Rap出硬膠

繆美詩:再Rap一次
黃世澤:誤用網上平台,Rap出公關災難

MC Jin居然仲敢喺平安夜於APM搞平安夜音樂會,我覺得面皮厚到無倫。因為Rap起嚟無節奏感(Rap歌要流暢到數白欖咁易至叫及格,以粵語嚟講,粵語好適合唱Rap,但偏偏要求填詞功力亦最高,因為粵語有九聲,粗口全部響到爆),歌詞充滿住「起錨」、「Sure Win」之類厭惡性元素,陳岳鵬嘅倒屎能力之高,真係驚為天人。而MC Jin敢同特首合作,唔驚重覆麥嘜嘅死法,真係只可以講,有啲人真係天生厚顏。

小弟認識嘅林忌,佢絕對唔係小弟呢種會聽LMF果挺人,佢平日唔聽Rap,但佢同好戲量合作填嘅惡搞版,都可以即時KO MC Jin(你會唱林忌同好戲量合作版嘅詞,定係MC Jin惡頂版),我諗有樣嘢好重要,要填粵語Rap歌,通曉粵語韻律以及對社會具批判精神(亦即係美國Rap歌原本嘅精神,本來經濟日報篇文有相當篇幅介紹Rap與政治,但因為唔係個個讀者頂得住果堆解說而要割愛),之前小弟介紹過LMF,唔係為粗口而粗口,MC仁填嘅詞都係諗清諗楚,甚至成個法國大革命理念都寫入去,MC仁本身亦係留法返嚟。

所以,呢次特首辦唔係東施效顰咁簡單,係直頭挑釁年青人,大批年青人走去惡搞特首同MC Jin,一如Rachel講,抵死。

延伸閱讀:
黃世澤:LMF、香港、法國
黃世澤:清舊歌散記

除咗粵語,南洋嘅Rap歌都係好犀利,因為混埋馬來語/印尼語,馬來語/印尼語係極為適合Rap嘅,最經典作品係認識南洋入門歌《麻坡的華語》,成個南洋嘅語言、種族、奇怪社會問題等等,一首歌講得清清楚楚,最堅係,好多識背《麻坡的華語》嘅係五、六十歲嘅長輩。

後話:查實特首辦有個人,肯定比陳岳鵬熟Rap呢種體裁熟十萬倍,大家應該估到係邊個,佢真係無乜理由俾MC Jin呢啲垃圾出到街。

我諗,應該要有位博客或者高登仔(我知高登應該有呢挺高人),認真向大家介紹吓Rap嘅歷史,同文化傳統,小弟呢樣嘢,就絕對唔敢獻醜喇。再有呢類文化上的錯判,小弟講真真係唔係好頂得順。

仲有,林忌加好戲量惡搞版嘅編曲,就真係好熟流行音樂嘅編曲,熟過特首辦用公帑請嘅膠人多多聲。

廣告

7 則迴響

Filed under 香港政治

7 responses to “Rap出硬膠

  1. Dbdb

    沒有默契的起錨行動,跟自發的投票意向自然是大不同,安棑好的啦啦隊永遠唔夠觀眾自身投入參與的鼎盛。

    想起林狗那篇真的假不了,假的眞不了的文章是當時寫得最好的。

    喜歡他一首歌反復吟唱,你知道嗎?你知道嗎,

    獅子山下精神絕非客家精神,也不是潮洲精神。

  2. 死士復活

    MC Jin?佢Rap英文我無認真聽過,但Rap中文?仲要係粵語?就完全唔掂囉!佢平日係啲電視節目度表演,Rap嗰啲所謂Rap,根本就只不過係將,原本想講出嚟嘅說話當成係Rap咁Rap出嚟!但最抵死嗰啲嘉賓主持,畀嘅反應完全同國王的新衣入面班人一模一樣!

  3. 義不容共

    不單止這一首劣作,早陣子不時聽到由農夫C君弄的甚麼RAP出基本法,更加不堪。

    余生也早 ( 60後 ),很多想法保守老套,趕不上潮流,不過睇勻全世界,恐怕當今只有特衰香港不知大體,肉麻當有趣,奴才充人材,專拿憲法民主等重大事情,放肆作最低級之政治洗腦 ( 隨時衰過孔子和平獎 ) 。

  4. Laure

    有關rap的歷史和抗爭史台灣都已經譯咗幾本書,香港真係…

  5. KMB59

    為何棄「歐陽靖」而用「MC Jin」?

  6. martinoei 黃世澤

    To KMB59:

    美國果面Rap歌歌手都話自己係MC乜乜,MC物物,好似曾蔭權都可以自稱MC Sir Donald Tsang(打完嘔吐大作)

  7. 持書者

    奴才當人才 契弟當英雄. 世上從來也只有中國如是.

    肉麻當有趣也是中國人才喜歡的..

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s