譚凱邦,你呢啲叫禮義廉

樹仁新傳系學生上年底約「環保觸覺」做訪問,對方提出條件,要學生幫忙做三小時義工。學生要求環保觸覺解釋點解做訪問要「等價交換」,主席譚凱邦話做訪問要花時間,以義工鐘數交易好合理。

等同「有償報道」
事件竟然鬧大,新傳系發電郵譴責譚凱邦,指訪問要「等價交換」好荒謬,違反新聞無償原則。譚凱邦不示弱,出聲明話以後唔接受樹仁新傳系訪問。新傳系系主任梁天偉同八方講,話任何人都有權不接受訪問,但學生亦冇理由以義務工作去「換取」訪問,佢撐硬學生。
譚凱邦強調無意踐踏新聞自由,真心希望學生透過做義工推動環保,又話學生未經佢同意就公開雙方私人電郵,似亦有違操守,或會向記協投訴。記協主席麥燕庭指「學生記者」都係記者,以做義工交換訪問,其實似「有償報道」,會令人質疑報道唔公正,希望所有團體組織唔好咁做。

我開始發現,禮義廉唔係香港某黨,或者某力量嘅專利,就嚟成街都禮義廉。

譚凱邦呢條友,經常因佢嘅硬膠環保主張,成為呢度嘅炮轟對象。只不過呢次,唔係佢主張膠咁簡單。係真係唔知乜叫新聞專業。

基本上,專業記者唔可以賣新聞,絕大部分情況下都唔可以。只有極少數,同重大公眾利益有關嘅情況,至可以用金錢或非金錢利益交換新聞,呢個係專業底線。例如勁到維基解密級數嘅料,有人想賣唔奇,亦可能要俾「安家費」嚟換取爆大鑊(當然係要爆鑊甘至得),咁樣至可以磅水(呢個情況係,如果佢爆完料,條友一定要著草,否則隨時招惹殺身之禍,咁保護新聞來源嘅安危高於一切,記者有責任盡力保護新聞來源)。

但依家譚凱邦係乜料呀,佢個組織自己想用free labour, 無人幫手就用埋啲屎招,就公眾利益嚟講,樹仁學生爆佢嘅私人往來電郵係合乎道德,因為果啲係公眾人物,進行違反新聞道德行為嘅鐵證。

仲有,任何刊物記者,包括學生刊物,佢地出去用記者個朵做訪問,就係新聞工作者,大部分新聞工作者應有的專業要求,同埋特權,都可以適用。校報記者就可以當係學生處理,呢個簡直係無稽之談。

佢仲好意思向記協投訴喎, 我覺得記協出嚟公開譴責呢啲茂利就差唔多,真係禮義廉嚟。

Advertisements

2 則迴響

Filed under 香港政治, 傳媒

2 responses to “譚凱邦,你呢啲叫禮義廉

  1. 新仔

    唔掉返轉頭俾錢收買記者要佢寫靚篇報導已經偷笑.

  2. 英雄所見略同!!!

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s