這城市的流浪貓呢?

好坦白,小弟唔係iTV Coronation Street嘅擁躉,我想借套片嘅intro嚟講,一啲香港消失咗嘅嘢。

小弟以往讀書嘅地方又好,住嘅地方又好,同貓都係好有緣,小弟住喺北角舊樓嘅日子,層層都有一隻或兩隻無家可歸嘅貓周圍走,呢啲貓某程度係舊樓衛生系統嘅一部分,因為佢地好鍾意捉老鼠。無人管呢啲貓,只不過有兩三戶人會俾啲新鮮魚佢地食,日頭就懶洋洋訓佢嘅覺,夜晚老鼠就唔敢放肆。只不過,呢種天生天養嘅「獅子山下精神」就消失咗。

中大係一間傳統上唔係咁英國嘅大學,只不過,有樣嘢絕對係中大傳統,叫做中大貓,因為中大佔據成個馬料水山頭,實有一啲貓走咗入中大範圍。中大貓同啲舊樓貓又唔同,中大貓我可以叫做「公共寵物」,因為呢啲貓唔怕人,又成日走喺中大宿舍或者學生會辦公室附近,久而久之有愛心嘅學生、教職員餵養,呢啲喺中大自出自入嘅「中大貓」久而久之變成咗大家生活嘅一部分。而膠樽義仲係中大校長果陣,話太多流浪貓喺中大繁殖,要搵漁護署咁制,後嚟中大有校友同學生,入去幫啲貓絕育,雖然查實係有問題做法。中大咁多年嚟,都係咁樣人貓共處,你膠樽義管咁多把叉?

英國iTV Coronation Street將流浪貓四圍走放入opening theme(到依家2010年版都係),因為呢啲依賴社區,但又唔係固定一戶養嘅貓,係城市人情味嘅一部分。所謂獅子山下精神又好,歲月神偷果種韻味都好,呢啲舊區人情味係不可或缺。但依家林鄭月娥嘅強拍,搞到田生地產大肆入侵。呢啲城市貓如果只係西方電視劇至睇到嘅回憶,我諗都係幾荒謬。

廣告

2 則迴響

Filed under 英國與歐洲, 香港政治

2 responses to “這城市的流浪貓呢?

  1. echykr

    Pardon for going off-topic Martin, but here’s a Happy Republic of China 100 (AKA AD2011) to you!

  2. Dbdb

    今日遇到一事滿有人情味,在佐敦阿龍咖哩食嘢,有條粉腸打電話外賣,老闆娘話你邊度呀,他答伊利沙伯醫院,再問之,原來是病人,阿老闆娘話你一份我好難送,今日人手又晤夠,就算送都不是即刻,過了一會,病人亞哥再打電話俾老闆娘,千叮萬囑話要點要點又要中辣,老闆娘收線之後,大聲話病就米鬼食咖哩啦,好似阿媽教仔咁

    以前遇着一位慈幼會神父,他現在好像去了外蒙服務,最記得有一次一同在餐廳食飯,他最後玩lam 碟,一滴汁都唔side,他說盡量不要浪費。

    有好多粉皮狗up當心得,up得出乜7就話係獅子山下精神,甚或香港精神,聽完之後白眼都費事反呀。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s