瀰漫在香港上空一片不安氣氛

陳雲:九評地產黨序言

香港已入絕境。老財閥的成功圈地經驗,老高級中產的私人置業自保,面對新的金融資本主義和跨境資金,以及香港民風之衰敗,已經無法複製。雖然富人關閉名校的大門,也霸佔優秀的山水環境,企圖獨享其成功複製權,甚至借助人工受孕和代母服務,真的在生物上複製自己,也是徒勞無功。香港面臨的是階級鬥爭。階級鬥爭有兩個工具,第一個是和平的選票,即是民主充權,第二個是暴力的革命,推翻現行秩序,重建民主。兩個選擇,就擺在我們面前。民主的效益比暴力革命好得多,民主是理性的選擇,因為暴力革命之後,始終要回到民主。然則,香港的富人階級誤以為窮人不會走上暴力革命以開啟民主的路,於是不斷霸佔資源和設下壁壘,逼死窮人,最終,他們將是暴力革命的締造者。
股壇聖手、一代富翁曹仁超坦誠表白,他們的一代地產金融炒家,成功踢走英資,掌握地產複製財富的方程式,預支了香港四代人的金錢。他向年輕人擲下戰書,要年輕人另闢蹊徑,找到「五十後」一代不懂得的方法。(5)我不是年輕人,也不是坐享地產套利術的老資產階級,但我不妨提出我的方法。正如本文開首說的,地產壟斷是政治問題。政治問題,政治解決。政治鬥爭,恰好是地產霸權不懂得的方法。

在AM730這份由地產經紀投資的報紙刊登這篇文,這也解釋為何小弟放心在AM730寫文的原因,施永青曾經作為同長毛同派同流的托派,他的理論底子,沒理由不知現時香港上空,有著一股怎樣令人窒息的氣氛。

小弟提過爆發法國式大革命問題,陶傑在除夕晚《光明頂》都作出類近警告,但以陳雲道長寫得最為露骨到肉,陳雲道長提出是典型歐陸派的解決方案,既然經濟方法上於事無補,我們不會跟這套遊戲規則,簡單而言,就是鼓勵大家破壞遊戲規則。

法國大革命的背景,就是路易王朝一路拒絕妥協,無限王權無法解決,那只是整個社會解散重造。小弟恐怕,香港一早錯過以和平方式解決問題的時間。更重要的是,整套支持以激烈方式改造社會的論述,由潘慧嫻的《地產霸權》發展到陳雲主編的《九評地產黨》,基本上大功告成,有了論述,真的如《讓子彈飛》對白,讓子彈飛一會兒,飛久我唔知,但諗定走佬大計應該都唔會死錯人。

廣告

31 則迴響

Filed under 香港政治

31 responses to “瀰漫在香港上空一片不安氣氛

  1. Henry Chan

    容許講題外話:
    回應你係自由時報既文章,其實美國立左法禁止F-22出口既
    台灣要買既都要買F-35(不過就算有F-35,能否與J-20對抗成為一個疑問)
    日本還好,除左可以買F-35外,佢地仲有後著,就係加快速度發展ATD-X"心神"戰機,

  2. Longhair

    其實點解咁想走?生於斯,長於斯。要玩,可以到底。這個地方,造咩要益比他們?
    有承擔的香港人。

  3. 講真, 不是很多香港人可以很瀟灑地話離開就離開, 香港人是時候想想如何自處. 說明些, 是時候想想何時及如何進行革命, 向地產魔鬼搶回自己應有的東西.

  4. echykr

    I’m already preparing for my “exile", if all goes well, will be gone by the end of this year.

    Fingers crossed any revolution or civil unrest don’t happen before then. 8)

  5. 飛蚊導彈

    回henry:
    黃兄在該文中寫的正是"爭取解禁F22出口",然後購買
    不過美國視F22為終極王牌,友好如英國日本甚至以色列
    也只願意賣F35,台灣的機會只會更小

    始終F35還是"不完全隱形"的隱形戰機
    不用說F22,就算上一代B2甚至F117的"全隱形"技術
    美國也不願意出口,堅持要牢牢握在自己手裡

    如果在台海看見F22,只會是美國空軍自己的

  6. martinoei 黃世澤

    To Henry Chan:

    我知美國立法禁止F-22出口,但澳洲、日本一直都爭取解禁,我認為台灣都應該加入解禁行列。

    To others:

    以小弟嘅外籍身份,如果我喺度叫大家革命,人地就會話我唔負責任。但陳雲呢篇文,己經打開咗潘朵拉的盒子。

  7. 死士復活

      香港會搞到今時今日呢個困局,其實同香港人喜歡一味逃避嘅性格有莫大關係。

      由八四年中英簽咗聯合聲明,到八九年六四屠城,再到九七回歸。香港人可以話係冇乜為咗自己或者係香港嘅未來而爭取過啲乜嘢,最叻就係諗住走囉,移民囉!有外國護照揸手就得,有咩事就走佬較腳!如果大家都抱有生於斯,長於斯,埋於斯嘅想法,真係當香港係自己屋企,肯去捍衛,香港今日會否也是一樣?甚或會否回歸成功?我諗都係未知之數。

      記得我第一次嚟世澤兄個blog,係年幾之前,因為想搵一啲關於BNO平權嘅資料而機緣巧合地到來。點解?因為我開始想要離開呢一笪我土生土長嘅地方,開始思考點樣可以離開。原因?我唔知道,我只係隱隱覺得呢喥有啲嘢發生咗,但係發生咗啲咩?我自己都唔知道。

      但係,嚟到呢喥之後,我開始慢慢搵到真相。我本來唔多留意新聞、時事、政治,基本到連六四究竟係發生過乜嘢事,都唔多清楚,點解年年都一堆人係維園搞燭光晚會?但依家我一日上嚟世澤兄個blog不下十次,新聞、時事、政治、中外歷史樣樣都會去睇,去留意,甚至拖埋我細佬去反高鐵、六四晚會、七一遊行、送民主女神像入中大等等……(特別喜歡睇世澤兄講外國歷史,雖然好多時只係輕輕帶過,但係呢小小嘅線索就已經夠我自己再去查看更多相關資料。)

      而我亦都開始明白,究竟我嘅生活點解會煩躁不安,點解會莫名其妙地憤世嫉俗,係邊個將我操控,將我玩弄於股掌之中?終於我相信我搵到真正嘅目標,我知道事出何因!

      今天,香港將會變成點樣都好,我都唔打算逃走了,本來嚟呢喥係為咗搵吓有冇方法可以逃離呢度,但我搵到嘅唔係離開嘅方法,而係留下嘅理由!或者我無偉大到要令全中國人民得到民主、自由、公平等等……嘅偉大情操,但作為生於香港嘅我,卻決意捍衛着香港,我嘅香港,我愛嘅香港,有我熟悉嘅人事物事,還有同我一樣每日拚搏着嘅香港人嘅香港!正義係必須有人企出嚟,雖然我勢孤力弱,但我深信香港仍然有着千千萬萬同我心意如一嘅人,他們終究會挺身而出!而我也會靜靜等待那一天到來,一同站出來。盡管代價不菲,更可能是寶貴嘅生命,但只要我願意,就無嘢可以阻擋我嘅去路!這不是捨生,而是求存,係為咗過去為香港付出嘅人,現在正為香港付出嘅人,以及將來將會降生係香港這片土地嘅人,我願意這樣去做!反正我依家係孓然一身,也預了不娶不生,最少係呢個咁樣情況嘅香港,我唔會。

      今日聽咗過笑唔出嘅笑話,以前啲人咒人,係咒咩?絕子絕孫冚家剷!但今時今日嘅人係咒咩呢?我祝你早生貴子,兒孫滿堂呀!真係聽到都悲慼……

  8. TC

    死士復活,

    你提到香港人一味逃避ge性格, 依個唔單止係香港人問題,仲係中國人/華人問題.

    我十幾,廿歲時都希望香港有民主一日,不過依家巳經無係個一種熱情. 你同中共係香港要民主係無乜可能. 你不如等中國大陸幾時有革命好過.

    不過有革命係中國發生,結果唔一定好. 中國人有革命係想唔要一個暴君, 唔係要革命去建立民主國家/政治同個人自由. 如果依家大陸有革命,結果係唔會有一個好似依家美國個一種民主國家係中國大陸建立,只會變成一百年前北洋軍閥割據ge情況.

  9. Henry Chan

    To: 世澤及飛蚊導彈
    1. 以美國而言,F-35既角色,只不過係輔助F-22,亦即F-22與F-35組成高低檔搭配
    2. F-35既發展不順利,問題最大係垂直起降既B型(空軍用既A型同海軍航艦型C型發展則較為順利),美國國防部長蓋茨講過,係1,2年內仲搞唔掂既話,F-35B唔排除有取消既可能,受影響最大的,係美國海軍陸戰隊同英國,而台灣一直有聲音想買既F-35其實就係B型,換言之,F-35 3個型號完全形成戰力,要一拖再拖…….
    3. 另一題,好微妙既係,J-20出現,美國即係宣佈派15架F-22進駐日本沖繩嘉手納空軍基地,為期4個月;而日本與南韓咁岩又話達成防衛合作協議(雖然佢地話係針朝鮮半島)

  10. martinoei 黃世澤

    To Henry Chan:

    咁我明點解F-35B咁大劑,因為垂直升降呢家嘢,一向唔係美國強項,而係英國,係大英帝國至用咁多垂直升降飛機,就算依家F-35B個垂直升降系統都係英國貨。問題係又要配合美國嘅引擎,呢啲多國協作多數都頭痕到⋯⋯

    美國依家辦法好可能係F-22大量部署喺沖繩

  11. 死士復活

    TO TC:
      功成可以不必在我,但係創造呢個成功嘅機會,傳承薪火,卻必須在於我們!

      又或者咁講,如果呢個機會真係喺我呢代出現,就一定必不缺我。一個朝代嘅更替,由盛轉衰,週期動輒就係十年百載,我未必能夠身與其事,甚至親證其事,但係……我必須將呢一個可能性延續落去。

      我明白你所講嘅嘢,亦明白以現今中國人嘅民智,根本唔會在乎自唔自由,民唔民主之類,佢哋隨時只求兩餐溫飽就算,所以我從來無諗過要期望中國會一夜變成一個民主國家,但我期望佢會喺革命中分裂,而香港最終得以獨立抽身於中國呢個巨大嘅苦難漩渦之中。盡管很難,係明知可不為而為,而且我無把握,機會渺茫,但我有希望!

      當一個原本於世事一無所知,終日虛渡的我醒覺開來,係時代逼使好,係誤打誤撞也好,都足以讓我相信呢個奇蹟係會發生!就算最終係徒勞,一事無成,也總算對得住前人、後人,最少我為香港的未來做過一番準備,而奇蹟亦從來都只會發生於有所準備,有咗覺悟嘅人身上,除非你期盼的不是奇蹟,而是守株待兔的神蹟。

  12. mr.kedi

    http://hk.news.yahoo.com/article/110115/4/m8o9.html

    唐英年 呼籲年輕人參與社運,不要動輒口誅筆伐,不問青紅皂白,以衝擊手法抗爭,否則會「車毀人亡」。

    政務司長唐英年今早出席「Roundtable研究所」周年典禮暨青年學術會議,他在發言中指,回顧2010年,80後問題是討論得最多的社會現象之一,引起大家注意的往往是80後比較出格的手法和一些抗爭場面。

    他說,不應將激進的社運抗爭,簡化為所謂80後現象,但他仍就此提出了4點主張,認為年輕人要學會妥協,否則「剛愎自用加上勇往直前,最後很容易車毀人亡」。
    咁喎。

  13. 人民要求安居樂業, 甚至只求兩餐溫飽是沒有問題的. 這裡的讀者,包括在下, 相信會認同一個民主共和憲政社會, 才是長遠保證人民可以安居樂業的制度.

    只要人民安居樂業, 人民有尊嚴, 文化, 體育及其他領域才可發展起來.

    至於什麼<> 真是哈哈哈!

  14. 至於什麼"呼籲年輕人參與社運,不要動輒口誅筆伐,不問青紅皂白,以衝擊手法抗爭,否則會「車毀人亡」。" 真是哈哈哈!

  15. 飛蚊導彈

    當路上被人為地設置重重障礙,放置障礙的人又不願意移除的話
    駕車的人如果不想原地踏步,坐困愁城
    就只有懷著"車毀人亡"的覺悟,勇敢地衝破障礙,闖出生天

  16. alvin

    想當年 Lockheed Martin 撼贏 Boeing 贏得 JSF 合約﹐一大理由就係 LM 用 lift fan 做垂直升降系統﹐比起 Boeing X-32 用嘅傳統垂直升降系統 (即係 Harrier 嗰隻) 載重力更大﹐但 Boeing 工程師一直覺得 lift fan 技術太新未成熟﹐9年之後睇番Boeing輸得有D唔抵。

  17. 死士復活

      安份守己,係溫水煮蛙之局!放手一搏,雖然肯定危機重重,隨時當真「車毀人亡」,但有危就有機,結果可以係車毀人亡,亦可以係「單車變摩托」,點都總好過束手就擒,坐以待斃。

      而且呢一場唔係普通嘅角力,而係一場戰爭,一場不對稱嘅戰爭,仲要係各出其謀,不擇手段,無所不用其極嘅戰爭!喺呢場非一般嘅戰爭入面,要贏,就要忘掉成敗得失、生死榮辱,採非常嘅手段,打超限戰!

      我信歷史,既然一次又一次嘅變革都源出香港,我相信今次都唔例外,可能呢啲就係所謂嘅宿命,香港嘅宿命,亦係香港人天生嘅原罪。或者共匪心切毀滅香港係不無道理嘅。

  18. LC

    很少見到一篇文會吸引咁多人討論,證明香港怨氣已深,而陳雲道長也一語中的地道出大家的不滿。

    《讓子彈飛》最後一幕,眾土匪大聲吶喊呼籲人們走出來革命,但結果一個個都做縮頭烏龜,搞到只有四個土匪衝上陣。直至他們把假的地主殺了,民眾終於相信強權已經倒下,才夠膽一哄而出搶掠和坐享其成,革命之後也不見得制度會變好,一個個得到自己的利益之後只顧去享福。這一幕看得特別悲哀。中國人不是不知道社會有問題,但中國人的特性是自保為上,大多數人都不敢帶頭起事,起事者更被看成激進份子。普通人每天只是繼續營營役役,在網上討論發洩的人雖然多,但這種能量很少把人們推動到真正參與抗爭。若非民不聊生到極點中國人是不會起事的,到底怎樣才能鼓動更多人走出來捍衛權益,極之難。

    中國這一百年歷史,當中反反覆覆,「革命尚未成功」,原因不完全是一班野心家在勞役人民,而是人民到現在還是一堆順民,而不是具有民主意識的公民。民主的變革可能真的要經歷很久,台灣做到了,中國可能還要多一至兩百年才能達成。之前香港人還天真地寄望有機會達致普選,現在卻要有長期抗戰的心理準備,不是十年八載,而是有可能我們成世人都看不見曙光,但要相信我們每一代人一點一滴的堅持爭取,才能夠達致成功。

    離開香港,很多人包括我都好想,但個個都打著腳底抹油的主義,實非香港之福。正如八九民運人士逃到海外,他們能做到甚麼呢?除了在外國繼續宣揚之外,卻一點也改變不了中國的命運。

  19. TC

    中國人搞唔到民主,除左所謂只智未開,另一問題係思想保守,對真理/真相追求得過扯就. 唔單止人有呢個問題,就連傳媒都係咁. 唔好講中共唔想聽ge政改討論,以我印象中香港電視台唔多有節目會討論歷史,宗教,兩性關係,同性戀. 中國人亦唔鍾意對問題討論,連呢d”小”問題都唔會去思考同質疑權威,對於大權在手ge獨裁者,更加唔會出聲. 歐洲人有只主,唔多唔少同佢地文化有希臘文化元素.

  20. 飛蚊導彈

    F-35B的fan lift其實並非英國貨,而是衍生自前蘇聯Yak-38/141 的
    vertical jet lift, 英式垂直起降系統的正式承繼人,是alvin 兄提及的波音X-32

    可惜去年末英國宣布改用F-35C派駐新航艦,以配合跟法國合組的聯合艦隊
    harrier也將於今年內除役,垂直起降戰機這個英國傳統也正式終結
    現在F-35B的用家只剩下USMC和義大利,西班牙等小型海軍,前途就更坎坷了

  21. Ryan Tang

    everybody in here, if they really want to change, change now. coz there is no tomorrow. there is no more 1 country 2 systems after 2047. how many years left? we supposed to have a real election on next year, 2012, which is 15 years after the return. see, we got shit! 15 years and we have nothing improved, nothing we wanted but just shit. how about the next 15 year? there are only 4 15-years, and we had wasted the 1st one. just because we are so coward, we mixed up “peace" and “nothing-happen". people who fight for themselves are called idiot or loser. no one like to stand up. no one even dare to throw tomato to the gov.. no one dare to break the stupid laws. i cannot see how come HK people can upgrade the level of protest to become “revolution" in next 15 years. so, i agree what the blogger said, buy your 1 way ticket as soon as possible, out of this shit hole. lets HK fallen.

  22. Henry Chan

    To: 飛蚊導彈
    其實最重要F-35C發展比F-35B比較順利,同埋係費用問題,因為現在F-35B與F-35C價格已相差無幾,但作戰半徑同載彈量當然比F-35要大………..

    USMC真係要求神拜佛,望國防部唔好Cancel F-35B………..

  23. Bankers' Arms

    民主憲政, 要earn番黎架! 鬥唔過權貴, 一昧諗住一走了之, 坐享人地民主的成果, 去到人地度, 都冇前途!

    歐美各國都對移民好fed up

  24. alvin

    Henry Chan – “USMC真係要求神拜佛,望國防部唔好Cancel F-35B"

    冇咗 F-35B 其實又冇乜大不了﹐制空權同close air support可以由Navy嘅F-35C同 Super Hornet代勞﹐close air support 亦可改用UCAV/drones。

  25. Longhair

    Banker Arms
    Agree with u!!

  26. Henry Chan

    To:Alvin
    1. 雖然USMC同Navy始終係兩個軍種(而家仲係好多人搞錯),Marine Corps 唔想太過睇Navy既面色…
    2. USMC往往係4個軍種中打頭陣在先(其實特種作戰都係,往往係由佢地既特種部隊Force Recon打頭陣,而且更冇乜支援,危險程度比Army 既Delta 同海軍既Navy SEALs仲要高),迅速既密接支援好緊要,單靠Navy既戰機當然唔得…..
    3. 講起UCAV, 最新未來5年所削減國防開支項目中,UCAV既預算被CUT…..發展可能會受到一d阻滯

  27. 持書者

    1. 中國人對其他非親屬的人沒有同情之心 <- 文化上不追求公德 妄求私德

    2. 無事袖手談心性. 臨危一死報君王. 今已無君王 人人袖手9up 更無知識份子矣

    行動是任何價值觀必須的. 齋up佛號以為上到佛國之心害人不淺.
    btw 有幾多中國人有為咗一個思想犯法的決心? 有幾多人有決心為咗全中國人或者香港人既未來犯罪?

    手腳只求乾淨 的後果就是硬食暴政..

  28. Bankers' Arms

    陳景輝好到point!

    “由統治階層去說服未獲平等政治權利嘅平民妥協,根本係風凉話 "

    當連劉慧卿都話因為中共有軍力鬥唔過而自動棄權既話, 新生代更加需要自我裝備應對的理論, 不應再倚賴這一堆過氣的代理人! 要進行非暴力抗爭, 用精密的論述來使權貴蒙羞是最好不過的辦法!

    華叔一生固有功, 但他的年代早已過去, 連帶他的所謂戰略也落後於時代

  29. Bankers' Arms

    蔣公倒是值得後人敬重

    不論後來他如何後悔在大陸搞民主憲政, 但看看他在1943-46年間既日記, 行憲倒不是為求討好美國人求美援, 而是有過一刻真心還政於民, 到了1945年, 國軍裁撤所有隨軍黨委, 正式國家化

  30. bing

    同意LC 同TC 對中國人思想既睇法…
    近日澳洲QLD水浸, 好多人都無左家園, 今朝睇新聞, 佢地好整齊, 好守秩序咁搭巴士到唔同既地方幫手清理道路, 社區, 有好多人會自願地幫唔相識既人清理佢地既家園…我睇到真係好感動, 更覺得如果香港發生呢的情況, 香港人一定唔會好似佢地咁咁有公民意識..

    我係一個已經移左民既人, 正如LC所講, 我改變唔到對中國既命運. 但我認為到左外國並唔代表做唔到幫助中國既事, 我相信好多六四民運人士係外國默默地推動緊中國既民主運動..

  31. 引用通告: Tweets that mention 瀰漫在香港上空一片不安氣氛 | MO's notebook 3 to 4 -- Topsy.com

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s