肥彭接掌BBC

Daily Telegraph: Chris Patten to be new BBC chairman

當好多英國本土居民交緊牌照費果陣,而我呢挺海外英國國民想交牌照費睇BBC時,大家會發現,日後BBC Trust嘅主席,即係BBC嘅阿頭,將會係大家熟悉嘅人,呢位正係香港人嘅政治啟蒙老師彭定康勳爵。

當然,對班疑歐派大帝,肥彭掌政唔係乜嘢好消息,因為肥彭正係保守黨Boris Johnson以外另一個另類人物,肥彭係出名嘅保守黨左派,親歐到爆唔在講,而且社會同言論自由主張都係偏左。肥彭或者會處理BBC開支太大嘅問題,但要佢處理BBC成日言論上同班疑歐派大帝對著幹嘅情況,睇怕無乜可能,Daily Telegraph嘅blog都講,隨時搞出個親歐BBC出嚟,雖然肥彭理論上唔可以干預BBC嘅編輯自主。

雖然保守黨成棚人都想整BBC(BBC係政客公敵),但恐怕未必如班大帝願,佢做港督果陣作風就知,條友係連倫敦班向中國叩頭嘅太監都敢郁番轉頭,更何況佢政見係保守黨另類分子,雖然依家首相幕僚長係細龜。而且仲有一樣嘢,BBC嘅香港版,即係RTHK嘅框架協議,就係佢力挺張敏儀搞出嚟,否則邊有可能喺香港電台咁多人開炮開到咁爽(雖然吳志森被香港統監府班hihi連環炮轟),佢唔驚BBC班友問RTHK嘅朋友索料(RTHK好多人都係BBC訓練出嚟),然後以子之矛攻子之盾,你估BBC班友食齋大架。

雖然肥彭做唔到首相,但佢做咗香港人政治啟蒙之父,又做過歐盟外長,又做牛津大學校監,依家又做埋BBC Trust嘅主席,做著佢咁,都算係咁上下,有時權力呢家嘢,唔一定要做到首相至夠威。

3 則迴響

Filed under 英國與歐洲

3 responses to “肥彭接掌BBC

  1. TranceLove

    呢個真係爆…

  2. Bankers' Arms

    果時既中國通 柯利達爵士 連番對肥彭發炮, 其實肥彭唔係好放佢在眼內; 早係撤換衛奕信果時, 柯利達亦遭削職, 馬卓安對呢批外交部太監早就相當不滿
    當時真正對肥彭香港政策致命的是副首相夏舜霆, 你可以睇番D 無線新聞片, 夏副相係度, 肥彭在旁就渾身唔自在

    話唔定呢舖肥彭重出江湖

  3. aLeX

    肥彭. 唔好意思, 你未退得休住
    你係時候返香港做港督la!

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s