留意利比亞

除咗北京大屠殺,應該無嘢離譜得過利比亞大屠殺。卡達菲旗下嘅傭僱兵,用導彈、戰機嚟屠殺平民都夠膽死。

不過,正正因為係僱傭兵做,所以利比亞本土軍隊,有人變節投向歐盟,有人直頭同示威者聯手控制第二大城市。簡單嚟講,利比亞己經內戰,無法律可言。而如果情況持續,特別利比亞多個使館己經變節,國際社會以撤僑為名派兵介入遲早問題。

由於卡達菲喪嘅程度,係人類歷史上最黐線一次之一(但超唔過北京大屠殺,因為北京大屠殺純粹自己人殺自己人,絕對反人類),所以歐盟、美國根本無時間思考出兵。但由於由卡達菲呢種例子,日後遇上同類事件,我諗國際社會可能會干預,因為無超乎人類可以接受限制。

可以咁講,如果中國再敢出解放軍屠殺群眾,特別喺香港、北京、上海呢啲,示威者中隨時有一打外籍人士嘅地方,等打世界大戰都得,我唔係講笑。

後話:據新浪微博消息,中國外交部同大使館全部都係廢料嚟,當地中國僑民依家係自力救濟,但小弟忠告係,唔識揸槍都要揸槍,因為依家係森林法則行事。至於英國國民,葡萄牙己經派人撤僑,根據歐盟嘅規定,唔理揸邊款英國護照,有無寫EUROPEAN UNION嘅情況,都可以跟歐盟嘅大隊走。唔理三七廿一,著草先講。BN(O)喺呢個情況,一定比中國護照有用。

廣告

10 則迴響

Filed under 政治

10 responses to “留意利比亞

  1. alvin

    廿五年前列根制裁卡達菲條喪人﹐俾歐美左仔狂插。好喇﹐廿五年後今日﹐條友喪到用導彈、戰機嚟屠殺平民﹐依家班歐美左仔先嚟插卡達菲﹐係唔係遲咗啲?

  2. nightingalelin

    黃兄
    有班英聯邦人經常支持老鄧殺中國人,佢地會唔會被制裁。

  3. S

    What about expired BN(O) passports? Is it a valid certification to demonstrate one’s British nationality to the UK or to a EU member state? Nationality is normally for life.., and is rarely revoked.

  4. Tony

    ‘…根據歐盟嘅規定,唔理揸邊款英國護照,有無寫EUROPEAN UNION嘅情況,都可以跟歐盟嘅大隊走。唔理三七廿一,著草先講….’

    絕對同意! 但係怕部分「守法」,「老實」的香港人對負責撤僑歐盟官員解釋:’本BNO冇歐盟字樣, 在英國沒有居留權過喎,得唔得嫁?….’ 跟住仲好叻咁教埋個歐盟官員點樣識別BNO同BC..

    咁就比佢地吹漲

  5. Bankers' Arms

    阻止被中共進一步吞併, 治本的辦法是聯結大陸維權人士進行茉莉花革命, 打倒中共極權, 結束一黨專政, 恢復中華民國憲法

    呢條路線應該比何俊仁所行既更進一步

  6. Dick Ma

    中國國恥被利比亞作把柄。
    卡 達 菲 : 天 安 門 事 件 證 明 有 必 要 鎮 壓 - 香港電台
    二零一一年二月二十三日

    利 比 亞 局 勢 持 續 動 盪 , 領 袖 卡 達 菲 以 北 京 當 局 鎮 壓 天 安 門 廣 場 學 生 運 動 為 例 , 表 明 利 比 亞 當 局 對 付 抗 議 者 是 有 必 要 的 , 強 調 國 家 團 結 , 比 一 小 撮 抗 議 者 更 有 價 值 , 任 何 人 將 國 家 團 結 當 作 兒 戲 , 會 被 處 決 。
    卡 達 菲 發 表 電 視 講 話 , 堅 持 不 會 下 台 , 會 戰 鬥 到 最 後 一 滴 血 。 他 號 召 支 …持 者 上 街 , 對 抗 反 政 府 示 威 者 。

    卡 達 菲 聲 稱 , 示 威 者 人 數 佔 利 比 亞 人 口 不 足 1% 。 他 又 指 責 西 方 國 家 , 特 別 是 美 國 和 英 國 , 企 圖 令 到 利 比 亞 局 勢 不 穩 。

  7. KLUST

    “What about expired BN(O) passports?"
    How can one use an expired passport to enter other states legally?

  8. 點子

    To Bankers’ Arms:-

    你都幾好想像力,成日想復辟中華民國,但中華民國呢條死屍又肯唔肯讓你復辟呢又?

    仲話"聯結大陸維權人士進行茉莉花革命",呢個仲好笑,大陸佬d大漢族沙文主義你見過未呀? 法輪功個d大龍鳯神韻中華風采d搞笑嘢你見過未呀。學陳雲、鍾祖康兩位大師話齋,人地香港人剩係想保住香港城邦格局咋。 鍾祖康話求獨立都不外為咗脫離暴政就夠啦。香港人識幾多政治可以搞寸大陸佬個party 呀。 我不嬲都講開,只要保住香港,共產黨係大陸存不存在對香港人毫不相干,咪讓佢地自己鬼打鬼囉。你唔好三句唔埋兩句就搧動人造共產黨反啦,共產黨關我地mud Q 事呀,你就算係政府派來搞搧動的agent都講得有技巧d好嗎?

  9. 點子

    To Bankers’ Arms:-

    以上個人意見,可能重手些少,剛才睇番你之前d留言有感我真係有少少錯殺良民,唔好意思。但又講開又講,眼見港事墮落至此,神仙難救,有時難免草木皆bing.

  10. Bankers' Arms

    哈哈! 可見香港怨氣甚深

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s