土共又喺中大玩嘢

雖然自1998年以嚟,土共勢力未能成功滲透學生會。學協最勢力強大果陣,遇上一堆反共分子,加兩件薔薇騎士團成員(包括小弟),結果打到鋪鋪都翻唔到身,但土共班友,一直念念不忘攻入范克廉樓。

原本以為撼莊有機會抽水,點知今年撼莊不成,咁就玩抹黑。喺Facebook四處傳一篇老屈中大學生會嘅文章,呢啲誹謗文章,一定要以正視聽。

有篇《叫不投票,不要獨裁中大學生會》嘅膠文,小弟搵緊篇文嘅作者示眾,不過先抽出啲笑位:

首先,學生福利品部已負債超過一百萬!

學生福利品部點負債一百萬,我諗小弟做代表會院主果陣,福利品連影印部管理都相當烏厘單刀,只不過,由於規模有限,無可能爭成一百萬數,連埋員工開支都唔可能。如果買影印機,一定要代表會過基金條數,請問條數點出嚟。老作都唔係咁。

每次外面的示威遊行,拿走物資,支援外面的活動,但完成後從來不向學生議會報告及交代,無視問責制度,完全是黑箱作業的表現,而透明度又極低,令各位同學蒙在鼓裏。

用學生議會呢個詞語,都知呢棚人完全唔熟運作。拿走物資,係要開單架,而且代表會實睇數。

學生會會室閉門失竊,金額達數萬元!

佢都黐線,學生會會室根本無乜現金,只有極有限嘅Petty Cash,學生會做嘢好多時係幹事自己出錢,然後等學校財務處慢慢Claim番俾你,學生會爭幹事數嘅事件日日都有,閉門失竊成幾萬元,你嗡咩。

根據去年7月21日 星島日報的報導,有候選人可能違反選舉指引,更甚的是,為何中大學生會竟成為廉政公署及選舉管理委員會的調查對像?是否和賬目混亂、從中有人獲利有關呢? 而對於報導的嚴重性可想而之,但為何學生會從來沒有公開澄清和向同學交代來龍去脈,是否有心逃避責任,還是害怕黑幕越揭越多?

參考星島日報,完全露晒學協嘅馬腳,呢啲中聯辦指揮嘅稿,你當大家傻嘅咩。

土共一向係用唔投票,令學生會出缺,嚟達到癱瘓學生會嘅目的。依家小弟通緝以下人物,任何人有呢啲友仔資料,請向小弟聯絡。

– CU Student Silent
http://www.facebook.com/trawong

中大內部嘅土共,一件都唔會漏。

後話:小弟以前喺中大學生會,一向係做辣手對付膠人嘅角色。由對付聯網協會嘅林進成(呢條友喺邊歡迎提供),到對付土共一向都係咁,我講過,我被人話係中大李光耀都在所不惜。本來唔想老鬼干政,但如果老共玩到過晒火,咁我提早篤爆呢班民建聯B隊嘅粉人算。

6 則迴響

Filed under 香港政治

6 responses to “土共又喺中大玩嘢

  1. nightingalelin

    頭一句,已經唔係人講。
    我讀大學,土共係唔俾我依D無利益的人入會。雖然唔熟運作,但係我係人。

    差一百萬,有乜問題。一張賭枱,返本有凸,你爾為會拿來買樓。你講一千萬,組織一間學校都卓卓有餘,亞笨。

  2. aLeX

    抹黑可否用法律教訓下佢, or 律師信….

  3. 更吊詭的是,這個 CU Student Silent 係用校內 mass mail 廣發,據校內人士提及,使用 mass mail 必須是校內單位或組織,不可能是個別同學可以做到,看來這件事殊不簡單。

  4. martinoei 黃世澤

    那 個組織提供Mass Mail玩膠?耐人尋味

  5. 特別週

    http://www.facebook.com/note.php?note_id=10150096401509011&id=658637354
    那位tracy wong 看來是港女大學生一名, 根本不會關心政治, 只會關心校巴加密d, 多d 福利, 兼唔會去了解清楚是否真實的事就亂share, 無啦啦做打手…..

    但講真, 這類港女/港男大學生, 其實會否佔大多數?

  6. 香港賓拉登

    作為中大人,這樣的學生其實就係你我身邊的人

    講真,香港大多數的大學生都離唔開到自己的利益為主, 即使關心社會 ,但往往也不願意好政治化俾人代表左

    曲線點講,這種人反而更能適應這個奴化的社會,同埋比起我地班人來說易啲開心吧,同埋易啲拍拖啦

    不過學生會卻必須正視這問題,不然不但不能改變這樣的人之心態,反而令這人更為保守,更之不願關心政治; 這就是學生會一直以來不足之處…希望今後的學生會能夠正視…故大家若真的覺得學生會不濟,就像我咁投反對票,清楚表達自己的意見,而不是罷投,混水摸魚.

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s