赤裸裸嘅官商勾結

房屋及運輸局反對小巴加座位,同放寬車輛上限嘅文件

有關公共小巴的現行政策大綱載於1990年發表以「邁向二 十一世紀」為題的《香港運輸政策白皮書》(下稱「白皮書」)。該白 皮書指出,「小巴的載客量較巴士少。紅色小巴1的經營方式,亦容易 導致交通阻塞。如讓小巴的數目增加或擴展其活動範圍至現有限制以 外的地區,會令交通擠塞情況惡化。在已有完備的鐵路及巴士網絡的 地區,小巴的經營運作仍應繼續受到管制。」

政府搞官商勾結,永遠有啲靚到絕嘅理由。綠色小巴唔係紅色小巴,綠色小巴係受管制。

大家留意吓林本利個表就得,根據林本利教授嘅計算,一架綠Van嘅載客力,依家只係俾巴士輸少少(因為綠Van嘅靈活性),加到廿座之後,大家諗吓,就係巴士嘅有效競爭者。特別綠Van係中小企,係時候搵啲人打擊地產霸權。

而且仲有一樣嘢,林本利篇文講得好清楚,依家搞到塞巴士嘅大頭佛,因為區議員要你巴士唔係長途點對點,而係道道都行勻晒,慢就唔再講,而且有啲區巴士會太多,效率又差。一架雙層巴士載客量係小巴五倍或以上,但點會平均載客量只係比綠Van好少少,成個問題就係,交通唔可以齋靠巴士同鐵路,但政府為咗保住大地產商,就巧立名目昆我地。

而且係可以喺一啲遠啲嘅地方,學林本利話齋,以小巴代巴士,我會咁定位,日後專線小巴係「另一種專利巴士」,令專利巴士競爭大增。至於無皇管嘅紅小,就應該慢慢淘汰。問題係,呢個政府根本係地產商政府嚟,中環繼續日日塞巴士喇。而大家坐荃灣線地鐵,就日日塞到沙甸魚咁。

Advertisements

5 則迴響

Filed under Uncategorized

5 responses to “赤裸裸嘅官商勾結

  1. James

    進智公交好似係上市公司,算唔算中小企?
    本來巴士都可以有返一定嘅靈活性,但幾年前聽過一個巴士司機講,係俾ISO綁死咗,仲話未行ISO前嘅巴士唔係而家咁嘅樣喎。
    巴士同MTR有同一個問題,載客量多,站站停。MTR因此而快變慢(尤其加咗幕門之後),巴士就因為本身速度問題,問題更明顯。
    趕時間,或者返超早更(朝早七點要返到工作地點),唔靠小巴,真係唔知可以靠咩。巴士同MTR,喺朝早5~7點嘅時候,根本唔可靠。
    (個人觀點)

  2. Jacky Lim

    港鐵大股東是特衰政府
    港鐵的主要收入都係靠地產項目

    解釋完畢

  3. alvin

    其實巴士同小巴係可以互補不足﹐用航空做比較﹐你都唔可能條條線班班機用A380啦﹐有啲航班可以用到A319/B737甚至更細嘅Bombardier﹐呢啲機仔咪好似小巴咁囉﹐專做客量細嘅路線﹐同埋非繁忙時段﹐總好過依家咁﹐cut 班次又俾區議員鬧﹐唔cut 班次﹐一架大巴坐小貓三兩隻又浪費﹐道路又負荷唔到。

  4. aLeX

    今朝聽個咩的士商會反對小巴加座位!!
    咁巴士加你係咪反對先
    坐得小巴都唔坐的士la!

  5. Tom

    靈活<>ISO,
    ISO=硬膠,
    香港政府有幾多行ISO?
    香港政府有幾多內部條例和手冊和規則和指引?
    所以膠

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s