共產之後,中華全滅

陳雲:改革國語,反清復明(中)

陳雲的解說,清晰點出中華民國標準音、中華人民共和國標準音,以及南洋標準音之間區別嘅來源。

中華民國標準音,即今嘅台北標準音,本來係希望拯救受北方民族污染嘅漢語而設計。所以,點解中華民國標準音嘅華語,有江浙一帶委婉之情,就係咁解。而南洋本來唔講華語,喺大馬今日仲係華粵閩各據一方,印尼都係因為省份太多,成為印尼語以外嘅共通語言咁解,亦係脫胎自中華民國標準音。

一如陳雲所講,共產黨搞嘅盲目文字簡化,語音簡化,後果好嚴重。文字簡化後,殘體字固然不知所謂,好多人對五筆輸入亦無從掌握,因為漢字嘅筆順同字型結構全毀,點搞以筆劃為基礎嘅輸入法?而大量同音字出現,就令到大家打起拼音時揀字問題多多,特別各地華語都唔同,最好嘅共同輸入法,就係手寫輸入。點解倉頡輸入法,唔駛背都識,因為倉頡係用漢字嘅造字法則嚟設計,我唔係話無例外情況(否則難、重兩碼唔會出現),但你識寫,筆順啱,就一定掌握到,好似英文打字一樣容易。所以我身邊認識嘅,本身筆順無問題,或有書法根柢,用倉頡打字永無甩拖(仲要有其中兩個唔係電腦專家嚟,但本身都係寫得一手好書法)。

漢字同華語,本來設計都有佢嘅邏輯,只不過被共產黨搞到一塌糊塗。所以,共產之後,中華全滅。用中華民國之名嚟搞台獨都唔會死錯人,因為中華人民共和國徹底「去中華化」。

後話:如果你有仔女,想學中文輸入法,我建議係臨摹多啲,有正確筆順指導嘅字帖,不論鋼筆字定毛筆字,搞掂筆順同對字形結構有概念,好重要。當筆順正確,對字形結構有概念,咁樣學倉頡係好快,亦可以用倉頡嚟查辭典同字典,倉頡輸入法唔需要電腦知識,事實上係需要對漢字書寫法則嘅正確理解。

倉頡本身係好好嘅漢字辭典同字典檢索方法。漢字唔係無「字母」,只不過漢字字母唔係用嚟標註發音,而係一堆用嚟砌漢字出嚟嘅基本元件。朱邦復嘅漢字基因論,唔係完全廢話嚟,係有佢根據,仲有好多研究空間,呢個唔係朱邦復一條友可以自己搞掂。

廣告

6 則迴響

Filed under 文化批判

6 responses to “共產之後,中華全滅

  1. Alienz Thame

    我對博主倉頡的評語有意見,倉頡其實係好唔合書寫習慣:第一,佢會將筆劃切割,例如車字,明明一筆直落,點解要拆成「十田十」?呢尐例子多不勝數。第二,佢唔一定跟筆順,例如「連」字,明明係先寫個車字再寫隻艇仔,但係倉頡就掉轉。我以前(都十幾年前)去社區中心教打字,解釋都解到嘔泡。

    最後我自己都轉左用大易輸入法。

  2. v

    @ALIENZ THAME
    中文字型千變萬化,但英字母得廿六, 不免取捨; 如果車字一棟棟穿, 其實仲難搞; 而且車字係象形字, 一架車身兩個轆, 十田十亦合理.

    @MARTIN OEI
    北京話赤化之前已經取代咗南京國語; 台灣音即係軟化咗0既北京話.

  3. James

    題外話:今日AM730有陳雲嘅文,講宜居灣區賣港計劃,參:《轉角 – 陳雲
    「宜居灣」毀滅香港城邦格局》,內容遠比本人跟友人所述來得具體、深刻(獨立媒體嗰篇,自己對照過份文件,感覺獨媒篇嘢太虛無,而份文件內容太空洞,但又感到唔對路)

    另,以實際使用計,個人認為倉頡為好,除黃兄所言外,同時因香港大部份已內建倉頡,職場方便之故也。

  4. Bankers' Arms

    國語一事從長計議, 目下先保住香港先!

  5. TC

    一日有中共,香港人又唔敢出去示威,香港都幾難保。

  6. Dbdb

    簡單是好,有樣學樣,香港獨立媒體索性改名叫

    港獨媒體

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s