打擊炒樓打條毛?

政府先排推出打擊炒樓措施,狂加印花稅,最初小弟都以為係食砒霜杜老虎嘅做法,只不過,諗深一層,打擊炒樓?益咗會計師行同律師行就有。

查實,依家大家喺土地註冊處見到嘅成交紀錄,小弟可以稱為小規模成交紀錄,因為呢啲一般唔係公司持貨,或者公司小規模散貨後交易結果。有一類交易,無辦法喺土地註冊處見到,就係持有幾個單位嘅業主,以有限公司名義揸貨,之後就賣咗間有限公司股權,咁樣嘅轉讓要去公司註冊處查(如果香港註冊),但如果係BVI公司,你真係查條毛。

所以咁狂加印花稅嘅結果,就係益咗搞空殼公司果啲公司,依家用緊空殼公司揸貨嘅友仔,仲簡單,佢地依家連殼賣,成個交易流程變咗係會計師出手,地產經紀佔一個比較次要嘅角色。以往小市民唔會用呢招,因為成個流程好煩,要搵會計師幫手,做嘅律師亦唔係樓契律師。只不過,依家加稅加成咁,啲律師同會計師實有計嘅。離婚,債務重組IVA都可以搵律師行成個套餐咁做,有乜嘢唔可以套餐做?

5 則迴響

Filed under 香港政治, 財經

5 responses to “打擊炒樓打條毛?

  1. world traveler plus

    買賣公司,當然要做Due Diligence.
    會計師又有生意.

  2. S

    Can members of public inspect the shareholding details of shell companies?

  3. Bittermelon

    世澤兄其實可以放心, 雖然利用公司持貨可以逃避新的Stamp duties 規定, 但一般用家唔會輕易或者唔敢接呢類貨, 一來手續比一般樓宅買賣麻煩少少, 二來接呢類貨, 搵銀行做mortgage會好麻煩, 要提供公司audited financial statement之餘, 銀行審批又會較長, 而且搵按揭保險計劃做二按未必會批(好似係一定唔批tim), 所以用呢種方法去避新既Stamp duties應該唔會成為主流.

    我反而担心既係施永清先生提出過既責任問題, 話新例無講明又邊一方負擔額外Stamp duties既責任, 搞到樓價資訊混亂.

  4. 飛蚊導彈

    公司持有物業只限按五成,一般用家負擔不起首期.
    結果這種手法只會在專業炒家之間"塘水滾塘魚",正可舒緩樓價升勢.

  5. world traveler plus

    如果有新盤開,發展商唔係再賣樓,而係同賣家合股開公司,樓家佔新公司股份一成,發展商九成,就變相九成按揭.
    發展商再包裝九成股份上市(REIT)套現.

    我冧發可能有漏洞,但如果發展商真係要同政府鬥法,應該有可能.

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s