硬膠唔該去第二度

極醜惡己經差唔多係民間警察監察大使,熟警例熟到離奇,經常指出警察果啲膠到無朋友嘅嘢,佢一早都講,香港班差佬係無常識。

只不過,真係不幸言之。

話說有人喺facebook,以為自己巧威威,走去四圍貼懷疑係極醜惡叔嘅起底相,之後成棚上facebook嘅差佬,包括警務督察協會主席廖潔明,一干膠人全部走去和應,仲有人話要起呢條友底,甚至要喺briefing果陣派「極醜惡」嘅相,同瑞典為咗「唔戴套搞嘢」呢條咁膠嘅罪,走去要求引渡維基解密嘅阿桑吉邏輯一樣。

美國咁對付阿桑吉己經好膠,咁樣諗住濫用警權對付香港警界阿桑吉嘅極醜惡叔,我睇怕呢鋪都大把花生食。唔該,硬膠去第二度,有賊你唔捉走去發膠,你班友個腦生響邊度架。

Advertisements

6 則迴響

Filed under 香港政治

6 responses to “硬膠唔該去第二度

  1. 義不容共

    「極醜惡」跟阿桑吉可以相提並論嗎?假如阿桑吉專爆俄羅斯中共之類極權機密,會唔會早已像變節間諜一樣,莫名其妙身中劇毒死在倫敦?

    公眾地方拍下警察涉嫌違規與愚蠢所為,放上網公諸於世,跟黑客逞英雄盜取國防外交機密 ( 可能有人認為民主國家不應有機密,偷得到都係責在政府疏忽甩漏 ) ,性質輕重是否大有不同 ? ( 很多人忽略了,阿桑吉盜取的不只是外交電文,只不過傳媒負責衡量,危及線人損害國防的沒有刊出而已 )

    講番「極醜惡」,警隊中人與其為面子而費力起底,倒不如好好想法子糾正執勤言行啦 ( 就好似唔好蠢到用FOXY軟件處理證人證供等機密 )。

  2. Jacky Lim

    論差佬的羞惡, 莫過於欺善怕惡性的執法手段, 尤其是同交通條例有關果D
    對於普遍認為 “唔識嘢低下階層" 的職業司機, 少少唔妥就起勢落CHARGE, 告人唔駛本
    但對D貴價車果D呢, 就死狗果隻咁
    老老實實吖, 班差佬咪又係怕 “有錢人" 會花心機投訴佢, 而唔會擔心揸車搵食果班為口奔馳無時間郁佢, 所以就恰得就恰

  3. 不留名

    阿桑奇從來冇盜取任何嘢, 有既話美國就唔駛諗爆頭都唔知點告佢, 他只係收到由不知名人士在美國盜取的情報然後刊登, 佢做的野同衛報, 明鏡本質上完全冇分別。
    民主國家成日講透明度, 市民應該有知情權, 尤其是政客當著你面講一套, 背後做一套, 向大眾隠暪國家真實情況的時侯, 好似美國隠暪在伊拉克濫殺平民, 梵諦岡企圖阻止愛爾蘭調查神父孌童等都係牽涉重大公眾利益,連發生咩野事都唔知傻吓傻吓, 公眾點做到民主講既要監察政府, 要政府向人民負責?

  4. alvin

    不留名 –

    Pop quiz: What was the difference between a civilian and an insurgent in Iraq? Answer: Whether or not the weapon was hidden.

  5. 不留名

    Alvin –

    如果美軍真係咁諗, 怪唔之得場仗打咗咁耐都冇起色。因為先天己經對所有人有敵意, 啲平民無端端被人當係恐佈份子對待, 到最後只會令伊拉克全民皆兵。

  6. Jigsaw

    「極醜惡」今鋪真係俾死對頭agutyr同Reuter2起左底

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s