菜園村抗爭成田化

一月十三日《信報》余錦賢提出咗一個,我相信反高鐵運動依家走緊嘅方向,就係反高鐵運動成田化。如果真係走向成田機場鬥爭式嘅運動,對政府,將會係惡夢。

成田機場興建相關抗爭,係亞洲地區有晒名。大家見到成田機場,無厘頭喺機場中間,有啲農田或者住屋,呢啲就係成棚抗爭行動中,最有膠力嘅部分,亦即所謂「一坪地主」運動。買一坪地返嚟阻止你班友起機場。如果我係成田機場當局,應該安排遊客參觀吓,因為真係奇景。

當然,唔只一坪地主運動咁簡單,日本有類似香港《收回官地條例》嘅法律,授權政府強制收回用嚟做公共建設嘅土地,但由於成田嘅農民抗爭運動相當多,一係血腥暴力到好似東峰十字路事件,或者成田機場控制塔佔領事件,而由1978年到2004年,大大小小有成五百幾宗玩膠遊擊事件,煩不勝煩,最後日本政府連用強制收地呢招都唔敢,呢個亦係促使日本用填海方式擴建羽田機場,羽田機場重新成為國際機場嘅原因。日日咁同農民以及新左翼分子玩膠,幾時至擴建到機場至得,不如填海算數。

依家政府對菜園村呢班,因為新界原居民阻住地球轉而買唔到嘅村民強硬,一啲好處都無,因為高鐵沿線好多人受影響,例如大角嘴居民,依家西九四小龍嘅住客,見到深旺道樁柱工程,同美荔道隧道開工,至少佢地都係中招人士。一旦抗爭擴大,經常有人玩膠就一啲都唔好玩。演變城市游擊戰可能性係存在,因為菜園村居民,大角嘴居民都一無所有,佢地抗爭嘅機會成本越嚟越低。

2 則迴響

Filed under 香港政治, 東北亞政治

2 responses to “菜園村抗爭成田化

  1. 土地收用法第一句就係要傾點賠(第一条  この法律は、公共の利益となる事業に必要な土地等の収用又は使用に関し、その要件、手続及び効果並びにこれに伴う損失の補償等について規定し、公共の利益の増進と私有財産との調整を図り、もつて国土の適正且つ合理的な利用に寄与することを目的とする。 ),因私有土地權關係,強收根本不可行,傾唔到可以繼續拖,成田問題自不然是住民根本不願傾,那政府完全沒有任何辦法可言;

    同樣,都市再生機構在重建東京杗本木時情況亦一樣,只能傾,不能收。

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s