超越過去是同時向藍綠講

我很避免以選戰廣告來判斷或總結一場選戰,特別結果未料時。但這場街頭氣氛很冷的選戰,沒有什麼比蘇貞昌嘅電視廣告,更加講出這場選戰嘅本質。

不論國民黨定民進黨,敵人都是他們的「過去」以及「政治運作方式」。

民進黨要超越,是陳水扁那種動輒玩煽動政治玩到走火入魔嘅玩法,成個廣告無鬧對家點點點,甚至有自己都鬧埋,以及為陳水扁年代道歉嘅成份。但如果這次蘇貞昌、蔡英文將新北、北市取下來,相信那些靠激搏上位嘅政客應該,但講嘢連論點邏輯都未搞清楚嘅朋友,應該到此為止。呢個,比2000年超越悲情更重要。當香港以為陳水扁嘅玩法好好玩果陣,民進黨己經試圖拋棄呢套對台灣副作用唔細嘅方式。

國民黨要超越是地方派系綁架,同埋,佢地能否同民進黨一齊離開陳水扁年代。事實上,炒作扁案己經出現副作用,呢啲炒作舊帳嘅作為,隨著蘇貞昌廣告溫和咁講出佢地問題,變成咗史前化石,如果國民黨仲留喺陳水扁年代,大家諗吓呢樣係唔係藍綠選民同時想要?特別民進黨,呢次無對所謂台灣人悲情提出嚟,提出超越對立,你走去製造對立就好硬膠(但好明顯,國民黨喺報紙賣果堆廣告,中晒計)。

民主政治係要長大,特別台灣將要面對,係共產黨生命將臨終結時巨大不穩,玩唔起任何對立,兩個黨嘅體質亦需要提升。但小弟對國民黨特別擔心,到呢場選戰為止,小弟仍然未睇到任何足以喺後馬英九年代可以擔當大任嘅人,呢個人應該要喺呢次選戰就要出嚟,但小弟見唔到,呢個對台灣民主政治嘅可持續發展,一啲好處都無。甚至可以咁講,如果香港或台灣或海外,有人想追求大政奉還中華民國呢個理念嘅話,呢次選戰輸咗未必係壞事,仲馬英九仲喺度,應該問佢:有無一個國民黨提拔人才嘅計,為未來一百年鋪路。

Advertisements

4 則迴響

Filed under 台灣政治

4 responses to “超越過去是同時向藍綠講

  1. Martin

    我想如果朱立倫勝選,他很可能是馬英九後下一任國民黨領袖… 雖說他是和馬英九同輩,同是九十年代的中生代,但總可把接班問題拖上三數年;要是他敗選,那我真的看不出國民黨還有甚麼有領袖魅力的人…

  2. martinoei 黃世澤

    培養一個領袖係講緊十年以上嘅事,由2000年國民黨輸俾民進黨到依家,仲未有啲有苗頭嘅新秀,咁就好牙煙,唔係話一個能力比唔上馬英九嘅朱立倫可以拖多幾年。

    你睇人民行動黨,成個搵人嘅timetable,你就知國民黨可能己經積重難返。

  3. v

    藍黨無咩嘢吸引到後生仔

  4. 李學斌

    單以製作而言,蘇貞昌本人及其團隊都是一流的。可惜的是,民進黨還未渡過艱難期。

    泛綠的椿腳走向家族承繼模式,大體而言已經像昔日的國民黨般,漸漸元老院化。世襲政治資源是難免的現象,然泛綠過去三十年來,卻是靠清新氣象和本土意識微妙聯合而團結形成,這箇中合作能否跨代交替,還真是個大難題。

    蘇貞昌說到底是美麗島世代,不是純粹智性精英。他的道德光輝正是蔡英文所代表的能吏、學者,亦即民進黨理應交棒與的新班子所無法追及的。蔡英文形態,無法管領整個南部,五都協調中反映無遺。

    泛綠正在慢慢瓦解為純綠(本土主義的台聯)、新綠(國際向的綠盟)和傳統綠(現任立委、官僚和校內活動份子,同時是組織動量最高的一群),在藍大於綠基本盤下,失去團結就等於潰敗。

    藍營經營不善,方向模糊被動,要靠金小刀動員和評定,難聽點說是坐著等共產黨回收和諧。偏偏這期間中共走了幾步好棋,一是近乎沒有對台灣作出任何威脅,二是在中日間題上採取更多主動,三是全方位吸納台灣人才,簡直是把藍綠傳統的政治面貌和合法性來源陰乾。

    我個人雖然希望蘇貞昌贏,但對民進黨乃至蘇貞昌帶出來的議題,都不感樂觀。當中共大形勢太好,台灣很難發力。


    題外話,中共已經不怎利用台灣和美日打軍事牌,反而更放低港澳經濟牌,拿美日韓政策跟台灣打人心牌。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s