放寬新聞的視野

12月8日,係約翰連儂遇刺30週年,而英國BBC本土新聞台(BBC News)有個節目叫The Lennon Legacy,用半個鐘時間講約翰連儂嘅一生。

比較起香港新聞傳媒,點處理李小龍七十冥壽,你真係有啲火滾。

先講電視新聞,小弟無喺香港TVB同ATV嘅新聞發現同李小龍冥壽有關報導,小弟睇到有關報導竟然係台灣民視新聞台,係民進黨嘅新聞台,己經完全覺得香港傳媒有無搞錯(當時小弟喺台灣,大家想像一吓,當時小弟對香港新聞界嘅無知有乜感受)。

而BBC News嘅The Lennon Legacy,有一半時間係分析John Lennon嘅政治同反戰信仰,當然,李小龍一生無John Lennon咁重政治味,John Lennon爭啲被尼克遜政府借機趕佢返英國,而英國政府亦對佢非常之唔友善,但李小龍截拳道係有本身對政治,以至民族嘅睇法,新聞人可以放喺《星期日檔案》之類時段做,好過你節目部偏重娛樂嘅《龍騰天下》。有時候,做新聞應該有番啲人文視野至啱。

本來香港人己經好虧待李小龍,英國利物浦國際機場係以John Lennon命名(2002年改名為利物浦約翰連儂國際機場),就算香港政府唔將香港機場命名為李小龍國際機場(雖然我認為應該命名為彭定康勳爵國際機場,但我諗係中國民主化或者香港獨立後至會做嘅事),至少應該將香港一條高速公路以李小龍命名,以及將李小龍故居列作李小龍博物館,但結果係乜叉都無做。連小弟一位喺德國教截拳道朋友都問,點解香港政府對李小龍咁差架,小弟實在唔識點同我個德國朋友解釋。

後話:如果講道路命名,香港人仲應該考慮將香港一條路紀念因抗日被俘,日後亦推動香港政治改革嘅港督楊慕琦爵士,小弟認為可以將中環灣仔繞道命名為楊慕琦爵士公路。至於香港首任特首董建華?我諗當佢係秦儈來處理就差唔多。

廣告

5 則迴響

Filed under 英國與歐洲, 香港政治, 傳媒

5 responses to “放寬新聞的視野

  1. Bankers' Arms

    黃生, 仲有

    將呈祥道索性改作戴麟趾道, 為紀念戴督六七暴動力保香港及其七年任內建設的功績

  2. Dbdb

    另有,教宗訪英的時候,有若望保祿二世體育學院的成立

  3. Ashley

    如果再起居屋, 第一個屋 苑一定要用麥理浩爵士命名, 仲要立個銅像

  4. world traveler plus

    金雞有一段好似講,老襯亭叫,董建華亭.

    搵香港人老襯

  5. world traveler plus

    Re:Bankers’ Arms

    “麟趾呈祥",以經當係以佢命名.

    相比之下, 楊慕琦乜鬼都無.

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s