政府繼續唔做嘢

Living Yoga 停 業   警 方 接 獲 57 宗 報 案 涉 款 53 萬 元
2011-01-07 HKT 21:44
有 兩 間 分 店 的 LIVING YOGA 宣 布 因 資 金 問 題 停 業 。
截 至 下 午 5 時 , 警 方 共 收 到 57 宗 求 警 協 助 個 案 , 涉 及 金 額 53 萬 元 。 而 消 委 會 就 收 到 超 過 200 個 查 詢 。

以小弟所知,中招嘅人為數不少,有啲係今年yoga planet中完招,依家Living Yoga再嚟一鑊,點解咁?

原因好簡單,全香港嘅Yoga中心都係要預繳,你想玩Yoga,你根本無得揀,所以消委會叫人小心啲,根本係講廢話。

真係要解決預繳式消費問題,所謂「加強監管」,點監管至得架?

依家睇落有兩個做法,可能會比較可行:

1. 預繳式消費嘅款項,係擺喺一個特定戶口,當用到果個月嘅時刻,就由特定戶口轉到公司一般營運戶口,當然呢個要銀行合作,政府亦要立條例,規定邊啲行業要咁做,同埋具體要點運作,技術問題幾多。同時涉及金管局同銀行,好易玩到頭都大。

2. 預繳式消費付款人,喺公司破產果陣獲得等同銀行嘅索償次序。呢個比較合理,因為消費者預先俾錢買服務,依家無咗服務,無理由啲錢去咗銀行呢類債權人先。當然唔保證俾咗錢嘅一定拎得番,至少好過依家,十之八九都血本無歸,咁就好離譜。

問題係,依家呢個政府,乜叉都唔做,我識嘅朋友可以去邊做Yoga,我仲係木宰羊。

9 則迴響

Filed under 香港政治

9 responses to “政府繼續唔做嘢

  1. 當初真係開得太多啦。而家好似熱潮一過,其中一尐就站唔住腳。當然,我硬係覺得有好多都係cap晒水就潛走。

  2. 飛蚊導彈

    銀行通常是有抵押債權人,在破產索償程序上得到最高優先權是建基於抵押品的原則,也是國際慣例。如果把已交費用但未獲貨品/服務的顧客(被歸類為無抵押債權人)放在有抵押債權人之上,不但與國際標凖脱軌,被拖欠貨款的供應商(同樣屬無抵押債權人)也會提出同樣要求。結果汁雇僱員

  3. 飛蚊導彈

    僱員被排到最後而被逼動用破欠基金,牽連同樣廣泛
    我反而覺得為個别"高危行業"設立由業界供款的賠償基金比較可取。

  4. martinoei 黃世澤

    To 飛蚊導彈:

    我唔係唔驚要動用破欠基金,因為破欠基金的徵費,喺每年延續公司商業登記果陣俾。

    但高危行業點定義,技術上又係頭大。美容比較容易, 但有啲嘢真係熱潮嚟熱潮去。

  5. Dbdb

    菜園村無啦啦出現個中間人收過路費成500萬,算唔算勒索呢?

  6. alvin

    你第一個建議唔實際﹐依家預繳唔係因為怕消費者冇錢找數﹐而係商戶想現金早D到手﹐用escrow account嚟預繳倒不如每個月自動轉帳﹐起碼唔使新法例。

    你第二個建議﹐一如樓上飛蚊導彈所講﹐將國際慣用嘅破產索償程序改變﹐牽連好大。

    其實﹐要解決預繳式消費問題﹐最好嘅辦法係消費者團結同自律﹐唔貪小便宜﹐消費次次清(健身中心等需要會籍嘅就月月清)﹐消費者唔肯預繳﹐唔到商戶企硬。

  7. martinoei 黃世澤

    To alvin:

    如果消費月月清,我啲朋友唔駛玩Yoga(我講真),除非將Yoga中心,納入類似補習學校咁嘅監管(補習學校係個個月俾)

  8. alvin

    就係因為有消費者肯俾預繳Yoga中心先肯企硬唔肯月月清﹐當絕大部分消費者唔肯俾預繳﹐堅持月月清﹐到時Yoga中心唔收都唔得。

    除咗立心掠水﹐預繳呢個business model根本就唔sustainable﹐因為你收生收到一定數目你就再冇capacity收新生﹐但冇新生你就冇cash inflow。美國一樣有Yoga中心/健身中心﹐但係預繳就唔流行﹐通常係送禮用(例如送你親友6個月gift membership)。

    當然﹐喺華人社會要人團結根本係冇可能﹐Yoga中心只要提高優惠(買一年送一年或更多)﹐肯定會有人轉軚。

  9. Yoga中心的老闆好多時係幾個教的夾埋來做,每個人的投資係好少甚至無本,所以要靠預繳來做Cash flow。加上Yoga中心唔同健身中心,健身中心要買器材(要有資產),Yoga墊值幾錢….?

    我認為Yoga中心個性質似補習學校,咪用補習學校個方法咁規管囉。

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s