假如任亮憲事件在民進黨發生

任亮憲事件,任亮憲嘅案情我唔作評論,而任亮憲婚書出現之後,我諗佢應該解釋一吓,佢過往向傳媒所作嘅婚姻狀況宣稱係咪講大話。一如小弟對甘乃威事件嘅標準,任生嘅私事唔關我事,但任生當眾講大話嘅話,咁就關我地事。而任生,唔老實披露婚姻狀況周圍搞女係屬實嘅話,佢嘅情況比甘乃威嚴重一百倍。

依家社民連有黨員,要求趕任亮憲出黨,咁我會咁睇,大家成日要參考民進黨做法,我就俾啲真嘅民進黨做法嚟俾大家睇。

現行民進黨廉政條例

第二條 本條例所稱違反廉政行為之範圍如下:
一、 涉犯貪污、詐欺或恐嚇取財之罪者。 二、 涉犯刑法有關殺人、重傷、搶奪、強盜、恐嚇、 擄人勒贖之罪,組織犯罪防制條例、檢肅流氓條 例、毒品危害防制條例、洗錢防制法、槍砲彈藥 刀械管制條例之罪,或性侵害犯罪防治法第二條 所稱之性侵害犯罪或兒童及少年性交易防制條例
有關之罪者。 三、 涉紀律評議裁決條例第十六條、第二十五條至第
二十九條者。 四、 其他有涉及違反廉政、使用特權之行為而影響本
黨名譽者。

第六條 本會所調查違反廉政行為事件,如有下列之情形者,本 會應停止調查,逕予處分,但經本會四分之三決議者, 不在此限: 一、 一審法院判決有罪者,予以停權以上之處分。 二、 二審法院判決有罪者,予以除名之處分。

件事好簡單,如果喺民進黨嚟講,任亮憲倘若一審被判有罪,就應該停權,如果上訴都失敗,或者唔上訴,就直接踢出黨,件事就係咁簡單。當然,任亮憲其他嘅指控,如果喺民進黨,有人郁手投訴嘅話,就一早被廉政委員會開file查佢。以上廉政條例,正係陳水扁貪污案後,民進黨自我改革嘅結果嚟。

當然,香港政黨,有幾多做到民進黨咁就天曉得。但社民連有百幾位黨員聯署,要求開公聽會聆訊,我覺得係好合理嘅做法,呢個係更一步確保個黨聲譽嘅措施。如果任亮憲真係自問無辜,我諗佢都應該視呢條公聽會為一個好嘅辯解機會,應該出席至係。

廣告

6 則迴響

Filed under 香港政治

6 responses to “假如任亮憲事件在民進黨發生

  1. 鐵甲人

    拘捕已發生,刑事訴訟程序在進行中,如何能開公聽會公開對非刑事法辦單位討論案情,願詳聽之。

  2. FreeIran

    “拘捕已發生,刑事訴訟程序在進行中,如何能開公聽會公開對非刑事法辦單位討論案情,願詳聽之。"

    I 100% agree with you 鐵甲人!

  3. Laure

    如果公聽會的討論項目淪為討論任某人溝女、私德不濟等等行為,我覺得好可悲,而且佢有權出席了也不說話或矢口否認所有指控,到時又可以拿他甚麼辦?

  4. 凌天羽

    就算認為踼佢出黨係有問題, 咁, 凍結會員資格我見唔到lsd 有做過嗎?

    因為佢係政治人物, 政治人物一旦被控, 問題並不單在司層面, 還有政治層面上考量, 包括如何向公眾交待, 如何向黨員交待, 如何令形像受最少影響, 如何不會因為某些黨員的行為而令整個黨腐敗起來. 因應這些, 就需要有停權/凍結黨員資格既制度既存在, 直至司法程序完結才決定取消/罷免.

    現時的lsd 明顯就係因為毓民的支持, 而令任何停權/凍權機制都不不能運作, 若果真正出事時係會害死整個黨的.

    其實唔止政黨係咁, 好似TVB 志雲當時一樣係有被停止職務的措施.

  5. 凌天羽

    尤其係而家 LSD 既聲明顯只保護被告, 但沒有保護原告.

    若果在黨內發生的事宜, 若果沒有停權機制,
    就會出現加害者在司法程序期間利用黨內職權,
    對受害者(原告) 作出干預的可能性.

  6. 麥當勞

    世間哪有只有與訟人而沒有興訟人的公聽會?這是十分簡單的自然公義吧。

    如果不能質疑興訟人嘅信用,不能讓兩方互質,只要求與訟人自證無罪,那還會是什麼鬧劇?

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s