應該重拍義海豪情

如果義海豪情喺早少少拍,或者套劇只賣去南洋唔賣去中國(好似第一集巾幗梟雄咁),我諗李添勝至可以講番佢自己想講嘅嘢。

由巾幗梟雄一睇,李添勝對時局,以至共產黨係好有意見,呢個亦係點解巾幗梟雄同時得到師奶同一啲對TVB劇唔滿意好耐嘅人共同欣賞原因。如果套劇製作果陣仲係陳志雲當政,未必河蟹得咁厲害,大家睇節目巡禮果個版本,應該預期原來版本係好激吓(甚至我有理由相信,呢個係李添勝對時局的警告)。

但李寶安只會諗賣唔賣到中國嘅問題,結果儘管有部分無線高層唔識睇對時政嘅睇法,得以保留落嚟,只不過喺中國己經ban咗有關部分,小弟相信呢部片,最後只能賣去南洋。只不過,好多地方唔係被迫多餘咁寫(結局),就係唔合歷史事實(例如抗戰勝利無青天白日滿地紅旗)。所以,小弟睇咗幾集,就放棄無睇義海豪情。

講真,義海豪情應該重拍,但可能係中國共產黨倒台之後。韋家輝嘅《大時代》可能係唯一反共反到底嘅傳奇。

廣告

9 則迴響

Filed under 香港政治, 傳媒

9 responses to “應該重拍義海豪情

  1. o157hk

    重有一D更加唔合理的河蟹位:叫內戰/ 新政府 , 唔係叫共產黨打到嚟!!!!

    不過我覺得改成而家個河蟹版, 李氏力場的影響力大啲. 醒哥兼明醫生完全係聖人一個, 咁先配合百X廣告個形象.

    如果用上面個故仔, 醒哥又收片及包庇毒販, 個形象差好遠. C9未必受.

  2. nightingalelin

    唔乎合歷史,唔緊要。因為中國文化向來唔重視世界觀,內向型。
    反而唔乎合歷史,可以講唔知邊條仆街發動內戰,傷害人民感情,d師奶又共鳴,又講粗口。如果佢寫到明,就無得玩膠,無機會比班師奶反共。
    仲有,漢奸係背叛左中華人民共和國。如果班憤青紏正我地,又可以反咬佢俾外國勢力洗腦,以及改善親中同自由人之間的友義,機會難逢。

  3. Bankers' Arms

    who cares?! 一部咁既爛作, 點賣到大陸呀? 都唔講劇裡既政治立場, 如果無線管理層稍有睇睇大陸近年電視劇, 就會知道大陸拍劇已經冇顧忌, <>裡不單只滿佈國旗/國父/蔣公像, 國府內部各派衙門徑葦分明, 時而內鬥, 時而合作, 連保密局內上司與下屬的關係都很充滿人性, 很有辦公室政治的昧道, 這樣的電視劇集才會吸引到不只師奶, 而且是年輕上班一族的新生代收看

    反觀義海豪情這套爛作, 連廣州警察局要撤到台灣, 都可以交待得相當拿西! 警員應該是忙著燒文件收拾, 局內亂作一團, 連這樣合格逼真的場景都欠奉, 那休想賣到東南亞美歐大陸! 因為大陸的劇集, 不論情節/歷史/細節, 都比此劇強得多! 那義海豪情又怎能競爭? 今天已經不是八十年代, 只有無線製作才像樣的年代, 海外華人早已不會照啃無線一山還有一山低的垃圾!

  4. Bankers' Arms

    按: 大陸電視劇 潛伏

  5. v

    dislike big 6 tv series

  6. sam

    韋家輝亞視拍了"還看今朝"和"暴雨燃燒":

  7. o157hk: 你呢個應該係主要原因。如果拍到阿醒哥兼明醫生係奸ge,影響客戶形象。大家都知,免費電視台的客戶係廣告商,唔係觀眾。

  8. 今集義海豪情水準真的跟第一集有很大距離. 打仗有米食, 還大魚大肉, 不是嗎? 九姑娘在集中營的戲, 竟然用名牌筆寫信, 還有Candle, 可能嗎? 抗戰勝利後沒有民國旗, 不敢講共產黨同國民黨內戰, 完全是亂來.

    在下想cctvb沒有料到有人拿節目巡禮的片頭跟本劇做比較. 當然, 拍到像節目巡禮般的劇情, 方小姐會否嚇親?

  9. 蘇菲

    Sam,

    thanks for the sharing . 第一次睇廣東話的文革電視劇

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s