X富豪與任亮憲案

有啲人將X富豪被起底案,同任亮憲案受害人被起底兩者撈埋嚟講,兩者都唔可以起底,但兩者嘅法源,喺法律上係兩回事。

X富豪身份可以保密,唔係基於成文法,而係基於法院命令,唔理你認為將X富豪身份保密合理定唔合理,你唔守法院命令,根據《區域法院條例》第48B條,法官可以直接對你採取行動。除非被告嘅代表律師,認為將原告身份保密命令不合理,向高等法院上訴。保護X富豪嘅判令合唔合理,己經變咗個學術題目。但可以肯定係,恐嚇勒索一類案件嘅申訴人,要問法院至可以保密身份,單案未審都可以透過受害者身份。

而任亮憲案嘅受害人,唔係受法院命令而得到保護,而係成文法,而且係寫得好實嘅成文法,港大教授張達明嘅解釋係相當準:

【明報專訊】香港大學的法律學者張達明警告,公眾或傳媒若以為任亮憲案尚未進入檢控階段,便可以披露舉報任亮憲非禮或強姦的女事主身分,是錯誤和違法的,禁止披露性罪行申訴人身分的規定其實在申訴人向警方舉報時已開始生效。

申訴人向警方舉報即生效

張達明指出,根據《刑事罪行條例》第156條,凡有人向警務人員作出性罪行的指稱後,所有相當可能導致公眾識別申訴人身分的事項,都不得在香港可供公眾閱讀的書刊中發布或在香港廣播。

《刑事罪行條例》156條原文係咁寫

(1) 除第(9)(a)款另有規定外, 在 有人指稱發生指明性罪行後, 凡相當可能會致使公眾識別與該項指稱有關的
申訴人身分的 事項, 除依據本條所 發出的 指示許可者外, 不得在 香港於可供公眾閱讀的 書刊中發布或 在 香港廣播。

成件事係倒轉嚟玩,即係除非你根據《刑事罪行條例》156條取得法官批准,否則邊個都唔可以報導指明性罪行嘅申訴人身份。人網高登起底個post係香港時間12月24日0時發表,但受害者嘅網誌係12月24日凌晨三點發表,而高登有人透過受害者身份係23日嘅事,受害者係唔係被迫發表己經昭然若揭。

小弟希望香港律政司司長,儘快研究就有人違反《刑事罪行條例》156條行動採取行動,特別好明顯《刑事罪行條例》157條(4)款嘅免責辯護己經唔適用(高登admin反而無事,因為當佢知有問題果陣,佢己經郁手刪文)。

廣告

1 則迴響

Filed under 香港政治

One response to “X富豪與任亮憲案

  1. 高登仔

    陳大文咁做有冇犯法?

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s