拘捕令種種

任亮憲被指強姦同非禮一名女士被捕,小弟感到震驚。

只不過震驚還震驚,但有啲友仔唔熟刑事程序,就唔好淡化任亮憲上差館係協助調查咁簡單。

市民係無責任協助警方調查罪案,所以協助調查後,唔需要保釋或報到,甚至你可以唔到。

但係拘捕就唔同,除咗警員合理懷疑有罪案正在發行,罪案又係指明可予拘捕罪行,可以無手令拘捕外(Arrest without warrant),在可行情況下,都要向裁判官申請一份拘捕令(Warrant),警員作出一份誓章,敘明涉及罪行以及合理懷疑依據,非要拘捕不可,得到手令至可以拉人,否則就係非法拘捕。警方根據手令,就可以剝奪一個人人身自由作調查之用。

除非成功向法院在事前得到不准保釋手令,否則警方只可拘留條友四十八小時,在完成調查,或滿四十八小時,一係准予保釋(Bail)並於指定時間報到,一係提堂(帶到裁判官席前),由法官作出決定。

所以依家任生嘅身份已經係疑犯,喺法律上係清白,但警方係基於合理懷疑認為他可能涉及犯罪活動,唔係協助調查。

廣告

11 則迴響

Filed under 香港政治, 法律

11 responses to “拘捕令種種

  1. mr.kedi

    That is soo Julian Assange…

  2. Simon Lee

    good , thank you

  3. “mr.kedi" 咁個人本身唔係咁的係好難中呢D招ge。所以有時都理解D八十後社運人士要同D女仔咁隔絕。

  4. 義不容共

    以前司徒華擔任民主黨鞭時 , 經常勸誡黨員私生活要檢點 , 切忌酒色財氣樣樣齊 , 否則隨時被人整一鋪 , 政海沉沒 , 身敗名裂 , 不過聽聞好多後生一輩嫌佢老套當耳邊風 .

    老人言經驗之談不必盡信 , 但如果充耳不聞 , 吃大虧就莫怪人 .

  5. Bankers' Arms

    Julian Assange? 太睇得起呢位任生喎! 佢出道咁耐, 未見佢有乜完整既政論! 一個政客嬉皮笑臉唔緊要, 但係都要交到功課, 停留係城市再論壇既level係唔得既…

    佢個fd阿咩醫生亦都係令人失望既一人, 一昧bank on 自己既醫生身份, 冇乜用既!

  6. v

    咪expect 他人點點點.呢個世界無完人.
    civic action doesn’t pay and it’s a pot luck. everybody brings something to the table.

  7. longhair

    港版Assange有點搞笑左同太睇得起佢。
    佢既地位未至於要咁樣拉佢下馬咁緊要掛。

  8. 飛蚊導彈

    以任君薄弱的影響力,對其施以阿桑奇一般的"人格謀殺"
    恐怕有點"殺機用牛刀"
    反而看周澄也來踏一腳,這次事件牽涉社運人士間
    桃色糾紛的機會也真不少
    我更關心的是這次事件對社民連的派系鬥爭
    和"選民力量"的狙擊行動有何影響

  9. Bankers' Arms

    社運咁撚細個圈都仲要窩裡鬥, 真係成事不足!

    我係九西都唔會投俾毓民! 一個理論基礎咁薄弱既政黨, 仲要係管理不善, 笑話連篇, 都唔係話泛唔泛道德, 而係成班人都仲好似玩泥沙咁! 阿任生如果32歲都仲未玩夠既, 學咩人從政呀!

    呢條友玩玩下都唔係第一日見到, 你睇佢倒閣果時, 連份聯署都唔肯簽就猛咁叫人簽, 議事論事李小薇算係對佢好仁慈, 我做主持一定質佢… 成日嬉皮笑臉, 人都30歲, 係咁give up個career出黎從政, 一定係背後有個完整既理念, 尤其係今日欠缺理念, 只有即食議題既政治環境, 選你, 同選民煮黨有乜分別? OK, 選毓民係想佢係議會惡搞, 但係咁既mandate會持久? 始終都有一個完整既政治經濟理念, 話俾人聽選你代表D乜! 唔好話俾人聽呢D所謂玩泥沙內鬥就係政黨成長既必經之路, 香港人大規模行民主之路已達30年, 冇時間再睇一個政黨點幼稚!

  10. Bankers' Arms

    任生之事真也好, 假也好, who cares? 佢唔deserve大家咁多attention lor!

    原本佢初初做得幾好, 騎劫城市論壇既airtime, 幾有腦兼膽色, 其實可以食住個勢, 帶領年中反高鐵運動, 成為八十後共主, 有個勢背後都要有貨, 路遙知馬力, 呢單野都只不過係一根稻草

  11. 不留名

    雖然對任生冇好感, 但係畢竟佢都有佢既存在價值, 他的冒起象徵年輕激進勢力抬頭, 可算係近年香港政壇的奇皅。

    他雖然有好多不足, 但係有點既人民, 就有點既候選人。市民想選既根本就唔係有一套完整理論為政網的候選人, 用炒股做比喻, 香港市民只會短炒, 唔會長渣。

    任生代表的黃毓民派系查實有唔少fans, 尤其係後生一輩, 衰就衰在好容易同人起衝突, 過一排就反面收場,好似自任生出現以來,社民連就內鬥不斷。不過這個都係唔少激進勢力的通病。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s