政治干預企業運作,CEO做嚟做乜?

繆美詩:西九亞視化

我諗係Rachel至會諗到,西九依家情況,可能比亞視更膠。出身亞視嘅人,會比小弟呢啲花生友,更明白亞視係點解搞成咁。

但可以肯定係,只要有政治力干預企業運作,天才都唔會搞得掂。

就由亞視講起,近年亞視除咗王維基呢位魔童,唔係無勁人嚟過試過改革,好似胡競英曾經令緯來電視台一年轉虧為盈嘅紀錄,結果因為王征同蔡衍明大鬥法,胡競英根本做唔到嘢,最後搞到出律師信俾廣管局同亞視。

西九一開始唔係文化project,而係涉及眾多地產霸權利益,文化界亂到亂七八糟嘅恩怨關係,加上唐英年、曾蔭權各人政治算盤一個複雜遊戲,CEO邊個做都係做死收場。西九要擺脫呢個魔咒,基本上,可能性唔大⋯⋯

後話:好奇怪,由英國麗的到香港、新加坡、馬來西亞嘅海外麗的,全部都死狀恐怖,兼且好多死於政治干預。英國麗的,先被英國ITA指令同Associated Broadcasting Corporation合併,後來Thames TV,因為得罪保守黨政府,喺1992年喪失倫敦Weekday ITV專營權(但後繼嘅Carlton Communications一樣一鑊泡,喺ITV Digital損失慘重,最後要Granada吞落肚,變成今日嘅ITV plc)。香港麗的喺BET投資損手後,賣俾邱德根,之後噩夢不斷至今。新加坡麗的呼聲本來好好地,八十年代新加坡政府禁止方言廣播,結果成績一落千丈,由十一萬訂戶跌到今日得八千訂戶。馬來西亞麗的呼聲的後繼者FM 98.8,最近搞出封咪封波,馬華公會被人媽到抽筋。麗的係唔係腳頭唔到到咁,英國同海外麗的死法完全相似,果真係傳媒之謎。

1 則迴響

Filed under 香港政治

One response to “政治干預企業運作,CEO做嚟做乜?

  1. Dbdb

    謝卓飛可能唔小心睇到起錨片段所以走頭。

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s