英治年代為何香港管得好

陶傑喺《壹週刊》寫嘅歲月王旗,寫點解英國人點解管治香港成功,都講得相當深入淺出。只不過,有啲嘢可以補充一吓:

1. 香港人口增長最快果陣,查實大英帝國陸續失去殖民地嘅時間,但與此同時,由於英國本土查實無乜巨型城市,所以好大程度上,唔單只交通規劃等等,香港係倫敦嘅影子,好大程度上,喺1997年前,香港係英國第二城市。2001年人口普查結果,可以睇出端倪

Wikipedia: List of Conurbations in the United Kingdom

1. 大倫敦地區:827萬
2. 伯明翰為首West Midlands Urban Area:228萬
3. 大曼徹斯特地區:224萬

好大程度上,香港喺英國殖民史上,出現奇怪現象,就係佢本身係英國第二大城,而且唔係孟買果挺人口得個多字嘅大城,繼續純粹當殖民地咁管,結果就係共產黨煽動吓就搞出六七暴動呢類膠出嚟,所以喺1967年後,英國點都好,都要當香港係英國本土嚟管,搞搞吓變成英國第二金融經濟中心。如果唔係新界租約問題搞唔掂,英國無諗住要放棄一個同倫敦規模差唔多嘅城市,特別呢個城市,擁有大英帝國八大銀行其中兩間主要資產,以及倫敦以外最良好電訊網絡(Cable & Wireless HKT),呢個同芬蘭將第二城市維堡割讓俾蘇聯咁大嘅損失。呢個亦解釋到點解有BN(O)呢樣,又想走數,但又想維持日後中國出事果陣,重新佔據香港可能性嘅怪物。

2. 英國議員係出名無事不抽水,唔抽水就唔係MP,雖然港督係公務員,但如果港督管出硬膠出嚟,恐怕執政黨被人抽到水乾都唔掂,喺殖民地紛紛獨立後,有乜好過香港係MP抽外交大臣水嘅工具?係英國議員呢挺抽水特性,至令香港政府管治質素唔會變成澳門果挺垃圾級。澳門一樣原本宗主國係民主國家,但葡萄牙七十年代革命後,本來就要放棄澳門,另一方面,無心管治之下就唔會熱衷抽水。呢個亦係點解工黨管治期間,出奇地出咗郭伯偉(係蘇格蘭佬)呢位奠定戴卓爾主義基礎嘅財政司,亦點解保守黨執政期間,出咗個左到同工黨一樣嘅麥理浩(又係蘇格蘭佬)做港督。

3. 當本土嚟管,本土唔收貨嘅事,香港呢度亦唔會收貨,甚至要求更好。好似喺豪宅區建公屋,呢個麥理浩年代嘅創舉,大家睇番依家倫敦市長Boris Johnson鬧爆David Cameron,cut房屋津貼係搞緊科索沃式社會清洗,大家諗吓如果麥理浩唔咁做,英國會唔會又有Boris Johnson咁嘅友仔抽水?Boris Johnson係保守黨,都咁樣鬧David Cameron,咁在野嘅工黨政客更加唔駛講,乜嘢難聽嘅嘢都可以拎嚟抽水。

所以香港有啲嘢比英國本土更好,例如道路網同地鐵(最好笑係,依家Transport for London嘅London Overground,管果間公司就係港鐵),某程度上, 香港呢班攀山越嶺嘅難民,除咗勤力,運氣都相當唔錯。

廣告

6 則迴響

Filed under 英國與歐洲, 香港政治

6 responses to “英治年代為何香港管得好

  1. Ryan Mud

    倫敦地鐵當然無香港O甘好, 話哂係維多利亞女皇時代產物!

  2. S

    we had our judicial appointment commission, a bill of rights act, a centralised prosecution service, etc., long before the uk on the isles. hk had indeed been the testing ground.

  3. sammike

    “hk had indeed been the testing ground." S said.
    He reminds me about the LRT.

  4. TTTK

    希望英國終有一日肯找BN(O)條數

  5. Martin

    明白博主的意思,但葡萄牙 70 年代革命前是獨裁政權,博主宜採其他比喻…

  6. Bankers' Arms

    1. 葡萄牙74年前, 雖然獨裁, 但經濟反而較好

    2. 澳門如此不濟, 應該同佢面積太小有關, 萄萄牙統治東非莫三鼻給, 60年代經濟欣欣向榮

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s