.
    為: 324M , 638M, 944M, 1242M, 1531M

    今次派果 180 億, 大約每年會流左 3億去左班MPF FUND 佬度….
    若果今年25 歲的話, 40 年後收番既錢, 實質購買力分分鐘連現時六千元既1/3 都無.

  2. alvin

    2% expense ratio is outright highway robbery. The expense ratio for iShares MSCI Hong Kong Index Fund (EWH) is 0.53% and that’s already considered high for an ETF. By comparison, Vanguard Total Stock Market ETF (VTI) has an expense ratio of 0.07%.

  3. Fe010

    可惜香港人成日都屈住唔講,我猜,有一定數量的人會覺得MPF是個黑洞,但就係唔講出黎,咁就俾當權者及有錢人欺壓了……

  4. Tom

    香港三奴文化,
    房奴,醫奴,Fund奴。
    供咗等於無。

  5. Andrew

    凌天羽:
    “只不過基於近30 年的數據, 現時每年平均大約為 4%~5% 通漲率, 呢一條數就好勁. 1.8% 係平均mpf 管理費, 2.9% 係早前文匯報所所講最好果隻mpf 年均盈利. "

    邊有咁高通脹…
    用三十年歷史來比較強積金十年往積根本不公平
    理論上來講…公司會跟通脹加價…令回報及得上通脹…且應反映在股價上
    仲有:
    王于漸 “十年回報偏低 強積金有待改進” -信報 (2011年1月5日)
    “…自2000年實施以來,強制性公積金(簡稱「強積金」、MPF)每年平均回報5.1%,扣除同期內的年均通脹,存戶每年實收1.7%。表現強差人意。公眾也很清楚,及早改善有關安排,讓存戶自行轉移強積金,可望改善他們的退休收益;其中儲蓄較少、因而最須要獲得保障的存戶,尤其仰賴強積金能有較佳的表現。…”

    一日之後
    …丁望 “金字塔頂分工 井水不犯河水” 信報 (2011年1月6日)
    “…更正:昨天王于漸教授文章〈十年回報偏低 強積金有待改進〉一文(刊第19頁)提及「強制性公積金每年平均回報5.1%」,同期通脹率應為0.37%,因此存戶每年實收應為4.7%,而並非1.7%。…”

    另外,積金局講的5%或者係GainMiles計的2.9%都係已計了收費後的回報。

  6. v

    @ your (re)tweet:
    “RT @leungmantao: 一個政權最關心的課題居然是怎樣避免崩潰,怎樣不被顛覆,這是個怎麼樣的政權呢?它治下的國家又還能有什麼出息?比如日本和義大利,甚至己經處於無內閣狀態達十個月之久的比利時,它們的政局再亂,也從沒聽說他它們要怕崩潰。 "

    their state anthem says it all.

  7. dankei

    我諗起黃子華多年前棟篤笑的 “失業保險"!一樣咁吊詭!

    我們還未失業時就要不斷幫自己買 “失業保險",到有一日自己真係失業時,就有保險賠,拿了保險賠償,有錢就又再買 “失業保險",到又失業時就又有得賠,不斷 loop!

    現在特苦抄橋,整個 “通漲迷債" 出黎,我們在通漲還未高企時就要不斷幫自己買 “通漲迷債",到有一日通漲真係高企時,就有迷債派息,拿了迷債派息,有錢就又再買 “通漲迷債",到又通漲高企時就又有息派,不斷 loop!

    ……但如果通縮呢……曾生話機會好很細……機會好很細唔係無機會,那如果真係縮呢……

    ……那到時買了通漲迷債的人是不是會期盼最好通漲年年狂升?
    ……那沒有買或無力買或抽唔中無得買的人呢?……WFC?

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s