華叔的士道

小弟無意為華叔造神,華叔有啲作風可能大家唔係咁認同。只不過可以肯定係,華叔可能係近代歷史中,少數彰顯士道來推進香港社會改革嘅人。隨住士大夫文化喺香港嘅流失,華叔去後,好難有第二個華叔。

李登輝寫《武士道精神》,一開首講有三種深層精神修煉嘅道,一種係中國嘅「士道」,一種係日本嘅「武士道」,一種係西方嘅「騎士道」。而中國「士道」同日本「武士道」係同源,因為日本「武士道」好大程度上嚟自儒家經典,只不過日本武士道主要喺武夫實踐,同埋受到陽明學派影響,幾乎成個明治維新都係陽明學派發揮作用(知行合一),而中國士道,就出現喺士大夫呢挺知識分子。

由於中國嘅士大夫之道,無受陽明學派嘅知行合一,人人皆為堯舜嘅諗法影響,結果實踐嘅人少之有少,雙重標準嘅人就成堆,所以除咗辛亥革命期間,一大堆為革命而死嘅烈士,士大夫精神蕩然無存,否則唔會出現中國人對暴政不對抗,對外敵入侵亦不會拼死一搏嘅情況。但由於科舉己廢,加上香港喺英治年代,反而保留好多良好嘅中文教育。喺時空交錯下,造就咗司徒華。一如喺時空交錯下,日本都慨嘆武士道失傳之際,出現咗一個智慧同明治維新志士有得揮嘅戰略家李登輝,完成咗台灣民主化一樣。

華叔可以感召到人,但華叔以士道以革社會,可能喺華人社區華叔係最後一個。依家出面世界,無恥爛仔一大堆(不論朝野),香港人可能係要學習係騎士道、西方對自由民主、個人權利執著,並合日本人傳承咗嘅知行合一諗法,至會做到李登輝講「心靈改革」,或者達致明治維新式社會革命。

後話:《武士道解題》呢本書,話雖李登輝用日文寫,但如果閣下中文文言文根柢太差,唔好意思,十之八九你都唔會讀得掂,因為涉及大量儒家經典原典。最好笑係,日文維基對陽明學嘅解釋,遠遠比中文詳盡仔細,甚至日本右翼分子不少都係陽明學信徒。所以中華文化去咗邊,大家諗吓喇。

廣告

發表留言

Filed under 香港政治

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s