老共最終迫使香港獨立

文匯報:10%食米含毒 中國鎘米分佈披露

以往反對香港獨立有兩個論述,一個話香港己經無晒農業,糧食自主唔到要靠中國,一個話香港食水自主唔到,要靠東江水。

依家食米污染成咁,你都唔敢食中國米,咁玩法,唔單只令香港全面依靠澳洲同泰國米,仲同時可能引發大量中國民眾嚟香港掃米食。依家香港政府只要求米商儲米十五天,大家諗吓如果咁玩法,香港唔玩出火就奇。

食米污染,換言之,中國嘅菜、豬都可能唔安全,所以依家支持菜園村復耕係有重大戰略意義,隨時各位要去菜園村買無污染嘅菜,絕對唔係講笑。香港恢復農業,要儘早提上議事日程,有啲小弟認識嘅政府官員,私底下都話香港恢復自主農業比較好。(我驚到時,唔少中國民眾嚟新界買菜食,我覺得呢件事遲早發生)

而水方面,大家都諗到香港飲嘅東江水唔單只貴,而且好有安全問題,咁搞香港可能要恢復海水化淡。而中國控制,只剩低擴大香港對核電嘅依賴,只不過香港可能喺天台廣設太陽能板更實際。

當香港無法依賴中國嘅水同糧食果陣,你話中國唔係迫香港獨立,又係乜?

廣告

39 則迴響

Filed under 香港政治

39 responses to “老共最終迫使香港獨立

  1. TC

    文匯話有10%,實情可能有20%,中共喉舌俾ge數據,大家不可盡信。

  2. CC

    And this study was conducted way back in 2007.

  3. 新仔

    "潘根興教授指出普通市民也無需過度恐慌,只要科學吃米,市面上出售的大米仍然安全,可以合理地規避鎘超標帶來的吃飯風險。 "

    點樣為之"科學吃米"?

  4. TC

    科學吃米可能係食之前自己驗下先 :)

  5. Rickx

    點止食米,奶粉,基本上放得落口分分鐘都係慢性毒藥,殺人於無形。大國堀起,強國風範,創意無限。

  6. 背靠祖國的結果好可能係死得更快。

  7. sammike

    問題係香港D農地已經俾D廢車廠、回收廠污染哂
    情況唔會好得上面幾多

  8. Fe010

    會唔會連相關的副食品都會出事?

  9. v

    副食品肯定有問題,啲雞雞牛牛食埋晒啲基因改造飼料。

  10. 不單入口大米, 還可以想想從台灣/印尼/馬來西亞入口調味料, 醬油等等.

    認真的, 在下覺得有可為, 最重要安全.

  11. bing

    唉, 所以係OZ 呢邊我見親係中國製造既產品同農作物, 幾平都好都唔買….:<

  12. TC

    雖然香港農地有部分受廢車廠、回收廠污染左,不過有決心同肯洗$,要張泥土淨化唔係乜野大工程。

  13. KMB59

    現在港人主要吃泰國米。

  14. Jacky Lim

    sammike: 香港的農地未死晒的
    河上鄉 / 古洞, 仲有粉錦蕉徑, 沙頭角禾坑、鹿頸一帶仲有唔少農田

    換個角度去諗:
    點解政府要使出渾身解數去阻撓菜園村搬村? 可會是要建立一個意識形態:香港無晒農業, 無晒養豬、雞, 魚塘架啦, 要食就要靠阿爺!?!!
    天曉得LU

  15. Jacky Lim

    MARTIN:
    還有一個論述 ─ 沒有國防實力

  16. 飛蚊導彈

    國防嘛….
    只要做好金融中心的地位,
    加上其他多元化的產業
    國際地為夠重要的話,
    不設武裝部隊,全面非軍事化也無不可.

  17. sammike

    RE: TC 土壤污染要復原既方法有幾種,一係要將D泥土洗過,一係將D污泥翻落去底,將D底土翻上黎,都係好很貴既。
    RE: Jacky Lin 我唔係話香港冇農業,我係指香港既農地係政府完全冇農地政策下,已經吸埋哂好多污染物,所以根本冇辦法保證香港本地生產既農產品唔會好似上面既受重金屬污染。

  18. Bankers' Arms

    新加坡面積只是一個新界, 都有他們的武裝部隊

    事在人為!

  19. James

    To sammike:
    關於呢個問題,以前聽人講過種大量向日葵黎吸收重金屬後再處理,但未知成效如何。至於石油產品既污染就…對唔住,我唔知可以點做?

    To Jacky Lim:
    唔怕偏僻嘅話,西貢d地方(e.g深涌、西灣)點睇?冇記錯幾年前西灣有疑似沼澤地,有可能係以前稻田都唔定。當然,西貢以外都有好多選擇…

    To Bankers’ Arms:
    人唔係冇,香港仲有一堆前軍人喺度,只差在…佢地肯唔肯?都係嗰句,我個人唔太樂觀。其實香港應該點都要有自己既防衛力量,一如回歸前咁。尤其是:照計香港有自己部隊嘅話,應該可以吸到唔少人,香港嘅就業問題,又幫輕咗…試問而家俾著喺做軍裝保安或者做軍人,多數人會揀邊樣?況且呢個似乎係保存香港意識嘅一個好方法都唔定…
    雖然我講到離哂題…但係我成日諗,假如而家義勇軍同MSC尚在的話…

    呢一切一切,我諗緊:香港嘅窮人何去何從?特別係土生土長嘅一群(如我),仲能夠留喺香港生活,並過得還可以嗎?我唔想俾迫遷至珠三角,甚至更遠…
    海水化淡,當年因為成本太高摺咗,而家再做,我擔心到時嘅水費。
    香港唔係個個都適合做服務業(當年EPA講嘅第三類產業?)農業嗰part,似乎第一件事係要保障到農業市民嘅生活同收入…

  20. Jacky Lim

    sammike:請勿弄錯我的姓氏, 你打的是大陸姓, 我跟博主一樣都係有南洋背景的
    HAHA

    JAMES:http://robustorlo.blogspot.com/2011/01/blog-post_18.html
    唔知你有認同多少

  21. sammike

    RE Jacky Lim : 手誤,抱歉

  22. sammike

    Re James: 植物療法有好有唔好,你種出黎個D向日葵吸哂D污染物,disposal係會一個問題,and it takes time.

  23. sammike

    btw 根據我既了解,漁護處既政策係推廣有機耕作
    因為依個係最簡單提升農民收入既方法。

  24. James

    To Jacky Lim:
    閣下所引述嘅文,恐怕只有被AM730啲專欄作者大加鞭韃都似,但係我嘅睇法係,呢個先係出路。香港有必要恢1970至80年代嘅自主同完整嘅結構。尤其是過海隧道問題,現階段真係要渡輪解決,個人認為珊瑚海同一啲小型渡輪或街渡公司已經蠢蠢欲動,只係等政府俾個機會,同埋…佢哋可唔可以密啲船呀?成三十分鐘先一班…(呢度冇計天星)

    另外要重新恢復「香港人用香港貨」嘅觀念。突然間諗起,當年政府自家枱櫈自家做,質地實淨之餘,又合香港氣候。夏天唔開冷氣坐上張櫈度,都仲OK舒服,好過而家啲政府寫字樓用埋哂啲…都係嗰句,香港人造嘅,先最清楚香港人要啲咩嘢質素嘅嘢
    太長喇…再寫有排寫,好懷念過往嘅一切

  25. Jacky Lim

    Re: James
    小弟只係二打六一名, 如有幸AM730 之類出手鞭撻, 實在可喜可賀。唔係因為可以好似 “Mr. 5 mins"咁響朵, 而係證明一個小市民的意見也被認為對 “和諧" 受到威脅…….
    菜園村搬村, 同埋馬屎埔保育, 可以話係重建香港農業的示範。上面有朋友提過土地受到污染, 呢個亦都係長遠要去處理的問題, 但同時又衍生出廢棄車輛處理行業的問題。
    隧道、過海交通的問題, 要怪就怪政府的硬膠交通規劃思維。幾間小輪公司想等機會, 現階段都係嘥氣。政府的想法, 就係要用陰謀論思維去理解:有船搭就紅隧唔塞, 紅隧唔塞點迫你搭地鐵, 唔俾你地搭慣地鐵, 點俾D地產商將 “鐵路沿線物業" 標高15 – 20%

  26. v

    “香港的農地未死晒的
    河上鄉 / 古洞, 仲有粉錦蕉徑, 沙頭角禾坑、鹿頸一帶仲有唔少農田"

    that’s why the “Pig Delta Migration Bay" gotta specifically build a main road to the Hong Kong north east

  27. James

    To sammike:
    植物吸收污染物後,殘軀應作化學廢物處理。相比深層翻土,的確嘥時間。向日葵,三個月左右開花(中型至大型種)大種可高至兩三米,朵花大過你同我個頭,咁嚟講算快。但最重要嘅係相對徹底咁解決問題,若只作深層翻土,喺種一啲深根嘅農作物嘅時候,有可能會再次帶污染物上地表。

    To Jacky Lim:
    篇文係你寫嘅?
    自特首講明香港日後交通以鐵路為主,真係慶過火屎,俾我就會話:以紅綠小巴為主!
    既然如此,街渡們要自救了,或可參考西貢嘅街渡模式,好好利用係人都泊得嘅公眾碼頭。

    而家我哋講或做緊嘅,恐怕係自1941年嚟嘅另一場加另一種型式嘅香港保衛戰…睇返youtube,20年前仲有人紀念呢件事[RHKR(V) 嘅 parade],而家、今年呢?

  28. sammike

    Re: James
    係外國係有用太陽花clean up radioactive wastes
    不過書本上都有幾個問題voices out
    1.evaporation of accumulated toxins into air
    2. disposal of plants accumulated the toxins
    3. anumal ingestion of toxilaten plants
    4. the length of time it takes for plants to reduce soil toxicity(一個lifecycle係3個月但係唔知要做幾多次先夠)
    除左phytoremediation之外重有好多方法
    不過唔同既方法針對唔同既污染物
    不過結論都係好貴
    重點係政府無監管,以後要做就好哂錢

  29. James

    中小學十幾年嘅英文堂好似白上咁,講呢方面嘅書我亦冇睇過…
    部份問題我係有諗過,而且,嗰d吸哂d恐怖嘢嘅sunflower,諗起都幾得人驚。
    幾耐先ok哂,呢個問題簡直令人深陷地獄咁…情況好糟。

    自從《橫誅缸口移居灣驅見切仲點痕棟薊劃》文件出現之後,我唔覺得政府會有心去理,真係賣豬仔。
    突然間閃起四隻字:莊‧敬‧自‧強。兄弟們,除呼號上天之外,真係要食自己,我等今已孤立無援。

  30. Bankers' Arms

    基本上, 《橫誅缸口移居灣驅見切仲點痕棟薊劃》呢份文件屬於違憲

    可以告得"中央人民政府"及"廣東省人民政府"

  31. James

    To Bankers’ Arms:
    如斯黨國,有用嗎?佢地好似連法院都控制埋。
    d唔知咩人只會繼續推上馬,唔拉低佢哋,只會俾佢地掙扎到達到目的為止。
    所以,都係你之前講得啱,香港有自己嘅部隊先係王道。

  32. Jacky Lim

    壇主側邊有條link 嘛
    鐵路為主根本就硬膠。運輸學上, capability 同 accessibility 係反比關係, 所以無可能只集中用某一種交通工具進行規劃

  33. Bankers' Arms

    美國既高鐵計劃有機會成功 (商業上)

  34. v

    美國十幾條真高鐵預算, 大約等於香港一條廿六公里假高鐵.

  35. alvin

    v – “美國十幾條真高鐵預算, 大約等於香港一條廿六公里假高鐵."

    單是加州一條高鐵 (大概1000km)﹐前期撥款/貸款已超過80億美元﹐總預算起碼500億美元。起晒十幾條高鐵﹐起碼幾千億美元﹐香港嗰條廿六公里假高鐵﹐點起都冇可能要用四五萬億港元啩? 唔知你個數目喺俾邊個老點咗。

    我敢保證﹐加州高鐵起得成嘅話單係三藩市灣區一段就肯定貴過高鐵香港段。香港得一個菜園村﹐你又知唔知道由三藩市至聖荷西一段要收幾多地。

    Bankers’ Arms – “美國既高鐵計劃有機會成功 (商業上)"

    美國人口太散﹐除咗東岸華盛頓至波士頓一段之外﹐其他計劃中嘅高鐵冇一段可以商業上成功。

  36. aLeX

    James,

    真懷念個D 印住H↑K 嘜頭既野….

  37. James

    aLeX:
    係呢,你係咪有親戚係做公務員?
    當年有啲親戚係公務員(我屋企唔係)有時會得到好多物料處嘅東東(而家叫乜鬼物流服務署…),都係文具同一啲廁紙番梘一類嘅嘢,但係通常都唔好用,廁紙係「鞋」嘅,原子筆換唔到芯又易跌斷墨,仲要唔好寫。鉛筆就易斷芯又唔夠中華牌深色,啲番梘似後來美沙酮咁色而且質地又粗…話雖如此,政府都有靚出品嘅,但主要都係懲教做嘅嘢。

  38. kriz cpec

    http://www.van001.com/bbs/index.php?showtopic=53426&st=10
    found this, thought it’s great to post it here.

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s