強姦案係點查嘅

昨天講過乜叫arrest with warrant,依家有人問,點解任亮憲第一次被arrest後,點解攞咗保釋,但唔即刻落charge兼安排見裁判官(即係提堂)。

強姦案要arrest with warrant,唔係咁容易。

由於依家強姦案入罪,科學鑑證係好重要,所以喺事主報案後,警察一定會做兩件事,令件事係有合理懷疑,可以說服裁判官發出手令:

1. 有關大廈入口嘅閉路電視錄影帶(不在場疑點得以消除)
2. 事發現場嘅科學鑑證證據(主要要用非事主或事主家人嘅纖維樣本)
3. 事主進行法醫化驗(證明陰道有被強暴跡象,以及有男子精液或體液或留有DNA樣本物件)

三樣嘢齊料,說服到法官可以根據《警隊條例》59條A及59條B,發出搜集體內樣本,甚至59條C體外樣本授權,有呢個授權連同拘捕令,咁樣至查到案。由於樣本係成單案嘅關鍵(基本上就係足夠DNA樣本),所以拎咗樣本後,咁就等政府化驗所化驗結果,所以通常會俾保釋,同埋要喺番指定日期報到。報到果日就係知道科學鑑證結果果日,如果科學鑑證結果齊料告人,就會即刻落案起訴兼提堂。

所以任生單案,第一次拘捕係唔會起訴,因為唔可能齊料。呢挺案件,亦要重案組調查,除咗強姦案好嚴重外,要拎到59A同59B或59C授權,係要警司級以上警員簽署授權,再去申請。

當然,根據59A或59B,疑犯可以唔俾體內樣本,但59C可以授權就算疑犯唔同意,都可以撿取體外樣本。所以科學鑑證呢樣嘢,基本上無得走雞就係。

5 則迴響

Filed under 香港政治

5 responses to “強姦案係點查嘅

  1. 漂泊的荷蘭人

    我只奇怪這些證據充其量只能證明有性行為。 女方如何證明她當時不是你情我願,是受到威脅呢?
    一定要受傷?

  2. v

    they have to hear both sides of the story and decide which is more credible.

  3. ky ho

    如果大家都係成年人,你情我願,搲吓扑吓好正常啫o強姦非禮,口同鼻拗,你試吓個樽猛咁郁,點插隻筷子入去,梗係個樽坐定定至可以喇!你話唔係政治陷阱, 鬼信!

  4. Bankers' Arms

    可能係女方set士碌架… 唔理la, 一個輕浮冇實質政見既社民連人士, 會唔會又懷疑有人背後破壞社民連?

    hoho, 又一個泡沫政黨

  5. 義不容共

    如果單單因為認同某人某黨的政治信仰 , 行動表現 , 而一口咬定私德人格必然可信 , 桃色甚至犯法必屬老屈圈套 , 係好低層次的政治崇拜迷信 .

    在香港投訴性侵犯好容易好過癮 ? 極可能要出庭作證 , 接受難堪盤問 , 飽受心理精神壓力 , 好多風化案過往長埋地底 , 受害人不敢挺身舉報 , 正正如此 .

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s