維基解密解出革命出嚟

聯合報:突尼西亞總統流亡 維基解密促成首起革命

美國人應該多謝維基解密,美國用盡九牛二虎之力都未必煽動到第二啲國家人民起嚟推翻暴政,但維基解密洩漏美國當地使館人員嘅研究資料,即刻KO,唔單只證明美國使館人員有料到,而且亦證明維基解密嘅公信力,隨時因此多幾個國家親美(嗱,呢啲叫軟實力囉)。

我諗中國最驚維基解密,因為仲有好多北京同香港使館嘅file未爆,我諗阿桑吉會再爆啲阿拉伯國家嘅檔案先,KO晒成棚阿拉伯獨裁國家,再慢慢玩中國。都係果句電影對白:讓子彈飛一會兒。維基解密真係有讓子彈飛嘅威力。

18 則迴響

Filed under 科技

18 responses to “維基解密解出革命出嚟

  1. alvin

    KO 晒班阿拉伯獨裁國家未必係好事﹐阿拉伯獨裁政權多數係比較溫和﹐革命革出成棚伊斯蘭原教旨主義塔利班政權﹐到時仲頭痕。

  2. v

    @alvin
    温和定係親美?

  3. longhair

    阿富汗已經是一個例子。
    阿桑奇一早已經說明針對是中國。CIA背後的古惑招的確有其一手。

  4. 飛蚊導彈

    始終對美國來講,中東石油利益大於一切
    美國寧願要親美的專制政權,也不要反美的民主政權

    不過,民主產生的反美政權有幾多呢?
    那些反美政權經民主產生以後,
    不會腐化成專制政權的,又有幾多呢?

  5. alvin

    飛蚊導彈兄講先過小弟﹐民主政權唔一定會親美﹐但唔親美唔等於反美﹐反美嘅民主政權真係唔多(伊朗政權小弟唔當係民主政權)。

    石油利益一早俾歐美自由左派妖魔化﹐其實關注石油利益有乜問題﹐只要石油仍然係主要能源來源﹐石油利益等同國家利益﹐中國同委內瑞拉攬頭攬頸﹐為嘅咪又係石油利益。

  6. v

    “其實關注石油利益有乜問題" – 呢句係設問定反問?

    咁為咗控制石油開戰係唔係問題? 甚至為此而講啲大話呃自己啲國民, 來做藉口係唔係問題?

  7. v

    “﹐反美嘅民主政權真係唔多"
    法蘭西, 德意志,…

  8. 飛蚊導彈

    法德等西歐大國仍是北約成員,只能算是"不親美"而且受政黨輪替影響,
    開宗明義反美(與美國敵對)的民主政權恐怕絕無僅有

    另一方面看,如果美國一面推動全球民主化,一面以"國家利益"(實際是經濟利益)為理由,對友好的專制政權視若無睹甚至大力支持的話(例如上世紀南美的軍人政權和現在阿拉伯世界的專制君主),實在令人懷疑美國促進全球民主化是否出自真心.

  9. v

    美帝唔想歐元挑戰佢既霸權,好想見到佢地唔死一身孱。

  10. alvin

    回覆 v:

    “咁為咗控制石油開戰係唔係問題? 甚至為此而講啲大話呃自己啲國民, 來做藉口係唔係問題?"

    控制石油同開戰係兩個問題﹐91年一樣係為咗控制石油而開戰﹐但國際社會唔見有人質疑美國。

    “講啲大話呃自己啲國民"? 你講緊WMD?伊拉克用過生化武器係事實。聯合國調查員查咗好多年都揾唔晒啲生化武器係事實。Saddam Hussein 後期對聯合國調查員唔合作亦係事實。98年尾Clinton為此轟炸巴格達﹐有冇炸到啲生化武器﹐冇外人知﹐炸完伊拉克仲有冇生化武器﹐亦冇外人知。Wikileaks 爆料﹐美軍確實揾到D疑似WMD物料﹐但最後冇下文﹐點解? 外人冇人知。會唔會係Made in France (所以法國咁反對美國出兵)? 外人冇人知。你話美國講大話﹐即係話美國明知伊拉克之前有嘅生化武器全部毀滅晒﹐而伊拉克亦冇能力再做生化武器﹐都明屈伊拉克有。你有證據?三次 Wikileaks 爆料都冇蛛絲馬跡﹐只有阿拉伯國家叮囑美軍要小心伊拉克用生化武器﹐睇嚟阿拉伯國家私底下都信伊拉克有生化武器。

    ““反美嘅民主政權真係唔多” 法蘭西, 德意志,…"

    睇嚟你嘅世界觀定格咗喺2003年﹐而且相當二極化﹐唔親美就一定係反美﹐連親疏有別嘅概念都冇。你知唔知法德幾年前已經大選過﹐左傾政府已經落咗台﹐Sarzoky 同 Merkel 左睇右睇都唔係反美。再者﹐就算 Chirac 同 Schröder 年代﹐政治取態同 Bush 唔同﹐都唔等於當時法德係反美。

    “美帝唔想歐元挑戰佢既霸權,好想見到佢地唔死一身孱。"

    歐元自身有決陷﹐要理財有道嘅德國同懶懶閒嘅南歐地中海國家用單一貨幣政策﹐遲早出事。要挑戰美元嘅所謂霸權﹐德國馬克仲有威脅﹐搞散歐元﹐其中一個結果係德國退出歐元區(另一結果係PIIGS退出歐元區)﹐你話美帝制造金融海嘯整到自己元氣大傷﹐為咗就係搞到歐元區唔死一身孱?你副反美有色眼鏡都幾深色喎﹗

  11. alvin

    再講﹐"WMD講大話"論本身十分片面﹐因為用屈伊拉克有WMD作為出兵理由其實係幾愚蠢﹐你出兵推倒 Saddam Hussein﹐到時揾唔到 WMD 就知你講大話﹐所以如果 Bush 政府真係講大話屈伊拉克有WMD﹐點會唔插贓嫁禍? 啲反美陰謀論者成日講到美帝幾邪惡﹐CIA幾神通廣大﹐連Julian Assange係CIA無間道都諗得出﹐小小插贓嫁禍又點會做唔出/做唔到?

  12. HighLamb

    克林頓執政時已經提出過互聯網 i-War 的研究,一般人著眼點都只係黑客攻擊這類,但到底真實的 i-War 係乜?會唔今次這件事也屬於 i-War的結果?

  13. 依馬打

    中國政府可能是各國政府中最唔怕 wikileaks 者。原因 : 以為爆好堅既料,睇完發覺原來係人人都知,民間廣傳,只係白紙黑字流傳會被河蟹,或認為太碎料廢事寫,或認為 old news is too exciting 廢事寫。

  14. one

    英美有好多所謂左仔同self-hater,永遠企喺絕對道德高地,認為wikileaks所謂拆穿左美國既自由民主假面具,揭露其覇權底醞,恨不得睇美國仆街。其實佢地係太天真唔知取而代之既中國覇權會更加仆街定係認為中國式既民主人民專政至係王道??

  15. KMB59

    民主國家之間起碼不會交戰。

  16. 不留名

    伊拉克戰爭係一場侵略戰爭(war of aggression), 波斯灣戰爭係為咗幫科威特抵抗伊拉克入侵, 符合國際要求, 最重要的係後者有聯合國授權, 出師有名, 前者不獲聯合國授權, 被大部份國家反對, 包括中法德俄, 同埋發展中國家。

    “講啲大話呃自己啲國民”
    過去有冇WMD根本同當時有冇係兩回事。在找唔到, 唔知有冇WMD的情況話有, 就係講大話, 講真話應該係唔知有無, 你試吓上庭明明唔知有冇發生, 就信誓旦旦話有, 會唔會被人告作假證?唔知就應話唔知, 但係如果咁講, 搵鬼支持入侵伊拉克? 咪唯有吹水囉。

    “睇嚟你嘅世界觀定格咗喺2003年﹐而且相當二極化"
    講到世界觀最兩極化的人, 喬治布殊敢認第一, 冇人敢認第二, Either you are with us, or you are with the terrorists 係邊個講的呢? 法國, 德國等歐洲大國因為唔支持攻打伊拉克, 當堂變了"with the terrorists"。

    “”WMD講大話”論本身十分片面"
    咁多人捉著這點唔放, 係因為這個就係美國要開戰的原因, 冇WMD, 同阿爾蓋達, 嗒利班冇關係都要入侵伊拉克,就係侵略。唔通美國打伊拉克係為推動民主?

  17. 不留名

    更正:
    喬治布殊敢認第二, 冇人敢認第一

  18. 不留名

    “石油利益一早俾歐美自由左派妖魔化﹐其實關注石油利益有乜問題"

    關注石油利益無問題, 但要言行一致, 用的手段要同自己開口埋口講的價值如民主, 自由, 人權, 反侵略等相符, 否則就係虛偽, 當然如果講一套,做一套係無問題的, 咪咩都得囉,不過咁以後就唔好再批評政府口講為市民服務, 實則係為地產商謀取暴利啦。

    “英美有好多所謂左仔同self-hater,永遠企喺絕對道德高地"
    明知做唔到仲要日日講, 扮做到, 仲要將之推廣全球, 禮義廉是也。

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s