中國文化部邊條友諗出孔子和平獎呢啲北韓級創意出嚟，應該送去北韓借俾金正日用一用。
雖然中國文化部唔認數，但呢條數中國當局想唔找都唔得，否則點會全世界都知道呢個硬膠獎。首先，孔子和平獎諗出嚟，證明條友連中華文化係乜都唔知，中華文化裡面係墨子講兼愛非攻，搞都搞墨子和平獎，將孔子同和平拉埋一齊，張冠李戴，不知所謂，民進黨管碧玲恥笑中國搞就搞孔子教育獎，就係咁解。
最膠係，搞個獎同諾貝爾獎抗衡呢啲膠劇目，蘇聯都無咁硬膠，上鋪咁硬膠嘅友仔叫希特拉，所以今鋪肥佬黎又好，民進黨仲唔抽中共水抽到地裂（水位下降都不足以形容）。
所以今年諾貝爾和平獎充滿花生味，依家大家可以買定花生，睇呢幾日中共有幾膠，包括奧斯陸果啲收咗中國大使館錢嘅「華僑」，我建議挪威情報部門收集一吓資料，然後將呢班牛鬼蛇神趕晒返中國就得。
後話：成件事最好笑係，呢鋪民進黨由蔡其昌抽老共水話孔子比較認同諾貝爾獎，到管碧玲話孔子搞係教育獎，唔係和平獎，都睇到民進黨班友中華文化水平都好過老共多多聲，但捍衛中華文化為職志國民黨就唔知去咗邊。支持台獨係保護中華文化的有效方法嚟，我唔係講笑。
廣告
姑且扮一扮孔夫子語氣：
共匪鄉愿，無道抽水，不捨晝夜，是可忍，孰不可忍 ？
怎么没人提名邓小平，邓矮子呢？
應該是孔子河蟹獎才對.
堂堂大國, 不學無術, 丟人現眼. 果然國之將亡, 必出妖孽. 大家好好盡情恥笑.
前蘇聯也設立了一個“列寧獎”來抗衡諾貝爾獎。胡X濤滿腦子意識形態﹐現在的中共只是copy cat﹐學蘇聯老大哥而已﹗
今年既搞笑諾貝爾和平獎應該頒俾孔子和平獎以表揚佢既搞笑精神.
真是阿Q，原來21世紀，中國還只是阿Q的水平。
壽西斯古.
『包括奧斯陸果啲收咗中國大使館錢嘅「華僑」……』
那些華人是中國人抑或挪威人？