我係家長真係唔知點帶仔女行年宵

明報:年宵檔播《肉蒲團》預告被喊停 指影響人流 食署急加例阻播

書展賣𡃁模寫真集,我完全唔反對,書展本來唔係俾人當年宵咁行。但呢鋪蕭才子喺維園擺檔咁嘅嘢,我覺得過晒火位,政府應該儘早採取行動。

年宵係一家大細行,唔係得成年人行,要宣傳咸片,唔可以用其他方法嘅咩?依家家長帶仔女嚟維園行年宵,啲細路見到啲咁嘅嘢,點解釋?

我絕對唔係道德塔利班,但凡事有界線,我唔明係蔡志森同明光社,點解要抽菜園村水,都唔抽賭王三妻四妾,又搞賭博呢啲違反基督徒行為嘅水,亦唔見蔡志森呢啲社會歪風嘅水。我可以講,呢啲就係真真正正社會歪風。拍三級片我唔反對唔阻止,但喺年宵市場播咸片,食環署上嚟阻止仲話係政治打壓同騷擾嘅話,呢啲就叫是非曲直不分。

後話:我重感冒,本來應該休息,但件事太膠,不得不寫。

9 則迴響

Filed under 香港政治

9 responses to “我係家長真係唔知點帶仔女行年宵

  1. world traveler plus

    其實係唔係應該由食環去做
    假設電影已被評級,評級之後要向乜野場合播,應該有相關法例規管.
    唔通有人可以公然向公眾地方,播放R+ (或第三級)電影.
    如果蕭公子檔口無設法去限制觀賞人仕年齡以乎合電影評定級數,除食環之外,應該有其他政府部門要做野.

    用玩膠角度去睇,如果有記錄片檔口用個52吋高清電視,去播非洲大草原上獅子群分屍班馬,又或者係播醫院醫生進行換心,內科手術,唔好話嚇親小朋友,連成連人都未必頂得住, 到時又唔知邊個政府部門應該做野

    ps:我真係向樟宜機場等轉機時,向佢地O個個引以為傲嘅100吋大電視中睇國家地理雜誌,真係血淋淋照獅子如何覓食.

  2. Jacky Lim

    蕭才子唔咁樣PROMO, 點READY 俾同胞組團過來呀
    側邊就搞乜春 “人民力量" “選民力量" , 順便俾癲狗同阿爺交下功課, 唔好咩!?!!

  3. King John

    蕭才子好野!連Martin你都給他板位來個反面宣傳,蕭老鬼講過,反面宣傳都是宣傳。以事論事,班乜春“選民力量”吋民主黨幾過癮喎.

  4. 我又唔覺得書展同年宵有本質上既分別喎。

    呢兩件事既分別,係在於書刊和電影的性質不同。
    寫真集是包在膠袋裡面的,你要看就自己買。封面暴露程度很有限,不能說你覺得不雅就不讓人賣。
    電影是公開播放的,你經過就無法看不到,而且這是三級片。

    如果他賣三級片,只製作一張海報、level像寫真集的,我會覺得在年宵擺沒問題。

  5. v

    講殘忍程度,
    我寧願睇非洲大草原上獅子群分屍班馬,
    都好過聽班不願做奴隸之人民, 畀人葱菜牛肉剁爛

  6. 高級嘍囉

    據稱係一個密封的空間內放3d試睇,要check身份證夠18先可以內進。

  7. 鐵甲人

    咁家長不如以後唔好帶小朋友搭地鐵喇,地鐵燈箱當中有不少是賣緊豐胸廣告架?

  8. v

    女有波,男有朘,有乜大不了.

  9. 鐵甲人

    女人街夠大把攤販大買香艷胸圍,掛到成檔都係,即「大紅胸圍高高掛」,咁家長以後都唔好帶小朋去行女人街喇

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s