連勝文槍擊事件


喺蘇貞昌造勢大會會場附近一間電器鋪,迫滿睇電視新聞嘅民眾。

唔知小弟定台灣人嘅運氣有問題,十年見過嘅選戰,兩次係臨投票果日有槍擊案,一次係陳水扁槍擊事件,一次呢次係連勝文槍擊事件。


選舉糾紛開錯槍 連勝文中槍
2010/11/26 23:00 華視新聞     
到底這名黑道份子馬面,為什麼要開槍,警方表示,原來,他是因為選舉糾紛,本來他是要對市議員候選人,陳鴻源開槍,沒想到,居然意外打到了連勝文,而且,還波及到另一名無辜的路人黃運聖,送醫前已經沒有生命跡象。

雖然公廣集團旗下嘅華視,作出報導指出,呢單嘢隨時係黑吃黑結果搞出硬膠,但喺台灣有陳水扁槍擊案陰謀論滿天飛嘅前科,明日我真係唔知搞出乜硬膠出嚟。

1. 如果明天蘇貞昌同蔡英文是但一個輸咗,藍營喺陳水扁槍擊案都話係奧步,咁綠營支持者用番同樣邏輯思考唔奇,咁明晚台北街頭隨時刺激過小弟喺2000,2004年選舉結果嘅情況。(2000小弟喺凱道見過水炮車待候,2004年就台北街頭藍營長期靜坐)

2. 本來呢次選戰有望結束撕裂局面,但依家嚟單咁嘅膠嘢,仲唔益咗鍾意重口味同用腎上腺素嚟搞政治嘅朋友,蔡英文、蘇貞昌甚至金溥聰有份嘅苦心全部白廢。

3. 有部分台灣人己經懷疑,係中國搵槍手搞亂檔,目的係令台灣長期內亂,小弟唔認為北京諗住咁,因為依家停止撕裂式玩法,對兩岸和平有利。只不過中國共產黨內鬥,就乜膠都可以玩出嚟,小弟唔知會有乜事發生。

呢兩槍,一死一重傷,仲搞到局勢大亂,果條硬膠有無諗過佢做緊乜。

6 則迴響

Filed under 台灣政治

6 responses to “連勝文槍擊事件

  1. 香港賓拉登

    上海幫。。。

    因為佢地從來唔想好好咁統一

  2. 這次打到的是連公子,如果是國民黨內所為,恐怕連戰不會放過他吧﹖

  3. Paul Siu

    地下賭莊吧

  4. 麥當勞

    各位是否太過投入於政黨論述?

    黑幫向來求財唔求氣,事情來來去去地方利益分賬爭拗,街外錢賺極都賺唔完,如果唔係切身利益受損,黑幫點會開槍殺人?

    所謂「國民黨內所為」,其實國民黨好大,唔係黨員人數多,而係國民黨涉及嘅外圍利益好巨大,呢 d 外圍利益會「自己打自己」,外面睇好好笑,但市鄉選舉黨內競爭其實好大,「自己打自己」才是常態,只要唔出動手槍就黨中央都唔管得咁多。今次玩大咗,都係因為陳鴻源與黑幫關係過密之故。

  5. 麥當勞

    「地下賭莊」係值得考慮嘅方向,因為都係錢。不過我覺得這個說法與其他環境不符。

    首先,地下賭莊找個吸毒吸到認唔到人嘅人做殺手,我覺得比較兒戲。不過我呢個反駁理由唔夠強。

    比較現實係,無論五都選成點,警政署仍然係國民黨嘅警政署。子彈無眼,今次子彈會轉彎打唔死連勝文,唔代表呢類殺人行動唔可以致命。如果子彈轉咗上腦,一個唔覺意打死咗連勝文,我睇班地下賭莊賺到錢都無命享,而且唔係用法律,國民黨都係黑社會出身,買起原兇全家都仲得。

  6. v

    唔理intention,總之國共黨就會spin到盡幫台北縣反枱。

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s