你依家仲去韓國真係一路在玩命

英國駐大韓民國大使館:應急指引

英國駐大韓民國大使館出得以上指引,即係暗示根據佢地嘅情報消息,南北韓隨時開拖。所以今個聖誕竟然選擇韓國做渡假地點嘅友仔,小弟對佢地嘅評語係:呢班友一路在玩命。無論揸乜護照,渡假都唔需要去啲你明知佢個鄰國係癲嘅國家。

當然,有啲人因搵食或其他理由,侷住出入大韓民國,我對呢啲人相當同情,而且人數都唔細。小弟對呢啲人,有以下忠告:

1. 除非你只得中國國籍,否則喺呢啲風頭火勢,唔好揸特區護照入大韓民國,因為特區政府班友一向硬膠,明顯未有準備。而中國政府本身就捲入南北韓事端,英國叫你聽美軍電台廣播,你應該知如果真係要撤退,都唔係英軍帶你走,而係美軍。中國軍隊有無能力撤僑,唔知。但小弟更怕係,南北韓兩國都當中國係敵國,你揸住本特區護照隨時裡外不是人,一啲著數都無。叫人唔好揸BNO入韓國,甚至話最後由中國大使館負責嘅五毛,完全係盲毛嚟,唔知朝鮮半島中國喺乜位置。

2. 熟讀英國大使館嘅指引,同埋知道點樣收聽美軍電台(American Force Network)嘅廣播,特別你啲韓文係有限公司嘅話,聽英文仲安全。

3. 千萬記得登記自己資料入LOCATE資料庫,入境果陣,一定要持BNO或者英國公民護照入境。

4. 你呢段期間去公幹,你最好帶物資,係根據英國使館check list做,特別你去嘅地方係漢城(首爾)同埋仁川,因為仁川同漢城太近北韓邊境,而且人口太集中。特別仁川國際機場,依家呢個局勢住得近機場一啲著數都無,隨時炮灰有份你做。

5. 如果見勢色唔對,向公司上司匯報,或者自己決定提早返港。

小弟順道提醒打算去日本嘅朋友,如果南北韓開拖,因為北韓啲領導人,唔係癲就係喪,日本東京、大阪等大城市中招係一啲都唔出奇。依家去日本仲安全,但越緊張小弟越唔敢包。話雖以美軍防衛能力,果啲一啲都唔準嘅大浦洞導彈,美軍嘅愛國者導彈應該好易對付,但搞到成田、羽田、關東等機場航班大亂都夠你頭赤。

9 則迴響

Filed under 香港政治, 東北亞政治

9 responses to “你依家仲去韓國真係一路在玩命

  1. mr.kedi

    http://ca.reuters.com/article/topNews/idCATOE6BG05Y20101220?pageNumber=3&virtualBrandChannel=0

    What do you think about the backdown? You think North Korea is really backing down or it is planning something else?

  2. S

    Should be Kansai instead of Kanto.

  3. dankei

    特苦超攪笑,大風雪令英國留學生及旅客滯留歐洲,全部安全亦無生命危險,但佢地會考慮派包機接滯留當地學生及旅客返港,但當香港人生命真正受威脅時 (如之前多次港人在東南亞旅遊危難事件及依家朝韓事件),佢地反而會慢慢安排、考慮、嘗試聯絡當地政府相關部門了解及跟進,再由數個特苦高級低能兒商量一下、二下、三下,到出事後就立刻派出包機接滯留港人返港。如果朝韓真係開波,港人靠特苦打救就死得!

  4. Kevin Liu

    BN(O) is very useful and I found that some Hong Kongers are very naive of not keeping it. Anyway Martin is right! Please use BN(O) for travalling to ROK! As for ROK point of view, CN is allies with NK. So do ROK is allies with US, UK… I have been to DMZ using my BN(O) and SAR passport cannot!

  5. Henry Chan

    大浦洞美軍尚可應付…….但係北韓現在新服役既彈道導彈—“舞水端"就可好難講(10月北韓既閱兵儀式已Show 過出黎),現有既資料顯示"舞水端"既準繩度提升不少

  6. bbbbb

    Reply to dankei

    Don’t you know that a lot of civil servants’ children are there? An other way to use 公帑 to subsidize their own desires. Ai~~~~~~~~

  7. Collapsar

    如果北韓以人海戰術攻打南韓,在南韓首爾的香港人可能要重覆西貢淪陷的時候的經歷。記得35年前,不少香港人都滯留在西貢100天,甚至被越共搶身份證(以金錢贖回),連港英也愛莫能助,今天出咩事就更難講。

  8. Fe010

    早早著草離開現場又無人會笑你的,保命要緊之際為何還要用自己的命較飛呢?不明不明。
    唔駛開片係最好,但只要唔係核戰生化戰就係不幸中之大幸了……

  9. longhair

    如果南韓贏
    用咩護照都冇問題啦,始終人家是文明家國,會唔會二次大戰咁呀?係既話,戰爭法庭見都得。撤橋,BNO、特區護照,排到幾後都冇人知。

    如果北韓贏
    拿英國護照,隨時比佢拉都唔定有知,要知道北韓根本係傻既。

    講真,當呢兩款証件,唔好聽講句,只能視之旅遊証件,唔好當真係護身符。若果真係咁怕,移民澳加紐甚至北歐,搵個正常護照好過。

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s